Fréttir

Alþjóðaferðamálaráðið ræðir áhrif loftlagsbreytinga á ferðaþjónustu

Alþjóðaferðamálaráðið (UNWTO), sem er ein af alþjóðastofnunum Sameinuðu þjóðanna, heldur sérstakan fund í næstu viku um áhrif loftslagsbreytinga á ferðaþjónustu. Þar verða rædd sérstaklega þau áhrif sem nú þegar eru komin fram og hafa kallað á breytingar í vöruþróun og framboði víða um heim. Einnig verður horft til framtíðar og reynt að sjá hvaða hættur og tækifæri liggja í væntanlegum breytingum varðandi þróun greinarinnar á mismunandi svæðum heimsins. Þessi mál komu til umræðu á sumarfundi framkvæmdastjórnar ferðamálaráðs Evrópu í júní síðastliðinn en Magnús Oddsson ferðamálastjóri situr í framkvæmdastjórninni sem fulltrúi N- Evrópu. ?Á þeim fundi var m.a. rætt um áhrifin á ýmis ferðamannasvæði í Mið-Evrópu sem hafa byggt sína afkomu t.d. á skíðamennsku og hvernig þau verða að bregðast við með nýrri vöru?, sagði Magnús. Þó Ísland sé ekki aðili að Alþjóðaferðamálaráðinu tekur Magnús þátt í fundi ráðsins í næstu viku um þessi mál. ?Það er í framhaldi af þessum umræðum í júní og talið mikilvægt að fylgjast með þróuninni og hvernig talið er að vöruframboðið muni þróast miðað við þessar loftlagsbreytingar. Ýmsir hafa bent á að þessar breytingar hafi ekki síst áhrif hér á norðurslóðum og þá ekki eingöngu neikvæð. Einnig kunni að felast í þessum breytingum ákveðin tækifæri bæði hvað varðar núverandi vöruframboð og til nýrrar vöruþróunar í okkar heimshluta og þá hér á landi?, segir Magnús.
Lesa meira

Experience Iceland haldið í 7. sinn

Í dag hefst Experience Iceland sem nú er haldið í 7. sinn. Sem fyrr er skipulagning og framkvæmd í umsjón Ráðstefnuskrifstofu Íslands og Icelandair. Experience Iceland er beint að aðilum sem starfa á markaði fyrir fundi, ráðstefnur og hvataferðir. Væntanlegir er 16 kaupendur til landsins og munu þeir kynna sér þá aðstöðu sem hér býðst, helstu nýjungar á funda, ráðstefnu- og hvataferðamarkaðinum hérlendis, sem og upplifa hvað landið hefur upp á að bjóða. Experience Iceland var einnig haldið í mars á þessu ári og er nýbreytni að halda viðburðinn tvisvar á ári. Áður var tekið á móti stærri hóp einu sinni á ári. Um 9 aðildarfélagar Ráðstefnuskrifstofu Íslands koma að heimsóknunum með einu eða öðrum hætti en Experience Iceland er eitt af stærri verkefnum sem Ráðstefnuskrifstofan stendur fyrir ár hvert, að sögn Önnu Valdimarsdóttur, verkefnisstjóra.  
Lesa meira

Vefur Iceland Express valinn sá besti

Vefur Iceland Express var valinn besti vefur lággjaldaflugfélaga á heimsráðstefnunni World Low Cost Airlines Congress sem fram fór í síðustu viku en vefsvæði yfir hundrað lággjaldaflugfélaga tóku þátt í forvali. Á ráðstefnunni eru veitt ýmis verðlaun til þeirra lággjaldaflugfélaga sem hafa þótt skara fram úr á ýmsum sviðum. Við val á besta vefsvæði lággjaldaflugfélaga var lögð áhersla á að vefsvæðin væru stílhrein og að upplýsingar væru settar fram á skýran hátt. Sérstaklega mikilvægt var að bókunarferli væri einfalt og þægilegt í notkun. Jafnframt var tekið tillit til útlitshönnunar, mynda, textagerðar og hugmyndaauðgi við framsetningu efnis, segir í frétt frá Iceland Express. Fyrir ráðstefnuna voru tilnefnd sjö vefsvæði sem þóttu skara fram úr og voru þar auk Iceland Express flugfélögin AirAsia, Wizz Air, Oasis Hong Kong, Silverjet, Tiger Airways og FlyNordic. Sérstök dómnefnd valdi síðan einn sigurvegara og þótti henni vefsvæði Iceland Express skara fram úr fyrir skýra framsetningu og góða hönnun. ?Þetta er frábær viðurkenning á þeirri miklu vinnu sem lögð hefur verið í þróun vefsvæðisins okkar. Það er algert lykilatriði fyrir Iceland Express að vanda uppbyggingu vefsvæðisins því það er ekki bara andlit fyrirtækisins út á við heldur er það grundvöllur samskipta okkar við langflesta viðskiptavini. Að slá við öllum alþjóðlegum lággjaldaflugfélögum sem mörg hver eru með risastórar vefþróunardeildir er mikið afrek og full ástæða til að hrósa vefdeild okkar fyrir árangurinn,? segir Matthías Imsland, forstjóri Iceland Express í fréttinni.
Lesa meira

