Fréttir

Starfsnám í ferðaþjónustu

Innritun stendur nú yfir í starfsnám í ferðaþjónustu sem kennt er í Menntaskólanum í Kópavogi, þ.e. í Ferðamálaskólann og Leiðsöguskólann. Meðal nýjunga í vetur er nám í leiðsögn með Íslendinga. Þær námleiðir sem boðið er uppá eru fimm: Hótelstjórnun ? nám á háskóalstigi sem kennt í í samstarfi við César Ritz Colleges í Sviss. Flugþjónustunám - Undirbúningsnám fyrir verðandi flugfreyjur og flugþjóna. Hagnýtt ferðafræðinám, fjarnám - Sérsniðið fyrir þá sem starfa við ferðaþjónustu á landsbyggðinni. Starfstengt ferðafræðinám - Hagnýtt nám fyrir þá sem vilja starfa í ferðaþjónustufyrirtækjum. Leiðsögunám - Eins árs kvöldnám. Leiðsögunám tekur eitt skólaár og er kennt á kvöldin, þrjú kvöld í viku. Að loknu námi í kjarna stendur nemendum skólans til boða fjögur ólík kjörsvið: Afþreyingarleiðsögn, Almenn leiðsögn, Gönguleiðsögn og Leiðsögn með Íslendinga. Er hið síðasttalda nýjung í starfseminni. Sjá nánar
Lesa meira

Icelandair Group hlýtur samgönguverðlaun

Icelandair Group hlaut samgönguverðlaun samgönguráðherra sem veitt voru í fyrsta sinn í gær. Verðlaunin fær fyrirtækið og fyrirrennarar þess á sviði flugmála fyrir brautryðjendastarf og áratuga uppbyggingu á flugsamgöngum um Ísland og milli landa.      Lesa frétt á vef Samgönguráðuneytisins.    
Lesa meira

Iceland Express flýgur beint til Barcelona

Iceland Express hefur flug til Barcelona í vetur og hefst sala á hádegi þann 16. ágúst. Eins og fram kemur í fréttatilkynningu frá félaginu verður Barcelona fimmtándi áfangastaðurinn sem flugfélagið flýgur til. Flogið verður tvisvar í viku, á mánudögum og föstudögum, á tímabilinu frá 9. nóvember til loka maí að undanskildu hléi frá miðjum desember fram til 1. febrúar. Flogið verður frá Keflavík kl. 16:25 föstudaga og mánudaga, en lagt af stað frá Barcelona til Keflavíkur kl. 23:10 að staðartíma föstudaga og mánudaga. Flugtíminn milli Keflavíkur og Barcelona er um 4 klukkutímar og 20 mínútur. Barcelona hefur verið einn af vinsælustu áfangastöðum Íslendinga síðustu ár og þótt ein af áhugaverðustu borgum Evrópu, með einstaka byggingarlist, fjölbreytt söfn og spennandi næturlíf.  
Lesa meira

Fjölgun farþega um Keflavíkurflugvöll það sem af er árinu

Í júlímánuði síðastliðnum fóru 309 þúsund farþegar um Keflavíkurflugvöll og fjölgar þeim um 9,78% á milli ára. Þetta kemur fram í tölum frá flugvellinum. Veruleg fjölgun farþega hefur átt sér stað á þessu ári og nemur 9% frá áramótum. Farþegar fyrstu sjö mánuði þessa árs voru rúmlega 1,4 milljónir samanborið við tæplega 1,2 milljónir frá janúar til júlí. Nánari skiptingu má sjá í meðfylgjandi töflu.   Júlí 07. YTD Júlí 06. YTD Mán. % breyting YTD % Breyting Héðan: 125.494 531.600 118.057 489.985 6,30% 8,49% Hingað: 135.489 547.038 123.982 498.173 9,28% 9,81% Áfram: 6.711 22.925 1.645 9.441 307,96% 142,82% Skipti. 41.310 150.641 37.779 152.949 9,35% -1,51%   309.004 1.252.204 281.463 1.150.548 9,78% 8,84%
Lesa meira

