Fréttir

Ráðstefnu- og tónlistarhús kynnt í Bandaríkjunum

Á vegum Ferðamálastofu og Ráðstefnuskrifstofu Íslands fara nú fram markvissar kynningar í Bandaríkjunum á möguleikum til ráðstefnuhalds og hvataferða á Íslandi, en þetta er einn mikilvægasti þáttur ferðaþjónustu. Harðsnúið lið sölufólks er nú að störfum í New York, Minneapolis og Washington. Á hverjum stað er sérhæfðum ráðstefnu- og hvataferðaskrifstofum boðið til móttöku og síðan fara fram stuttar kynningar á Íslandi sem ferðamannalandi, nýju tónlistar og ráðstefnuhúsi og hóteli, ásamt flugi til Íslands og öðrum ferðamöguleikum og hótelaðstöðu. Umgjörðin ævintýralegAð sögn Ársæls Harðarsonar, forstöðumanns markaðssviðs Ferðamálastofu og stjórnarformanns Ráðstefnuskrifstofu Íslands fara kynningarnar fram við einkar skemmtilegar aðstæður. Valdir voru frábærir staðir til að vera umgjörð um kynningarnar en þær fóru fram á Walkers listasafninu i Minneapolis, á Explorers Club í New York og í sendiherrabústað Íslands í Washington. Staðirnir eru mjög ólíkir en hver og einn einstakur. "Það sem skiptir mestu máli er að hér hittum við rétta fólkið sem tekur ákvörðun um hvert viðskiptavinir þeirra fara og með því að geta kynnt tónlistar og ráðstefnuhúsið samtímis gefst okkur einstakt tækifæri á að koma okkur a kortið á þessu svæði austurstrandarinnar" segir Ársæll. Skrifstofa Ferðamálastofu i New York hefur skipulagt viðburðinn í samvinnu við Önnu Valdimarsdóttur, verkefnisstjóra Ráðstefnuskrifstofu Íslands. Einar Gústavsson, forstöðumaður skrifstofunnar í New York, segir að móttökurnar séu framar vonum og að það sé stórkostlegt geta kynnt svo metnaðarfullt verkefni sem tónlistar- og ráðstefnuhúsið er. "Það mun skipta sköpum fyrir Ísland í framtíðinni að hafa lagt út í þann leiðangur" segir Einar. Nýtt kynningarefni og ?Get The Idea?Að sögn Ársæls er hópurinn mjög samstilltur og einbeittur. "Það er frábært hve mikil þróun er í íslenskri ferðaþjónustu, meðal hótela, veitingastaða og ekki síst með tilkomu tónlistar- og ráðstefnuhúss. Svo er sérstakt fagnaðarefni að Portus Group er nú orðinn virkur aðildarfélagi í Ráðstefnuskrifstofu Íslands og það hleypir nýju afli í verk okkar. Við erum með nýtt kynningarefni undir heitinu "Get The Idea" og er hugmyndin að kynna Ísland og Reykjavik sem stað þar sem nýjar hugmyndir fæðast og sköpunargleðin fær lausan taum," segir Ársæll að lokum. Myndin hér að neðan er er tekin i Explorers Club i New York. Standandi frá vinstri: Einar Gústavsson Ferðamálastofu, Anna Valdimarsdóttir Ráðstefnuskrifstofu Íslands, Daniel Serritello Icelandair, Ársæll Harðarson Ferðamálastofu, Þórhallur Vilhjálmsson Portus Group, Helga Lára Guðmundsdóttir Iceland Travel og Ásthildur Sturludóttir Portus Group. Sitjandi, Heiðveig Jóhannsdóttir Reykjavík Hótels og Arndís Anna Reynisdóttir Hilton Reykjavik. Ljósmynd: Bo Sounders.
Lesa meira

Nýr bæklingur og kennsluefni á vefnum fyrir starfsfólk ferðaskrifstofa og sjálfstæða söluaðila í Bretlandi