Ísland í kastljósi heimspressunnar

Ísland var í sviðsljósinu á CNN í dag, einum mest lesna frétatvef heims. Um tíma í dag var aðalfrétt CNN um íslensk orkumál og hreina íslenska orku. Talað er um að Ísland hafi e.t.v. verið best þekkt fyrir Björk Guðmundóttur en nú sé ört rísandi stjarna að beina kastljósinu að Íslandi - hrein orka,? segir í inngangi fréttarinnar.  Meðal annars er rætt við Braga Árnason, fyrrverandi prófessor, Ásdísi Kristinsdóttur, verkfræðing og verkefnisstjóra hjá Orkuveitu Reykjavíkur, og Petru Sveinsdóttur hjá Orkuveitu Reykjavíkur. Lögð er sérstök áhersla á umfjöllun um vetnisvæðingu og að Íslendingar, sem noti eingöngu jarðefnaeldsneyti á bíla og farartæki, séu í fararbroddi þjóða sem vinna að því að knýja farartæki með vetni eða vistvænum orkugjöfum. Í gær var einnig sýnt myndband á vef CNN með viðtali við Braga og Ásdísi. Skoða frétt CNN
Lesa meira

Farfuglaheimilið Ósar meðal þeirra bestu

Í septemberhefti fréttabréfs alþjóðasamtaka farfuglaheimila kemur fram að Farfuglaheimilið að Ósum á Vatnsnesi er á lista yfir 10 bestu farfuglaheimili í heimi, í flokki meðalstórra farfuglaheimila. Byggt er á mati gesta sem gistu þar á tímabilinu júní-ágúst sl. Allir sem bóka gistingu á farfuglaheimilum gegnum bókunarvél alþjóðasamtakanna fá tækifæri til að segja álit sitt á þjónustunni sem veitt er og fékk Farfuglaheimilið að Ósum alls 91 stig af 100 mögulegum á þessu tímabili. Tvö önnur íslensk farfuglaheimili eru tengd bókunarvélinni; Farfuglaheimilið í Reykjavík og Ytra Lóni á Langanesi. ?Fyrir næsta sumar vonumst við til þess að fleiri heimili munu tengjast bókunarvélinni,? segir Markús Einarsson, framkvæmdastjóri Farfugla. Að sögn Markúsar hefur á undanförnum árum verið unnið ötullega að uppbyggingu Farfuglaheimilisins að Ósum og er sú uppbygging greinilega að skila sér. ?Farfuglaheimilið er einstaklega vel staðsett. Í göngufæri er m.a. að finna fjölbreytt fuglalíf og eitt fjölskipaðasta sellátur hér á landi. Þá er kletturinn Hvítserkur einnig í göngufæri við heimilið,? segir Markús.
Lesa meira

Stjörnurnar mæra Ísland

Stórleikkonan Jodie Foster var meðal þeirra þúsunda Bandaríkjamanna sem ákváðu að verja fríinu sínu á Íslandi í sumar með fjölskyldu sinni. Hún var gestur spjallþáttakonungsins David Letterman ekki alls fyrir löngu og fór þá mörgum fögrum orðum um Íslandsheimsókn sína. En Jodie Foster er ekki sú eina úr hópi stjarnanna vestan hafs sem gefið hafa Íslandi ókeypis kynningu upp á síðkastið. Will Forte úr Saturday Night Live´s var t.d. nýverið að monta sig af heimsókn sinni til landsins er hann var í heimsókn í spjallþætti Conan O´Brien Show. Á vef Ferðamálastofu í Bandaríkjunum má horfa á spjall Letterman við Jodie Foster.
Lesa meira

