Upplýsingamiðstöðvar
Samkvæmt lögum um Ferðamálastofu nr. 96/2018 er upplýsingamiðstöð aðili sem stundar hlutlausa upplýsingagjöf til almennings. Upplýsingamiðstöð má hvorki hvorki setja saman, bjóða til sölu né auglýsa ferðir eða aðra ferðatengda starfsemi.
Starfsemi upplýsingamiðstöðva er skráningarskyld og skal hver sá sem hyggst starfrækja upplýsingamiðstöð skrá starfsemina hjá Ferðamálastofu.
Skráðar upplýsingamiðstöðvar hafa heimild til að nota myndraænt auðkenni upplýsingamiðstöðva, útgefið af Ferðamálastofu.
Ferðamálastofu er heimilt að fella upplýsingamiðstöð af skrá ef starfsemi hefur verið hætt eða starfsemi er útvíkkuð þannig að hún falli undir skilgreiningu á ferðasala dagsferða eða ferðaskrifstofu. Ferðamálastofa úrskurðar rísi ágreiningur um undir hvaða flokk starfsemin heyrir.
Skráning á upplýsingamiðstöð
Skráningargjald er 15.000 kr.
Skráning upplýsingamiðstöðva fer fram á rafrænum eyðublöðum, sjá viðeigandi tengla hér fyrir neðan. Athugið að starfesmin verður skráð undir því nafni sem skráð er í reitinn "umsækjandi."
Veita þarf eftirfarandi upplýsingar:
- Nafn starfseminnar.
- Nafn rekstraraðila, kennitala, heimili, símanúmer og netfang.
- Nafn og kennitala forsvarsmanns.
- Lýsing á starfsemi
- Opnunartími starfsstöðvar
Einstaklingur - skráning
Ef starfsemin á að vera á nafni einstaklings skráir hann sig inn með rafrænum skilríkjum á hlekknum hér að neðan.
Tilkynning einstaklings um starfsemi upplýsingamiðstöðvar
Lögaðili - skráning
Forsvarsmaður lögaðila (prókúruhafi) þarf að skrá sig inn með sínum persónulegu skilríkjum og velja félagið sem sótt er um skráningu fyrir.