Mikilvægur þáttur í markaðsstarfi er fræðsla og þjálfun fyrir sölufólk. Ferðamálastofa hefur nú gefið út nýjan bækling fyrir söluaðila í Bretlandi. Megin tilgangurinn með honum er að kynna Ísland sem ákjósanlegan áfangastað allt árið og einnig að uppfræða þá sem eru nú þegar að setja saman ferðir um hvað er á boðstólum. Þá verður innan skamms opnaður vefur með kennsluefni fyrir sölufólk. Ánægjulegt samstarf við landshlutanaNýi bæklingurinn, sem er 36 síður, nefnist ?Iceland Travel Trade Guide?. Sigrún Hlín Sigurðardóttir, markaðsfulltrúi Ferðamálastofu fyrir Bretland, segir honum hafa verið dreift í 20 þúsund eintökum með riti sem heitir ?Selling short breaks & holidays? nú í byrjun október. ?Bæklingurinn er samstarfverkefni Ferðamálastofu og markaðsstofa flestra landshlutanna, Höfuðborgarstofu og Ferðamálasamtaka höfuðborgarsvæðisins, Vestmannaeyja, flutningsaðila og hótelkeðja. Að mínu mati er gríðarlega mikilvægt að allir leggist á eitt í verkefnum sem þessu og ég er mjög ánægð með viðtökurnar sem verkefnið fékk hjá samstarfsaðilunum. Einnig er ánægjulegt að með svona samstarfi þá upplifir maður þá miklu grósku sem er í ferðamennsku á landsbyggðinni,? segir Sigrún. Gagnvirkur kennsluvefurVerkefninu verður svo fylgt eftir með kennsluvef eða "on-line training program? sem verður opnaður í næstu viku hjá Travel Uni. Verkefnið nefnist ?Iceland Informer? og hefur verið auglýst rækilega í miðlum BMI publications, sem gaf út og dreifði áðurnefndum bæklingi fyrir Ferðamálastofu. ?Ég er að gera mér von um að aðsókn að kennsluefninu verði góð. Því er beint að þeim tugum þúsunda sölufólks, eða ?agents? í Bretlandi sem eru að selja áfangastaði um víða veröld. Þetta fólk notar sölubæklinga eins og okkar og þjálfunarprógrömm eins og Iceland Informer til að læra um nýja áfangastaði til að selja. Við eigum að geta fylgst með því hversu margir eru að nýa sér kennsluefnið hverju sinni en vefurinn er gagnvirkur og alsjálfvirkur. Vefurinn eins og hann er nú verður opinn í eitt ár og minn draumur er að geta síðan bætt við fleiri kennslustigum þannig að á endanum útskrifist fólk sem ?Iceland Specialist?. Við munum einnig þegar fram líða stundir gera mjög eftirsóknarvert að skrá sig í kennsluprógrammið með því að verðlauna þá sem best standa sig með Íslandsferð,? segir Sigrún.
Lesa meira

Ísland í "Grey´s Anatomy"

Nýlega hófust sýningar á fjórðu þáttaröð hins geysivinsæla "Grey´s Anatomy" hjá ABC Prime Time sjónvarpsstöðinni í Bandaríkjunum. Í fjórða þætti, sem sendur var út síðastliðinn fimmtudag, fékk Ísland góða kynningu. Eins og þeir vita sem fylgjast hafa með þáttunum, en þeir eru sýndir eru á Stöð 2, gerast þeir á sjúkrahúsi og segja frá gleði og sorgum starfsfólks og sjúklinga. Í umræddum þætti fær kona sem er sjúklingur spítalans þær fréttir að hún eigi aðeins stuttan tíma eftir á lífi og ákveður að eyða honum á Íslandi ?þar sem sólin sest aldrei?. Seinna í þættinum kemur hins vegar í ljós að sjúkdómsgreiningin átti við allt annan sjúkling og viðkomandi er alls ekki dauðvona. En í stað þess að lögsækja sjúkrahúsið fellst konan á að fá þriggja herberja íbúð í Reykjavík í skaðabætur. Já, það gerist margt skemmtilegt í ?Grey´s Anatomy? og ekki verra þegar Ísland fær jákvæða kynningu í leiðinni hjá milljónum bandarískra áhorfenda.  
Lesa meira

