Heildarfjöldi erlendra ferðamanna

Erlendis farþegar til Íslands 2012-2021

Heildarfjöldi erlendra farþega til Íslands var tæplega 700 þúsund árið 2021, þegar allir innkomustaðir eru meðtaldir. Um er að ræða 43,6% fleiri erlenda farþega en árið 2020 en nærri þrefalt færri farþega en árið 2019.

Eins og sjá má af töflu hér til hliðar sem sýnir þróunina í fjölda farþega til landsins á tíu ára tímabili varð mikil aukning á farþegum til landsins framan af eða á tímabilinu 2012-2019. Farþegafjöldinn dróst verulega saman árið 2020 vegna kórónuveirufaraldursins þegar um fjórfalt færri farþegar komu til landsins en árið áður. Auking varð í fjölda farþega milli ára 2020 til 2021 og var fjöldinn kominn í það sem var árið 2012.

  

Farþegar síðustu 5 ár

Grafið hér til hliðar sýnir þróunina myndrænt síðustu fimm árin, annars vegar fjölda farþega og hins vegar breytingu frá fyrra ári.

• Um 698 þúsund erlendir farþegar* komu með flugi til landsins um Keflavíkurflugvöll eða 98,5% af heildarfjölda farþega. 
• Um 10.300 komu með Norrænu um Seyðisfjörð eða 1,5% af heild.
• Tölur fyrir Keflavíkurflugvöll og Seyðisfjörð er hægt að greina niður á þjóðerni, skipt eftir mánuðum.

Fjöldi erlendra farþega með skemmtiferðaskipum 

Til viðbótar eru farþegar skemmtiferðaskipa en þeir eru taldir sem dagsferðamenn. Um 19 þúsund 
skemmtiskipafarþegar höfðu viðkomu í Faxaflóahöfnum árið 2021 eða fjórtánfalt fleiri en árið 2020.  

Sjá nánar skiptingu farþega og skipa eftir höfnum í excel-skjali.

Í Mælaborði ferðaþjónustunnar má skoða upplýsingar um fjölda skemmtiferðaskipa og farþega á öllum höfunum landsins, unnið upp úr gögnum SafeSeaNet sem er eftirlitskerfi með umferð skipa.

 

*Gera verður ráð fyrir frávikum í talningum á Keflavíkurflugvelli þar sem þær ná til allra brottfara þ.m.t. erlendra ríkisborgara búsettra hérlendis og  sjálftengifarþega. Tölur fyrir farþega með ferjunni Norrænu um Seyðisfjörð og flugfarþega um aðra flugvelli en Keflavík byggja á mati út frá sölu- og farþegatölum.

---

Ferðamenn frá 1949:

Heildarfjöldi erlendra ferðamanna með skipum og flugvélum 1949-2021 (Excel)

 

Heimild:

• Útlendingaeftirlitið: Komur farþega til landsins 1949-2000.
• Ferðamálastofa: Ferðamenn um Keflavíkurflugvöll
• Austfar áætlar fjölda ferðamanna með Norrænu út frá sölutölum.
• Isavia og Flugfélag Íslands áætla ferðamannafjölda um aðra flugvelli en Keflavíkurflugvöll út frá farþega- og sölutölum