Fréttir

Ísland á toppnum hjá Lonely Planet

Ferð til Íslends eru bestu kaupin á næsta ári, að mati Lonely Planet ferðaútgáfunnar. Milljónir manna lesa árlegan ferðabækling útgáfunnar sem nefnist ?Best in travel 2010?. ?Hefur ykkur alltaf langað til að uppgötva þetta dularfulla land? Kanna jöklana og eldfjöllin og velta sér í heitum laugum? Hætt við það vegna verðsins? Árið 2010 er ykkar ár," segir m.a. í bókinn.
Lesa meira

2% fækkun gistinátta á hótelum í september

Gistinætur á hótelum í september síðastliðnum voru 120.500 en voru 122.500 í sama mánuði árið 2008, samkkvæmt tölum hagstofunnar. Gistinóttum fækkaði í öllum landshlutum nema á Suðurlandi og á Höfuðborgarsvæðinu. Á samanlögðu svæði Suðurnesja, Vesturlands og Vestfjarða fækkaði gistinóttum úr 11.200 í 8.600 eða um 23%. Gistinóttum á Austurlandi fækkaði um 6% miðað við september 2008, úr 5.000 í 4.700 og á Norðurlandi fækkaði gistinóttum úr 10.700 í 10.500 eða um tæp 2%. Gistinóttum fjölgaði á Suðurlandi úr 12.800 í 13.800 eða um tæp 8% og á Höfuðborgarsvæðinu voru gistinætur svipaðar samanborið við september 2008 eða um 83.000. Gistinóttum Íslendinga á hótelum í september fækkaði um 8% milli ára, en gistinætur erlendra ríkisborgara eru svipaðar milli ára. Svipaður fjöldi fyrstu níu mánuði ársinsFjöldi gistinátta fyrstu níu mánuði ársins voru 1.100.400 en voru 1.099.600 á sama tímabili árið 2008. Gistinóttum fjölgaði á Norðurlandi um 8% og á Suðurlandi um 5%. Á öllum öðrum landsvæðum fækkaði gistinóttum, mest á samanlögðu svæði Suðurnesja, Vesturlands og Vestfjarða um 11%. Fyrstu níu mánuði ársins fækkar gistinóttum Íslendinga um 12% á meðan gistinóttum erlendra ríkisborgara fjölgar um rúm 3% miðað við sama tímabil árið 2008. Athygli skal vakin á því að hér er eingöngu átt við gistinætur á hótelum, þ.e. hótelum sem opin eru allt árið.  Til þessa flokks gististaða teljast hvorki gistiheimili né hótel sem eingöngu eru opin yfir sumartímann. Nánar á vef Hagstofunnar
Lesa meira

Farþegar um Keflavíkurflugvöll í október

Tæplega 127 þúsund farþegar fóru um Keflavíkurflugvöll í októbermánuði síðastliðnum, samkvæmt tölum frá flugvellinum. Þetta eru 11% færri farþegar en í október 2008. Frá áramótum hafa tæplega 1,5 milljónir farþegar farið um völlinn en til samanburðar þá voru þeir 1,8 milljónir á sama tímabili í fyrra, sem er 18,6% fækkun, eins og sjá má í töflunni hér fyrir neðan. Líkt og verið hefur aðra mánuði ársins má búast við að samdráttur í ferðum Íslendinga vegi hlutfallslega hærra í þessum tölum en nemur fækkun í heimsóknum erlendra gesta. Nú er verið að vinna úr tölum Ferðamálastofu fyrir október og verða þær birtar eftir helgina. Í þeim má sjá skiptingu eftir þjóðerni og þá kemur þetta betur í ljós.   Okt.09. YTD Okt.08. YTD Mán. % breyting YTD % Breyting Héðan: 53,61 632,855 59,571 790,725 -10.01% -19.97% Hingað: 52,978 633,498 61,479 797,407 -13.83% -20.56% Áfram: 3,225 40,878 5,397 32,013 -40.24% 27.69% Skipti. 17,058 165,278 16,105 188,755 5.92% -12.44%   126,871 1,472,509 142,552 1,808,900 -11.00% -18.60%
Lesa meira

