Fara í efni

Almennt um NATA

NATA logoFerðamálasamstarf Íslands, Færeyja og Grænlands hefur staðið um árabil og var ný skipan þess ákveðin í lok árs 2006 með stofnun North Atlantic Tourism Association, NATA. Markmið samningsins er að auka skilvirkni í samstarfi aðila er sinna ferðamálum í Færeyjum, á Grænlandi og á Íslandi með því að styrkja, samhæfa og tryggja framboð samvinnuverkefna aðildarlandanna á þeim sviðum ferðamála þar sem þau eiga einkum sameiginlegra hagsmuna að gæta. 

Styrkir til tvenns konar verkefna

NATA auglýsir að jafnaði eftir styrkjum tvisvar á ári, í byrjun árs og í ágúst. Í samræmi við það sem samningur landanna kveður á um er hægt að sækja um styrki til tvennskonar verkefna:

  • Þróunar- og markaðsverkefna í ferðaþjónustu
  • Ferðastyrki, t.d. vegna skólahópa, íþróttahópa eða menningarverkefna

Umsóknafrestur vegna næstu úthlutunar rennur út á miðnætti 27 febrúar 2023.
Sótt er um á vef NATA á rafrænum eyðublöðum sem þar eru.

Nánar um styrki frá NATA

Vestnorden ferðakaupstefnan

Í samstarfinu er lögð áhersla á að fjölga kaupendum og alþjóðlegum fjölmiðlum á Vestnorden Travel Mart ferðakaupstefnunni sem löndin skiptast á að halda. Þetta er mikilvægasta kaupstefnan í ferðaþjónustu sem haldin er á Norður-Atlantshafssvæðinu en þar er koma saman ferðaþjónustuaðilar landanna þriggja auk kaupenda ferðaþjónustu frá öllum heimshornum.

Íslendingar halda Vestnorden annað hvert ár og hitt árið skiptast Grænlendingar og Færeyingar á um framkvæmdina. Næsta kaupstefna verður í Reykjavík 17.-18. október 2023.

Vefur Vestnorden Travel Mart

Stjórn NATA

Tveir Íslendingar sitja í stjórn ferðamálasamstarfs Íslands, Grænlands og Færeyja auk tveggja fulltrúa frá hvoru hinna landanna. Fulltrúar Íslands eru:

  • Elías Bj. Gíslason, forstöðumaður gæða- og þróunarsviðs Ferðamálastofu
  • Lína Petra Þórarinsdóttir, fagstjóri ferðaþjónustu hjá Íslandsstofu

Samingurinn í heild