GEBRIS fer vel af stað

Atvinnuþróunarfélag Þingeyinga er aðili að svonefndu GEBRIS-verkefni en það stendur fyrir ?Getting the Best out of the regional innovation system?. Verkefnið hlaut styrk frá Norræna nýsköpunarsjóðnum í vor en aðrir þátttakendur koma frá Finnlandi, Svíþjóð og Noregi. Á dögunum voru fyrstu fundir samstarfsaðilann haldnir hérlendis. Snýr að ferðaþjónustu?Meginmarkmið GEBRIS verkefnisins er að bæta nýsköpunarumhverfið og nýta það betur til þess að mæta þörfum viðskipta- og atvinnulífs á hverju svæði. Verkefnið byggir að verulegu leyti á sérstökum viðfangsefnum á hverju svæði, eða því sem menn kalla ?case?. Viðfangsefni okkar hefur nokkra sérstöðu þar sem við erum að fást við ferðaþjónustu á meðan samstarfsaðilarnir eru flestir að fást við tækniumhverfi. Verkefnið stefnir hins vegar að sömu markmiðum og fellur vel inn í þann ramma sem GEBRIS verkefninu er settur.Það er von okkar að með þátttökunni skapist aðgangur að bæði þekkingu og fjármagni sem nýta má til nýsköpunar í ferðaþjónustu á svæðinu Melrakkaslétta-Langanes, segir Gunnar Jóhannesson, verkefnastjór hjá Atvinnuþróunarfélagi Þingeyinga Byggja ímynd í kringum norðrið og heimskautsbaugMegináhersla Atvinnuþróunarfélags Þingeyinga í GEBRIS er þróun og kynning á áhugaverðum pökkum í þjónustu og afþreyingu á svæðinu Melrakkaslétta - Langanes/Bakkafjörður. Að byggja ímynd í kringum norðrið og heimskautsbaug, náttúru og menningu. ?Megintilgangurinn er að efla ferðaþjónustu og um leið mannlíf á svæðinu. Á strandlengju svæðisins, sem er aðeins 3km frá heimskautsbaug þar sem hún liggur nyrst, eru 4 þorp með íbúafjölda frá um 100-400. Svæðið hefur átt við fólksfækkun að stríða undanfarin ár, en það er sterkur vilji til nýsköpunar meðal heimamanna á hverjum stað,? segir Gunnar. Þriggja ára verkefniGEBRIS hófst formlega 1. september síðastliðinn en undirbúningur hafði þá staðið frá því síðasta vetur. Verkefnistímabili lýkur 31. desember 2009 en Gunnar segist þó gert ráð fyrir að hluti Þingeyinga standi í full 3 ár, þ.e. til haustsins 2010. Sem fyrr segir voru fyrstu fundir samstarfsaðila í GEBRIS haldnir hérlendis á dögunum og segir Gunnar að vel hafi tekist til. ?Hingað til lands komu fjórir fulltrúar frá Finnlandi, tveir frá Svíþjóð og einn frá Noregi. Fengu þeir af eigin raun að kynnast svæðinu sem verkefni okkar tekur til. Dagskráin var nokkuð stíf en við náðum að ég held vel að stilla saman strengi þannig að ég er bjartsýnn á framhaldið,? segir Gunnar. Á myndinni eru þátttakendur GEBRIS verkefnisins að skoða Langanes.Af heimasíðu Langanesbyggðar
Lesa meira

