Fréttir

Fundur með íslenskum þátttakendum á Vestnorden

Ferðamálastofu hefur borist ósk um að haldinn verði fundur um þátttöku íslenskra fyrirtækja á Vestnorden  í Færeyjum í september. Í  ljósi þessarar beiðni er  boðað til fundar með  íslenskum þátttakendum og verður fundurinn  þriðjudaginn  7 ágúst  kl 15:00  á Grand Hótel.
Lesa meira

Vestnorden ferðakaupstefnan eftir sex vikur í Færeyjum

Hin árlega Vestnorden ferðakaupstefna sem nú verður haldin í 22. sinn hefst í Færeyjum 10. september næstkomandi. Skráningarfrestur fyrir seljendur er liðinn og er ekki lengur pláss fyrir fleiri fyrirtæki á sýningarsvæðinu. 130 fyrirtæki frá Íslandi, Færeyjum og Grænlandi eru nú skráð og 227 starfsmenn þeirra munu kynna vöru og þjónustu fyrir kaupendum. Lokafrestur fyrir skráningu kaupenda er í dag en nú eru 78 kaupendur skráðir frá 57 fyrirtækjum. Heimasíða Vestnorden 2007
Lesa meira

Íslandshátíð í Liverpool

Seinna á árinu, nánar tiltekið dagana 29. nóvember til 2. desember, verður Ísland í sviðsljósinu í Liverpool í Englandi. Þá verður haldin í borginni hátíð þar sem íslenskir listamenn og íslenskt lista- og menningarlíf verður í öndvegi. Viðburðurinn er hluti af 800 ára afmælishátíð Liverpoolborgar, sem stendur í raun allt árið. Meðal dagskráratriða má nefna tónlistaratriði af ýmsum toga, sýningu á íslenskri hönnun, ljósmyndasýningar og kynningu á íslenskum kvikmyndum. Þá munu íslenskir meistarakokkar sækja borgina heim og haldin verður smásagnasamkeppni í samvinnu við grunnskóla á svæðinu þar sem í verðlaun er ferð til Íslands. Yfirdómari í keppninni verður Andri Snær Magnason rithöfundur en verðlaunabók hans, barnabókin Sagan af bláa hnettinum, verður gefin út á ensku í tengslum við hátíðina. Frumkvöðull að Íslandshátíðinni er Ingi Þór Jónsson, framkvæmdamaður í Liverpool. Ýmsir íslenskir aðilar leggja hönd á plóg og þeirra á meðal Ferðamálastofa. ?Á hátíðinni gefst gott tækifæri til að kynna Ísland á svæðinu en flogið er frá Manchester til Keflavíkur tvisvar sinnum í viku árið um kring,? segir Sigrún Hlín Sigurðardóttir, markaðsfulltrúi Ferðamálastofu á Bretlandsmarkaði. Heimasíða hátíðarinnar
Lesa meira

Vefur um íslenskt tónlistarlíf

Útflutningsskrifstofa íslenskrar tónlistar (ÚTÓN) tók nýverið í gagnið vefinn www.icelandicmusic.is sem ætlað er að veita upplýsingar um íslenskt tónlistarlíf. Þegar hefur fjöldi listamanna skráð upplýsingar um sig á vefinn, að því er fram kemur í fréttatilkynningu. Paul Sullivan, sem meðal annars hefur skrifað fyrir fjölda alþjóðlegra tónlistartímarita og skrifaði bókina Waking up in Iceland, hefur verið ráðinn ritstjóri vefsíðunnar. Hann mun sjá um efnisöflun og greinaskrif samhliða því að ritstýra aðsendu efni. Anna Hildur Hildibrands­dóttir, framkvæmdastjóri ÚTÓNs, er þess fullviss að vefurinn verði öflugt kynningartæki fyrir íslenskt tónlistarlíf. ?Við erum að temja okkur ákveðna nálgun í kynningum og erum með mjög sterkan og samrýmdan hóp sem vinnur vel. Nú er tímabil þar sem við erum að prufukeyra vefinn og við hlökkum til að fá uppbyggilegar ábendingar frá þeim sem láta útflutning á íslenskri tónlist til sín taka," er eftir henni haft í tilkynningunni.
Lesa meira

Valkostum í afþreyingu alltaf að fjölga

Valkostum í afþreyingu í ferðaþjónustu um allt land heldur áfram að fjölga. Í Hléskógum við austanverðan Eyjafjörð, skammt frá Grenivík, hefur nú verið opnaður húsdýragarður. Þar getur að líta öll íslensku húsdýrin, þar á meðal geitur, svín og hesta. Áhersla er lögð á að sýna ungviði og hefur íslenska tíkin ?Busla? unnið hug og hjörtu gesta, enda aðeins 9 vikna gömul. Eigendur Hléskóga eru Birna Kristín Friðriksdóttir og Guðbergur Egill Eyjólfsson og bjóða þau einnig upp á gistingu með uppbúnum rúmum, ásamt því sem tjaldsvæði er á staðnum. Þau segja starfsemina hafa farið vel af stað í sumar en í nágrenninu er m.a. Laufás, einn fjölsóttasti ferðamannastaður við Eyjafjörð, og örstutt í hestaleiguna Pólarhesta.
Lesa meira

