Gagnagrunnur um ferðaþjónustuaðila
Ferðamálastofa heldur utan um viðamesta gagnagrunn sem til er með upplýsingum um íslenska ferðaþjónustuaðila og þjónustu fyrir ferðafólk. Samstarf er við áfangastaðastofur um skráningu og viðhald upplýsinga.
Í grunninum eru nú upplýsingar um á fjórða þúsund ferðaþjónustuaðila um, bæði á ensku og íslensku.
Í grunninum er m.a. að finna ítarlegar upplýsingar um:
- Gistingu, s.s. hótel, gistiheimili, bændagistingu, farfuglaheimili, sumarhús, skála og tjaldsvæði
- Afþreyingu og skipulagðar ferðir af öllu tagi
- Samgöngur, s.s. rútur, báta, flug, bílaleigur, strætisvagna og leigubíla
- Söfn, setur og sýningar
- Golfvelli, veiði, sundlaugar, reiðhjólaleigur og hestaleigur
- Upplýsingamiðstöðvar, ferðaskrifstofur, sendiráð erlendra ríkja og ræðismenn
Hvar birtast upplýsingarnar?
Upplýsingar úr grunninum eru m.a. birtar:
- Á landkynningarvefnum www.visiticeland.com og ferðavefnum www.ferdalag.is.
- Á öllum landshlutavefjum markaðsstofanna á landsbyggðinni.
- Þá er hægt að skoða hann á kortasjá með landupplýsingum Ferðamálastofu.
Skráning í grunninn
Ferðaþjónustuaðilar geta fyllt út eyðublaðið hér að neðan til að óska eftir skráningu í grunninn. Skráningin er ferðaþjónustuaðilum að kostnaðarlausu
Aðgangur fyrir skráða aðila
Fyrirtæki eða aðilar sem eru með skráningu geta fengið aðgang til að halda utan um og breyta sínum upplýsingum. Sendið póst á ferdalag@ferdamalastofa.is til að óska eftir aðgangi.
Nánari upplýsingar
Nánari upplýsingar eru veittar í síma 535-5500 eða ferdalag@ferdamalastofa.is.