Ferðamálastofa óskar eftir tilnefningum til Umhverfisverðlauna 2007

Ferðamálastofa hefur auglýst eftir tilnefningum til Umhverfisverðlauna fyrir árið 2007. Verðlaunin hefur stofnunin veitt árlega frá árinu 1995 og er tilgangur þeirra að beina athyglinni að þeim ferðamannastöðum eða fyrirtækjum í ferðaþjónustu sem sinna umhverfismálum í starfi sínu og framtíðarskipulagi. Ferðaþjónustan byggir afkomu sína að miklu leyti á umhverfislegum gæðum og er það trú Ferðamálastofu að verðlaunin geti orðið hvatning til ferðaþjónustuaðila og viðskiptavina þeirra að huga betur að umhverfi og náttúru og styrkja þannig framtíð greinarinnar. Hverjir koma til greina sem verðlaunahafar:Allir þeir sem tengjast ferðamálum og láta sig umhverfismál varða og vinna markvisst að því að viðhalda jafnvægi milli efnahagslegra, náttúrlegra og félagslegra þátta. Það geta verið einstaklingar, fyrirtæki, félagasamtök eða sveitafélög. Hér með er óskað eftir tilnefningum til umhverfisverðlauna Ferðamálastofu 2007. Frekari upplýsingar veitir umhverfisfulltrúi stofnunarinnar, Valur Þór Hilmarsson í síma 464 9990. Tilnefningar sendist til skrifstofu Ferðamálastofu, Strandgötu 29, 600Akureyri eða með tölvupósti á netfangið valur@icetourist.is fyrir 30.október næstkomandi. Nánari upplýsingar og listi yfir fyrri verðlaunahafa
Lesa meira