Verðmæt umfjöllun um Norðurland og Vestfirði í Condé Nast Taveler

Condé Nast Taveler er óumdeilanlega eitt virtasta og víðlesnasta ferðatímarita heims og oft nefnt drottning ferðatímaritanna. Í júlíhefti blaðsins er að þessu sinni afar falleg og vel skrifuð grein um Ísland og fjallar hún að mestu um Norðurland og Vestfirði. Greinilegt er að blaðakonan, Sue Halpern, hefur orðið mjög snortin af náttúrufegurð landsins og lýsir hún m.a.Grímsey, Mývatnssveit, Húsavík, Skagafirði og Hornströndum ýtarlega og fer mörgum fögrum orðum um óspillta náttúrufegurð þessara staða, sem og annarra sem hún heimsótti. Fjöldi fallegra ljósmynda prýða greinina. Landkynning að verðmæti 70 milljónir krónaSkrifstofa Ferðamálastofu í Bandaríkjunum lagði drögin að ferð blaðamannsins til landsins fyrir tveimur árum og þótt biðin eftir greininni sé ærið langur, þá má segja að hún hafi ríkulega borgað sig. ?Blaðið kemur út mánaðarlega í tæplega einni milljón eintaka, er jafnan um 150 síður og er skráð auglýsingaverð 5,5 miljónir króna per síðu. Greinin um Ísland er í heild sinni 13 síður og má þá áætla að bein verðmæti þessarar landkynningar sé um 70 miljónir króna,? segir Einar Gústavsson, forstöðumaður Ferðamálastofu í New York. Tengill í vefútgáfu greinarinnar er á vef Ferðamálastofu í Bandaríkjunum
Lesa meira

NATA auglýsir eftir umsóknum um styrki

Nú í byrjun árs 2007 tók gildi nýr samningur um samstarf Íslands, Grænlands og Færeyja í ferðamálum. Meðal annars er hægt að sækja um styrki til ýmissa verkefna og hefur nú verið auglýst eftir styrkumsóknum í annað sinn á þessu ári. Skilafrestur er til 20. ágúst næstkomandi. North Atlantic Tourist AssociationHið nýja samstarf nefnist Norh Atlantic Tourist Association, skammstafað NATA. Tók það við hlutverki Vestnorræna ferðamálaráðsins, svo og tvíhliða ferðamálasamningunum SAMIK og FITUR, sem verið hafa í gildi frá 1995 við Grænland og Færeyjar. Umsóknir um styrkiAllir sem áhuga hafa á að efla samstarf í ferðamálum milli Grænlands, Íslands og Færeyja geta sótt um styrk til fjármögnunar verkefna, hugmynda, vöruþróunar, ferða eða annarra sambærilegra verkefna.  Umsóknirnar þurfa að lágmarki að fela í sér þátttöku aðila frá a.m.k. tveimur löndum af löndunum þremur, þ.e. Grænlands, Íslands og Færeyja. Hægt er að sækja um styrk vegna heildarkostnaðar verkefna, einstakra verkþátta eða ferðakostnaðar  m.a. á eftirfarandi sviðum: Menntun- starfstengt nám, nám í ferðamálafræðum o.þ.h.Þróun ferðaþjónustumöguleika milli landanna- siglingar, þemaferðir, skemmtiferðir o.þ.h.Markaðssetning og greining á ferðaþjónustuAlþjóðlegt samstarf- skólaferðir, menningarferðir o.þ.h. Verkefnum sem sótt er um styrk til þarf að vera lokið fyrir 31. desember 2007. Hægt er að sækja um styrk til heildakostnaðar verkefna, einstakra verkþátta eða ferðakostnaðar. Allar umsóknir verða að berast á þar til gerðum eyðublöðum og skal ítarleg verkefnislýsing og fjárhagsáætlun fylgja með.  Umsóknir skulu fyllast út á dönsku eða ensku og sendast til: NATA co/Ferðamálastofa  Lækjargata 3   101 Reykjavík       Skilafrestur umsókna er til 20. ágúst 2007-Hægrismellið á tenglana hér fyrir neðan og veljið "Save Target As" til að vista umsóknareyðublöðin á eigin tölvu. Umsóknareyðublað á ensku (Word) Umsóknareyðublað á dönsku (Word) Mynd: Merki Vestnorden ferðakaupstefnunnar.
Lesa meira