Mikil fjölgun ferðamanna fyrri hluta ársins - Stefnir í 500.000 ferðamenn í ár

Erlendum ferðamönnum fjölgaði um rúm 19% fyrstu 6 mánuði ársins, miðað við sama tíma í fyrra, samkvæmt talningum Ferðamálastofu í Leifsstöð. Mikil aukning var í júní síðastliðnum en þá fjölgaði ferðamönnum um fjórðung á milli ára. Í júní er aukning frá öllum markaðsvæðum. Frá áramótum til júníloka voru erlendir ferðamenn sem fóru um Leifsstöð 177.831 talsins, samborið við 149.132 í fyrra. Lítilháttar fækkun er frá Bandaríkjunum en fjölgun frá öllum öðrum mörkuðum. Á fyrstu sex mánuðunum eru Bretar fjölmennastir en Bandaríkjamenn og Danir í öðru og þriðja sæti eins og í fyrra. Að sögn Ársæls Harðarsonar forstöðumanns markaðssviðs Ferðamálastofu kemur vöxturinn ekki á óvart en því hefur verið spáð að í lok árs hafi hingað komið yfir 500.000 erlendir ferðamenn í fyrsta sinn. ?Jafnt og þétt hefur orðið mikil aukning á sætaframboði í flugi, einkum til og frá Evrópu, Norðurlöndum og Bretlandi.  Aukið gistirými hefur fylgt með og stöðug markaðssetning hefur farið fram á öllum mörkuðum? segir Ársæll. Frekari upplýsingar: arsaell@icetourist.is Frá áramótum   2006 2007 Mism. % Bandaríkin                     25.083 22.746 -2.337 -9,3% Bretland                       28.432 34.255 5.823 20,5% Danmörk                        14.448 17.053 2.605 18,0% Finnland                       3.407 4.032 625 18,3% Frakkland                      6.883 7.059 176 2,6% Holland                        4.254 5.252 998 23,5% Ítalía                         2.099 2.674 575 27,4% Japan                          2.713 2.803 90 3,3% Kanada                         1.436 2.215 779 54,2% Kína 0 2.521     Noregur                        12.111 15.796 3.685 30,4% Pólland 0 5.520     Rússland 0 220     Spánn                          1.363 1.909 546 40,1% Sviss                          1.411 1.704 293 20,8% Svíþjóð                        10.958 13.326 2.368 21,6% Þýskaland                      11.521 12.360 839 7,3% Önnur þjóðerni                 23.013 26.386 3.373 14,7% Samtals: 149.132 177.831 28.699 19,2% Frá áramótum - markaðssvæði   2006 2007 Mism. % N.-Ameríka 26.519 24.961 -1.558 -5,9% Bretland 28.432 34.255 5.823 20,5% Skandinavía 40.924 50.207 9.283 22,7% Evrópa 27.531 36.478 8.947 32,5% Annað 25.726 31.930 6.204 24,1% Samals: 149.132 177.831 28.699 19,2%
Lesa meira

Fundur með íslenskum þátttakendum á Vestnorden

Ferðamálastofu hefur borist ósk um að haldinn verði fundur um þátttöku íslenskra fyrirtækja á Vestnorden  í Færeyjum í september. Í  ljósi þessarar beiðni er  boðað til fundar með  íslenskum þátttakendum og verður fundurinn  þriðjudaginn  7 ágúst  kl 15:00  á Grand Hótel.
Lesa meira

Vestnorden ferðakaupstefnan eftir sex vikur í Færeyjum

Hin árlega Vestnorden ferðakaupstefna sem nú verður haldin í 22. sinn hefst í Færeyjum 10. september næstkomandi. Skráningarfrestur fyrir seljendur er liðinn og er ekki lengur pláss fyrir fleiri fyrirtæki á sýningarsvæðinu. 130 fyrirtæki frá Íslandi, Færeyjum og Grænlandi eru nú skráð og 227 starfsmenn þeirra munu kynna vöru og þjónustu fyrir kaupendum. Lokafrestur fyrir skráningu kaupenda er í dag en nú eru 78 kaupendur skráðir frá 57 fyrirtækjum. Heimasíða Vestnorden 2007
Lesa meira