Aðkoma Ferðamálastofu að Iceland Airwaves

Nú er tónlistarhátíðinni Iceland Airwaves lokið í 9. sinn. Af gefnu tilefni og til upplýsinga, vill Magnús Oddsson ferðamálastjóri koma eftirfarandi upplýsingum á framfæri um aðkomu starfsfólks Ferðamálastofu að hátíðinni. Ljóst er að fjöldi erlendra og innlendra aðila sótti hátíðina og hefur hún fest sig í sessi sem viðburður sem dregur hingað ákveðinn fjölda gesta í október hvert ár. Starfsfólk Ferðamálstofu hefur að sjálfsögðu frá upphafi tekið þátt í kynningarstarfi vegna þessa viðburðar á erlendri grund, eins og fjölda annarra viðburða sem stofnunin sér um að kynna víða um heim. Því kom þessu starfsfólki nokkuð í opna skjöldu að vera eini aðilinn sem var nafngreindur í fjölmiðlum sem dæmi um stuðningsleysi við viðburðinn en í Morgunblaðinu sagði forsvarsmaður Iceland Airwaves m.a. eftirfarandi: ???Við höfum sótt um hjá öllum þessum ráðuneytum sem tengjast þessu máli en fáum alltaf neitun. Það sama á við um Ferðamálaráð og aðila í ferðaþjónustu. Hátíðin er orðin það stór og umfangsmikil að það er orðið mjög tímabært að þessir aðilar vakni til lífsins og styðji þetta verkefni svo það geti vaxið.? Rétt þykir í ljósi þessarar umræðu, og til upplýsinga, að nefna með hvaða hætti Ferðamálastofa kemur að kynningu Iceland Airwaves en aðkoma Ferðamálastofu er með hliðstæðum hætti að fjölda annarra viðburða sem hér fara fram. Almennt: Fundur með framkvæmdastjóra hátíðarinnar sl. vor um samstarf Í kjölfarið ákveðið að vinna að öflugri kynningu á öllum markaðssvæðum Ferðamálastofu. Áformin sérstaklega kynnt fyrir starfsfólki Ferðamálastofu erlendis, New York, Frankfurt, Kaupmannahöfn og Bretlandi. Nýr starfsmaður hátíðarinnar sérstaklega kynntur starfsfólki Ferðamálastofu og undirstrikuð áform um samstarf. Iceland Airwaves sett á vefi Ferðamálastofu www.visiticeland.com, (9 tungumál) víða á forsíður og líka í viðburðalista með hlekkjum á vef Iceland Airwaves. Þessir vefir fá yfir 3 milljónir heimsókna árlega. Frétt komið inn á vefinn www.visiteurope.com sem sérstaklega er beint að mörkuðum utan Evrópu (Ameríka og Asía) Fréttabréf 12. september 2007 á Vest Norden Travel Mart. 400 ferðaþjónustuaðilar alls staðar að úr heiminum ásamt fjölmiðlum. Í erlendum bæklingi Ferðamálastofu (Íslandsbæklingi) á 11 tungumálum í 550.000 eintökum. Getið um Iceland Airwaves í öllum viðtölum sem starfólk hefur átt við erlenda fjölmiðla og ferðaþjónustuaðila sem dæmi um vel heppnaðan viðburð á heimsvísu. Unnið árum saman í samstarfi við fjölmiðlafulltrúa hátíðarinnar. Bandaríkin:  Mánuðum saman fréttir og hvatningar um Iceland Airwaves á www.icelandtouristboard.com, www.icelandnaturally.com, www.visiticeland.com. Dateline Iceland, mars, Fréttabréf til 200.000 áskrifenda, þar af hundruð fjölmiðla. Fjallað um Rite of spring og Iceland Airwaves. Dateline Iceland 7. maí, Fréttabréf til  200.000 áskrifenda, þar af hundruð fjölmiðla. Fjallað um Iceland Airwaves. Dateline Iceland 6. sept, Fréttabréf til 200.000 áskrifenda, þar af hundruð fjölmiðla. Fjallað um Iceland Airwaves. Í ár fjármögnum við fer til Íslands fyrir um 10 fjölmiðla- og tónlistarfólk (Iceland Naturally), svipað og undanfarin ár. Iceland Airwaves kynnt USA-útgáfu af Íslandsbæklingi Ferðamálastofu. Á DVD diski í tugum þúsunda eintaka, hátíðinni gerð skil í sjónvarpsefni Mikið af umfjöllun bandarískra fjölmiðla um hátíðina er í gegnum ?Dateline Iceland?. Í öllum fjölmiðlaviðtölum starfsmanna okkar er hátíðin nefnd sem ein aðalhátíðin á Íslandi. Í öllum viðtölum við ferðaskrifstofur er hátíðin nefnd sem ein aðalhátíðin á Íslandi. Á öllum viðburðum, sýningum, kynningum allt árið sem Ferðamálastofa kemur er hátíðin nefnd. Stundum eru líka tónlistarmenn sem eru á hátiðinni í okkar boði á viðburðum. Norðurlönd Fréttabréf Ferðamálastofu í október 15.000 eintök í pósti til ferðaskrifstofa, fjölmiðla í Danmörku, Svíþjóð, Noregi og Finnlandi. Frétt á forsíðu www.visiticeland.com/dk með link á Iceland Airwaves Frétt á forsíðu www.visiticeland.com/se með link á Iceland Airwaves Frétt á forsíðu www.visiticeland.com/no með link á Iceland Airwaves Iceland Airwaves kynnt dönskum. sænskum, norskum og finnskum útgáfum af Íslandsbæklingi Ferðamálastofu Á DVD diski í tugum þúsunda eintaka, hátíðinni gerð skil í sjónvarpsefni Unnið með Icelandair á Norðurlöndum við að finna 30 blaðamenn frá Danmörku, Svíþjóð og Noregi. Bretland Ferðamaálstofa kostar 25-30 gistinætur fyrir blaðamenn að þessu sinni. Hátíðarinnar er getið í fréttatilkynningum þar sem listaðir eru árlegir viðburðir. Iceland Airwaves kynnt enskri útgáfu af Íslandsbæklingi Ferðamálastofu Á DVD diski í tugum þúsunda eintaka, hátíðinni gerð skil í sjónvarpsefni Evrópa Sendar út fréttatilkynningar um hátíðina aðila í gagnagrunni Ferðamálastofu í Frankfurt. Sett frétt um hátíð á heimasíðu www.visiticeland.com/de Aðstoð við blaðamannaheimsóknir. Iceland Naturally styrkti þátttöku Airwaves á c/o POP í Köln s.l. þar sem hátíðin var kynnt sem ein af athyglisverðustu tónlistarhátíðum í Evrópu Á DVD diski í tugum þúsunda eintaka, hátíðinni gerð skil í sjónvarpsefni Þetta er alls ekki tæmandi yfirlit og engin tilraun gerð til að setja verðmiða á þessa vinnu. Starfsfólk Ferðamálastofu sem hefur unnið að þessu samstarfi víða um heim hrekkur hins vegar við þegar það er eitt tekið sem dæmi um áhugaleysi opinberra aðila til að styðja viðkomandi viðburð.  
Lesa meira