Icelandair boðar áætlunarflug til Toronto

Icelandair hefur ákveðið að hefja beint áætlunarflug milli Íslands og Toronto í Kanada strax næsta vor. Jafnframt hyggst félagið halda áfram flugi til Halifax og skoðar nú möguleika á flugi til fleiri borga í Kanada. Þar eru nefndar Montreal, Winnipeg, Ottawa og St. John´s. Ákvörðun um þetta var tekin í framhaldi af þeim samningi um gagnkvæm flugréttindi milli landanna sem íslensk og kanadísk stjórnvöld undirrituðu í Ottawa í síðustu viku, að því er segir í fréttatilkynningu frá Icelandair. ?Icelandair hefur unnið að því ötullega á undanförnum árum og áratugum að koma á samningi um flugréttindi milli Íslands og Kanada og því fögnum við þessum tímamótum mjög. Við höfum beðið lengi eftir því að fá frjálsan aðgang að þessum markaði og erum tilbúin að fara inn á hann með krafti bæði hvað varðar farþegaflug og fragtflug.Þrátt fyrir miklar takmarkanir á undanförnum árum hefur Icelandair haldið uppi flugi milli landanna og sú viðleitni hefur öðru fremur orðið til þess að setja þrýsting á kanadísk stjórnvöld í málinu. Nú er málið í höfn og það færir okkur mikil og spennandi tækifæri til að þróa leiðakerfi félagsins inn á nýjar brautir", segir Jón Karl Ólafsson, forstjóri Icelandair, í fréttatilkynningu. Stefnt að flugi allt áriðStefnt er að flugi Icelandair milli Íslands og Toronto allt árið og að flogið verði 5-7 sinnum í viku. Flugtími er svipaður og til Baltimore/Washington, eða 5:30 klukkustundir. Icelandair flýgur nú um 160 flug á viku til 25 áfangastaða í Norður-Ameríku og Evrópu.  
Lesa meira

Samið um byggingu Víkingaheima

Samningur milli Íslendings ehf og Spangar ehf um byggingu skála Íslendings og sýningar því tengdu, m.a. í samstarfi við Smithsonian, var undirritaður í gær. Hús Íslendings rís á uppfyllingu við Fitjatjarnir í Njarðvík og segir í tilkynningu að það eigi að verða allt hið glæsilegasta og muni setja mikinn svip á umhverfið. Í tengslum við naust Íslendings er mikið landsvæði sem nú er verið að byggja upp undir Víkingaheima. Framkvæmdir hefjast nú þegar og er stefnt að opnun um mitt sumar 2008. Stefnt er að því að svæðið verði eitt helsta aðdráttarafl ferðamanna í Reykjanesbæ. Fyrir hönd Íslendings ehf. skrifaði framkvæmdarstjóri félagsins, Steinþór Jónsson, undir samninginn  en eigandi Spangar, Sigurbjörn Haraldsson, skrifaði undir fyrir þeirra hönd.  
Lesa meira

Miðaldakaupstaðurinn Gásir vaknar til lífsins

Síðustu misseri hafa sveitarfélagið Hörgárbyggð og Minjasafnið á Akureyri haft samstarf um kynningu og uppbyggingu á hinum forna verslunarstað Gásum við Eyjafjörð. Verkefnið er meðal þeirra sem hlotið hafa styrk frá Ferðamálastofu síðustu ár vegna uppbyggingar á nýjum ferðamannastöðum. Kristín Sóley Björnsdóttir er verkefnastjóri Gásaverkefnisins og að hennar sögn hefur uppbygging á svæðinu gengið samkvæmt áætlun. ?Stuðningur Ferðamálastofu hefur meðal annars gert okkur kleift að koma upp hreinlætisaðstöðu, bæta aðkomu og vinna í gönguleiðum. Þannig hefur aðstaða fólks til að dvelja á svæðinu og njóta þess batnað til muna,? segir Kristón Sóley. Um komnadinhelgi lifar síðan svo um munar yfir Gásum þegar þar verður haldinn miðaldamarkaður, annað árið í röð, með aðstoð innlendra og erlendra kaupmanna og handverksfólks. ?Víðsvegar um kaupstaðinn mun eyfirskt og danskt handverksfólk, íklætt miðaldaklæðnaði, vinna að leður- og vattarsaumi, ullarþæfingu, vefnaði og tálgun. Miðaldatónlist mun hljóma um kaupstaðinn, brennisteinn úr Námafjalli verður hreinsaður og hleypt verður af fallbyssu af þeirri gerð sem tíðkaðist í Evrópu á miðöldum. Hugaðir gestir geta reynt sig við bogfimi og steinakast og fylgst með riddurunum, brynjuðum að erlendum sið, skylmast. Kaupmennirnir og handverksfólkið kemur að sjálfsögðu hlaðið vörum í kaupstaðinn og því viðbúið að perlur, gler, skart, sverð, hnífar, skeiðar, litað band og fleiri skemmtilegir hlutir ættaðir frá miðöldum skipti um eigendur,? segir Kristín Sóley, aðspurð um dagskrána en hana má nálgast í heild sinni á www.gasir.is
Lesa meira