Practical og Hilton Nordica hótel hljóta alþjóðleg verðlaun

Bandaríska viðburðafyrirtækið Harith Productouns fékk á laugardaginn afhent virt ferðaþjónustuverðlaun fyrir 200 manna hvataferð sem skipulögð var hingað til lands fyrir bandarískt lyfjafyrirtæki. Um skipulagningu hérlendis sáu Hilton Reykjavík Nordica og Practical. Verðlaunin voru veitt flokknum framúrskarandi hvataferð (Exceptional Motivational Travel Program).  Þau  voru afhent á Karabíahafseyjunni Arúba og tóku Marín Magnúsdóttir, framkvæmdastjóri Practical, og Ingólfur Haraldsson hótelstjóri Hilton Reykjavík Nordica við þeim fyrir hönd fyrirtækja sinna (sjá mynd). CRYSTAL?verðlaunin njóta mikillar virðingar en þau eru veitt af SITE-samtökunum, sem í eru um 2000 fyrirtæki á sviði ferðaþjónustu og skipulagningar viðburða. ?Viðurkenning þessi skapar okkur enn frekara brautargengi við markaðssetningu Hilton Reykjavík Nordica sem framúrskarandi valkost fyrir ráðstefnu- og hvataferðarhópa á alþjóðlegum vettvangi. Ennfremur beinir þessi uppákoma augum allra þeirra fagaðila sem tilheyra SITE samtökunum að Íslandi sem vænlegum kosti fyrir þá viðburði sem þeir munu halda í náinni framtíð. Starfsfólk sölu- og markaðsdeildar Flugleiðahótela mun á næstu vikum og mánuðum kappkosta að nýta þann meðbyr sem þessi verðlaun veita,? segir Ingólfur. Marín Magnúsdóttir, framkvæmdastjóri Practical, var ekki síður ánægð. ?Við erum í skýjunum því verðlaunin eru ekki aðeins heiður fyrir Practical og hótelið heldur varpa einnig ljósi á hve góður kostur Ísland er um þessar mundir. Nú gefst tækifæri til að heimsækja Ísland og njóta góðrar þjónustu, hótela og skemmtunar í hæsta gæðaflokki fyrir hóflegt verð. Við vonust því til að með þessu opnist augu fleiri stórfyrirtækja fyrir þeim möguleika að koma hingað með starfsmenn sína á næstunni,? segir Marín. Nánari upplýsingar um verðlaunin vef SITE (PDF) Fleiri myndir frá verðlaunaafhedingunni
Lesa meira

Stefnumótun ferðaþjónustu í Eyjafirði

Föstudaginn 6. nóvember verður haldinn vinnufundur til að ræða vöruþróun og framtíðarsýn ferðaþjónustu í Eyjafirði. Markmið fundarins er að kynna aðferðafræði vöruþróunar og stefnumótunar sem byggir á landfræðilegum upplýsingakerfum og taka fyrstu skrefin í þá átt með því að móta vinnuhópa.   Að fundinum standa Rannsóknamiðstöð ferðamála í samstarfi við Ferðamálastofu, Útflutningsráð, Nýsköpunarmiðstöð Íslands, Atvinnumáladeild Dalvíkurbyggðar og Atvinnuþróunarfélag Eyjafjarðar. Fundurinn verður haldinn í Bergi, menningarhúsi Dalvíkur (6. Nóvember) kl. 9:00-13:00.  Fundurinn er öllum opinn og öllum að kostnaðarlausu. Áhugasamir geta skráð sig hjá Eyrúnu hjá Rannsóknamiðstöð ferðamála á:  ejb@unak.is fyrir föstudaginn 30. október 2009.  Allir þjónustuaðilar er hvattir til að mæta og taka þátt og hafa áhrif á framtíðarsýn ferðaþjónustu í Eyjafirði. Sjá nánari upplýsingar á www.rmf.is
Lesa meira