Átak til atvinnusköpunar

Vert er að benda á að þann 3. nóvember næstkomandi rennur út frestur til styrkveitinga Iðnaðarráðuneytis undir merkjum  ?Átaks til atvinnusköpunar?. Veittir eru styrkir til tvennskonar verkefna. Annars vegar verkefna sem eru á forstigi nýsköpunar og falla ekki undir verksvið annarra sem veita sambærilega fyrirgreiðslu. Hins vegar verkefna sem eru skilgreind sem sérstök átaksverkefni ráðuneytisins. Nánari upplýsingar og umsóknareyðublað
Lesa meira

Hólaskóli stefnir að uppbyggingu náms í ferðaþjónustu á Grænlandi

Um þessar mundir vinnur ferðamáladeild Háskólans á Hólum að skipulagningu náms á sviði náttúru- og ævintýratengdrar ferðaþjónustu á Grænlandi. Baldvin Kristjánsson leiðsögumaður í Suður-Grænlandi var á Hólum nýverið og fundaði með forráðamönnum háskólans. Afrakstur heimsóknar Baldvins til Hóla var undirskrift viljayfirlýsingar um samvinnu við að koma verkefninu á koppinn. Næstu skref eru fjáröflun og vinna við námskrá. Stefnt er að því að námið fari af stað haustið 2008. Forsvarsmenn ferðaþjónustufyrirtækja og atvinnuþróunarfulltrúar í Suður-Grænlandi (Qaqortoq Development Group) segja mikla möguleika í ferðaþjónustu á þessum slóðum en tilfinnanlegur skortur sé á menntuðu fólki í greininni. Fyrr á árinu var hér á ferð Tina Jensen, atvinnuþróunarfulltrúi Qaqortoq og kynnti sér starfsemi ferðamáladeildarinnar, en hún og Baldvin hafa verið í forsvari heimamanna fyrir uppbyggingu ferðaþjónustunámsins. Mynd: Baldvin Kristjánsson leiðsögumaður og Skúli Skúlason rektor undirrtita viljayfirlýsinguna.  
Lesa meira