Diplomanám í viðburðastjórnun

Ferðamáladeild Háskólans á Hólum mun í vetur bjóða upp á diplomanám í viðburðastjórnun. Námið er boðið í fjarnámi, það er 60 einingar og tekur eitt ár. ?Hátíðum og viðburðum fjölgar um allt land og allan ársins hring. Jafnframt eru gerðar vaxandi kröfur til skipuleggjenda hátíða bæði með aukinni samkeppni og kröfum um öryggi og góða þjónustu við gestina. Ferðamáladeild Háskólans á Hólum svarar þörfinni fyrir fólk með menntun til að skipuleggja og halda hvers kyns viðburði með eins árs námi (60 einingar), sem lýkur með diploma í viðburðastjórnun,? segir í kynningu á náminu. Sjá nánari lýsingu á http://www.holar.is/fr458.htm eða hafið samband við Guðrúnu Þóru Gunnarsdóttur deildarstjóra Ferðamáladeildar Háskólans á Hólum, netfang: ggunn@holar.is. Umsóknarfrestur er til 3. október nk. Námið hefst með fjögurra daga staðarlotu á Hólum 15.-18. október.
Lesa meira

Ráðstefna um strandmenningu

Strandmenning Íslands, staða hennar og framtíð, er viðfangsefni ráðstefnu sem haldin verður á Radisson SAS hótel Sögu þann 5. október næstkomandi. Þar eru á dagskrá fjöldi áhugaverðra fyrirlesra sem tengjast strandmenningu með einum og öðrum hætti. Að ráðstefnunni standa Íslenska vitafélagið, Ferðamálastofa, Ferðamálasamtök Íslands, Siglingastofnun, Þjóðminjasafn Íslands, Húsafriðunarnefnd, Fornleifavernd ríkisins og Samtök Íslenskra Sjóminjasafna. Sigurbjörg Árnadóttir, formaður Íslenska vitafélagsins, setur ráðstefnuna en síðan flytur Össur Skarphéðinsson, ráðherra byggðamála og verðandi ferðamálaráðherra, ávarp. Einar Kristinn Guðfinnsson, ráðherra sjávarútvegs og landbúnaðar, flytur einnig ávarp síðar á ráðstefnunni. Efni ráðstefnunnar skiptist í 4 meginþætti og innan hvers um sig eru fluttir nokkrir fyrirlestrar. Auður og atvinna við haf og strönd Hvað geta Íslendingar lært af nágrönnum sínum? Að virða sinn menningararf Tækifæri bragðlaukanna Ráðstefnugjald:er 6000 krónur og innifalið eru ráðstefnugögn, hádegisverðarhlaðborð og kaffi. Skráning á ráðstefnuna er hér fyrir neðan Nánari upplýsingar: 466 1266 eða 695 1266 Skráning á ráðstefnuna Strandmenning Íslands, staða hennar og framtíð Dagskrá ? prentvæn útgáfa (PDF) Dagskrá:09:00 Innritun og afhending gagna09:30  Setning ráðstefnu: Sigurbjörg Árnadóttir, formaður Íslenska vitafélagsins09:40 Ávarp: Össur Skarphéðinsson, ráðherra byggðamála og verðandi ferðamálaráðherra Auður og atvinna við haf og ströndUmræðustjóri: Ragnhildur Sigurðardóttir, Landbúnaðarháskólanum Hvanneyri 09:50 Fornminjar við strendur landsins - staða og tækifæriAgnes Stefánsdóttir, Fornleifavernd ríkisins 10:05 Vitar sem hluti íslenskrar strandmenningar Magnús Skúlason, Húsafriðunarnefnd ríkisins 10:20 Strandmenningarbærinn Húsavík. Hörður Sigurbjarnarson, framkvæmdastjóri Norður-Siglingar, Húsavík 10:35 Pallborðsumræður um stöðuna. Fyrirlesarar, ásamt Ragnari Edwardssyni, minjaverði Vestfjarða og Elíasi Bj. Gíslasyni, Ferðamálastofu 11:00 Kaffihlé Hvað geta Íslendingar lært af nágrönnum sínum? Umræðustjóri: Guðrún Þóra Gunnarsdóttir, Háskólanum á Hólum 11:20 Staða og stefna strandmenningar í NoregiGeir Tvedt, ráðgjafi hjá Riksantikvaren 11:45 Världsarvet Höga Kusten Ernst Thurdin, Kramfors kommun í Svíþjóð 12:15 Pallborðsumræður: Hvað geta Íslendingar lært af nágrönnum sínum?Fyrirlesarar, ásamt Pétri Rafnssyni, Ferðamálasamtökum Íslands, Valdimar Harðarsyni, landlagsarkitekt og Öldu Davíðsdóttur, Patreksfirði 12:35 Hádegishlé 13:20  Ávarp: Einar Kristinn Guðfinnsson, ráðherra sjávarútvegs og landbúnaðar. Að virða sinn menningararfUmræðustjóri: Arnheiður Hjörleifsdóttir, Landsskrifstofu Staðardagskrár 21 á Íslandi 13:30 Sjóminjasöfn ? Vettvangur íhaldssemi og nýsköpunarÖrlygur Kristfinnsson, Síldarminjasafninu á Siglufirði 13:45  Þjóðtrú sjómannaHlíf Gylfadóttir, mannfræðingur 14:00  Kveðið við haf og ströndGunnsteinn Ólafsson, tónlistarmaður   14:15  Pallborðsumræður: Hvernig er best að koma arfleiðinni til skila?Fyrirlesarar, ásamt Þorvaldi Friðrikssyni, fréttamanni og Guðmundi Páli Ólafssyni, rithöfundi14:45  Kaffihlé Tækifæri bragðlaukannaUmræðustjóri Laufey Haraldsdóttir, Háskólanum á Hólum 15:15 Súrt og kæstGuðmundur Guðmundsson, matvælafræðingur 15:30  Úr faðmi hafsinsGunnar Karl Gíslason, matreiðslumeistari Vox restaurant 15:45  Pallborðsumræður: Tækifæri bragðlaukannaFyrirlesarar, ásamt Guðrúnu Hallgrímsdóttur frá Matur, saga, menning og  Pétri Ágústssyni, útgerðarstjóra Sæferða i Stykkishólmi 16:15 Samantekt: Guðrún Helgadóttir, Háskólanum á Hólum16:30 Ráðstefnuslit
Lesa meira