Íslandshátíð í Liverpool

Seinna á árinu, nánar tiltekið dagana 29. nóvember til 2. desember, verður Ísland í sviðsljósinu í Liverpool í Englandi. Þá verður haldin í borginni hátíð þar sem íslenskir listamenn og íslenskt lista- og menningarlíf verður í öndvegi. Viðburðurinn er hluti af 800 ára afmælishátíð Liverpoolborgar, sem stendur í raun allt árið. Meðal dagskráratriða má nefna tónlistaratriði af ýmsum toga, sýningu á íslenskri hönnun, ljósmyndasýningar og kynningu á íslenskum kvikmyndum. Þá munu íslenskir meistarakokkar sækja borgina heim og haldin verður smásagnasamkeppni í samvinnu við grunnskóla á svæðinu þar sem í verðlaun er ferð til Íslands. Yfirdómari í keppninni verður Andri Snær Magnason rithöfundur en verðlaunabók hans, barnabókin Sagan af bláa hnettinum, verður gefin út á ensku í tengslum við hátíðina. Frumkvöðull að Íslandshátíðinni er Ingi Þór Jónsson, framkvæmdamaður í Liverpool. Ýmsir íslenskir aðilar leggja hönd á plóg og þeirra á meðal Ferðamálastofa. ?Á hátíðinni gefst gott tækifæri til að kynna Ísland á svæðinu en flogið er frá Manchester til Keflavíkur tvisvar sinnum í viku árið um kring,? segir Sigrún Hlín Sigurðardóttir, markaðsfulltrúi Ferðamálastofu á Bretlandsmarkaði. Heimasíða hátíðarinnar
Lesa meira

Vefur um íslenskt tónlistarlíf

Útflutningsskrifstofa íslenskrar tónlistar (ÚTÓN) tók nýverið í gagnið vefinn www.icelandicmusic.is sem ætlað er að veita upplýsingar um íslenskt tónlistarlíf. Þegar hefur fjöldi listamanna skráð upplýsingar um sig á vefinn, að því er fram kemur í fréttatilkynningu. Paul Sullivan, sem meðal annars hefur skrifað fyrir fjölda alþjóðlegra tónlistartímarita og skrifaði bókina Waking up in Iceland, hefur verið ráðinn ritstjóri vefsíðunnar. Hann mun sjá um efnisöflun og greinaskrif samhliða því að ritstýra aðsendu efni. Anna Hildur Hildibrands­dóttir, framkvæmdastjóri ÚTÓNs, er þess fullviss að vefurinn verði öflugt kynningartæki fyrir íslenskt tónlistarlíf. ?Við erum að temja okkur ákveðna nálgun í kynningum og erum með mjög sterkan og samrýmdan hóp sem vinnur vel. Nú er tímabil þar sem við erum að prufukeyra vefinn og við hlökkum til að fá uppbyggilegar ábendingar frá þeim sem láta útflutning á íslenskri tónlist til sín taka," er eftir henni haft í tilkynningunni.
Lesa meira

Valkostum í afþreyingu alltaf að fjölga

Valkostum í afþreyingu í ferðaþjónustu um allt land heldur áfram að fjölga. Í Hléskógum við austanverðan Eyjafjörð, skammt frá Grenivík, hefur nú verið opnaður húsdýragarður. Þar getur að líta öll íslensku húsdýrin, þar á meðal geitur, svín og hesta. Áhersla er lögð á að sýna ungviði og hefur íslenska tíkin ?Busla? unnið hug og hjörtu gesta, enda aðeins 9 vikna gömul. Eigendur Hléskóga eru Birna Kristín Friðriksdóttir og Guðbergur Egill Eyjólfsson og bjóða þau einnig upp á gistingu með uppbúnum rúmum, ásamt því sem tjaldsvæði er á staðnum. Þau segja starfsemina hafa farið vel af stað í sumar en í nágrenninu er m.a. Laufás, einn fjölsóttasti ferðamannastaður við Eyjafjörð, og örstutt í hestaleiguna Pólarhesta.
Lesa meira