Stórviðburður í norðlenskri matarmenningu

Um næstu helgi verður sýningin Maturinn 2007 haldin í Verkmenntaskólanum á Akureyri. Fyrir henni stendur félagið Matur úr héraði ? Local Food og er sýningunni ætlað að endurspegla fjölbreytni í mat og matarmenningu á Norðurlandi. Sýning undir sama nafni var haldin fyrir tveimur árum en sýnendur nú eru nálega helmingi fleiri og dagskrá ennþá fjölbreyttari. Meðal viðburða á sýningunni er úrslitakeppni Klúbbs matreiðslumeistara um titilinn Matreiðslumaður ársins 2007. Sýningin verður opin kl. 11 -17 á laugardag og sunnudag og er aðgangur ókeypis. Formleg opnun verður kl. 14 á laugardag þegar Einar Kr. Guðfinnsson, sjávarútvegs- og landbúnaðarráðherra, heimsækir sýninguna. ?Búumst við þúsundum gesta?Júlíus Júlíusson, talsmaður sýningarstjórnar og stjórnarmaður í félaginu Matur úr héraði, segir áhuga sýnenda hafa verið mikinn og að norðlenskur matur og ?menning verði sannarlega í sviðsljósinu. ?Við erum mjög ánægð með þá miklu flóru þátttakenda sem þarna verður. Í þeim hópi eru allir stærstu matvælaframleiðendurnir á Norðurlandi, stór og smá fyrir tæki og mörg ný og framsækin. Okkar markmið er að festa sýninguna í sessi sem lið í starfsemi félagsins Matur úr héraði ? bæði til að vekja athygli á því sem félagið stendur fyrir en ekki síður að vekja athygli út á við á þeim miklu matvælahéruðum sem við eigum hér á Norðurlandi. Við erum stolt af norðlenskum matvælum og matarmenningu og MATUR-INN 2007 er til vitnis um þennan mikla fjölbreytileika. Á síðustu sýningu komu um fimm þúsund gestir og við búist einnig við þúsundum gesta að þessu sinni, enda aðgangur ókeypis,? segir Júlíus. Markaðstorg, fræðslustofur og fjölbreytt skemmtidagskráEins og áður segir eru sýnendur um 60 talsins og margt verður að sjá og smakka og kaupa  í stórum sem smærri básum. Á markaðstorgi geta sýningargestir einnig keypt ýmis norðlensk matvæli; svo sem reyktan silung, kartöflur, grænmeti, fisk, sultur og svo mætti áfram telja. Ýmsar uppákomur verða á sýningarsvæðinu báða sýningardagana. Þar má nefna keppni í samlokugerð, kjötiðnaðarkeppni og fleira á laugardag. Á sunnudaginn verður m.a. matreiðslukeppni þjóðþekktra einstaklinga og þar ætla að reyna með sér þau Þorvaldur Lúðvík Sigurjónsson, forstjóri Saga Capital, Kristján L. Möller, samgönguráðherra, Sigrún Björk Jakobsdóttir, bæjarstjóri á Akureyri, Ágúst Ólafsson, forstöðumaður RÚV Akureyri og Magnús Geir Þórðarson, leikhússtjóri LA. Sýningargestir geta fylgst með þeim leika listir sínar í eldhúsinu. Þá verða fræðslustofur (workshop) báða sýningardagana þar sem fjallað verður um bæði mat og vín, hráefnismeðhöndlun, matreiðslu og margt annað sem mat viðkemur.Kynnar á sýningunni verða þau Gestur Einar Jónasson og Margrét Blöndal, útvarpsfólkið góðkunna. Úrslit í keppninni ?Matreiðslumaður ársins 2007?Á laugardaginn verður á sýningarsvæðinu úrslitakeppni Klúbbs matreiðslumeistara um titilinn ?Matreiðslumaður ársins 2007?. Undankeppnir fóru fram síðastliðið vor og munu fimm matreiðslumenn keppa til úrslita á laugardaginn. Þeir eru:  Þeir eru Ari Freyr Valdimarsson, Grillinu Hótel Sögu, Eyjólfur Gestur Ingólfsson, Iðjusölum, Þórarinn Eggertsson, Múlakaffi, Þráinn Freyr Vigfússon, Grillinu Hótel Sögu og Ægir Friðriksson, Grillinu Hótel Sögu. Úrslit í keppninni verða tilkynnt kl. 16 á sýningunni. Heimasíða sýningarinnar Maturinn 2007  
Lesa meira

Vefur Icelandair vinnur til verðlauna

Vefurinn Icelandair.com fékk verðlaun í flokki flugfélaga á Interacive Media Awards í ár. Félagið var útnefnt til þessara verðlauna af samstarfsaðila sínum, Amadeus. Verðlaunin sem Icelandair hlaut nefnast ?Outstanding Achievement Award? og eru nokkurs konar silfur verðlaun í þessum flokki, segir í frétt frá Icelandair. Bætast þessi verðlaun í hóp fyrri verðlauna sem Icelandair hefur hlotið fyrir vefi sína að undanförnu. Þegar horft var til fimm þátta, þá halaði Icelandair.com inn 475 stigum af 500 og náði vefurinn sérstökum árangri fyrir innihald, notendaviðmót og hönnun, segir í fréttinni. Interactive Media Awards, eru verðlaun sem veitt eru af dómnefnd sérfræðinga á þessu sviði frá fyrirtækjum á borð við Microsoft, Time Warner og The New York Times. Verðlauninum er ætlað að vera viðurkenning til framúrskarandi vefja og stuðla þannig að þróun, aðgengi og fjölbreytum notkunarmöguleikum. Þau eru öllum opin og alþjóðleg.
Lesa meira