Fundur um Vest Norden Travel Mart 2008

Nú er Vest Norden í Færeyjum er lokið og við stöndum frammi fyrir skipulagningu á Vest Norden Travel Mart á Íslandi næsta ár. Á fundi sem Ferðamálastofa stóð að 7 ágúst síðastliðinn um kaupstefnuna var ennfremur ákveðið að halda annan fund í október til skrafs og ráðagerða um þetta verkefni. Boðað er til fundar um fyrirkomulag og skipulag VNTM næsta ár og verður hann haldinn þriðjudaginn 9. október kl 15:30 á Nordica Hótel (Hilton).
Lesa meira

Erlendir ferðamenn skila meiru en nokkru sinni

Seðlabankinn hefur nýlega birt tölur um gjaldeyristekjur af ferðamönnum fyrir annan ársfjórðung þessa árs og er þar um verulega aukningu að ræða frá fyrra ári. Sérstaklega hafa tölur vegna neyslu innanlands hækkað milli ára eða úr tæpum 11 í 14,4 milljarða eða um 31%. Fargjaldatekjur hafa hækkað minna eða úr 6,4 í rúma 6,6 milljarða eða sem nemur 4,2%, en inn í þessum tölum séu einungis flutningstölur frá flugfélögum sem skráð séu hér á landi. Þess má geta að á þessum sama tíma, eða frá 1. janúar og til 1. júlí, fjölgaði erlendum ferðamönnum sem fara um Leifsstöð um rúm 19%.  5,6% hækkun á hvern gestMagnús Oddsson ferðamálastjóri segir að þessar niðurstöður séu afar jákvæðar enda sjái menn það þegar rýnt sé betur í þær að neysla á hvern ferðamann hækki úr 76.599 í 80.925 krónur eða um 5,6%. Þá er búið að núvirða tölurnar frá árinu áður. Þegar farið sé enn aftar, eða til ársins 2000, þá komi í ljós að neysla hvers gests hafi hækkað um 20,1% að núvirði eða úr 67.359 í 80.925 krónur.  Magnús heldur áfram og segir að þessi hækkun sé í raun enn hærri því ef menn beri saman gengi dollars, sem sé viðmiðunar gjaldmiðill Seðlabankans, þá hafi dollarinn verið skráður 13,5% lægri að meðaltali fyrstu sexmánuði þessa árs en fyrir ári og 15,6% lægri en árið 2000. Þannig að þeir gestir sem sótt hafa okkur heim á fyrri helmingi þessa árs eru þeir verðmætustu sem við höfum séð lengi og það þótt virðisaukaskattur hafið lækkað ýmissi vöru og þjónustu í mars síðastliðinn.
Lesa meira