Radisson SAS 1919 fær alþjóðlegar viðurkenningar

Radisson SAS 1919 Hótel hefur þriðja árið í röð verið útnefnt "Iceland''s Leading Hotel" af World Travel Awards. Þá var 101 hótel útnefnt "Iceland''s Leading Boutique Hotel". Nýlega komst Radisson SAS 1919 einnig í  annað sinn á lista CNBC Business yfir 25 bestu viðskiptahótel í Evrópu. Mat þeirra byggir á framúrskarandi aðstöðu og þjónustu. Í ár var einnig tekið mið af hvað er innifalið í verðinu. Í frétt frá Radisson SAS 1919 er haft eftir hótelstjóranum, Gaute Birkeli, að árið hafi verið mjög krefjandi og stefnumótandi fyrir hótelgeirann á Íslandi. "Starfslið 1919 hótels hefur lagt sig fram frá byrjun í að þróa kröftugar, samverkandi aðferðir sem leyfa okkur að aðlagast markaðstæðum sem fyrst en umfram allt að verja þessa sérstæðu vöru sem hótelið er á þessum erfiðu tímum. Það er sérlega ánægjulegt að hafa fengið þessar viðurkenningar bæði af hálfu World Travel Awards og CNBC Business og ég held að þetta gefi glöggt í skyn að aðferðir okkar virki," segir orðrétt. Hér má sjá nánar um World Travel Awards 2009  
Lesa meira

Málstofur í ferðamálafræði í Þjóðarspeglinum 2009

Tvær málstofur um ferðamál eru á hinni árlegu ráðstefnu Þjóðarspeglinum sem haldinn verður í tíunda sinn þann 30. október 2009 í Háskóla íslands. Félagsvísindastofnun HÍ er framkvæmdaraðili Þjóðarspegilsins sem hefur skapað sér sess sem nokkurs konar árleg uppskeruhátíð félagsvísindafólks hérlendis. Þátttakendur verða frá flestum innlendum háskólum auk sjálfsstæðra rannsóknastofnanna. Á Þjóðarspeglinum gefst fólki kostur á að hlýða á fyrirlestra af öllu litrófi félagsvísinda um það sem efst er á baugi í rannsóknum í dag. Sérstaða ráðstefnunnar felst ekki síst í því að lögð er áhersla á miðlun rannsókna til almennings. Allir fyrirlestrar eru opnir, engin þörf er á skráningu og það kostar ekkert að mæta og fylgjast með einstökum erindum eða málstofum. Málstofur í ferðamálafræði: Kl. 11-13 Háskólatorg 104 Anna Mjöll Guðmundsdóttir og Anna Dóra SæþórsdóttirTourism Management in Wilderness areas - Svalbard Anna KarlsdóttirFerðamál í Norðurslóðalöndum á tímum loftslagsbreytinga Edward H. HuijbensVöruþróun í heilsutengdri ferðaþjónustu - Möguleg Norræn undirþemu? Eyrún Jenný Bjarnadóttir og Hjördís SigursteinsdóttirSkotveiðitengd ferðaþjónusta - Sóknarfæri í dreifbýli? Kl. 13-15 Háskólatorg 104 Anna Dóra SæþórsdóttirViðhorf ferðamanna á Kili Gunnar Þór JóhannessonFerðaþjónusta á krepputímum: Orðræða um þróun ferðaþjónustu á Íslandi Laufey HaraldsdóttirAð borða mat, en bragða svæðið - Þarfir og væntingar ferðamanna til veitinga á ferðalögum
Lesa meira

Stefnumótun Ferðamálasamtaka Vestfjarða

Ferðamálasamtök Vestfjarða (FMSV) hafa ákveðið að ráðast í gerð heildstæðrar stefnumótunnar fyrir greinina til næstu fimm ára, með það að markmiði að treysta innviði greinarinnar og hlúa þannig að ferðaþjónustu á Vestfjörðum. Verður meðal annars staðið fyrir vinnufundum með ferðaþjónustuaðilum og hagsmunaaðilum í ferðaþjónustu. Í tilkynningu segir að eftir mikla aukningu í komu ferðamanna sl. ár standi ferðaþjónustan á Vestfjörðum nú á tímamótun. Því sé nauðsynlegt fyrir ferðaþjónustuna að staldra við, meta árangur síðustu ára og setja sér traust markmið fyrir framtíðina. Hafa Ferðamálasamtök Vestfjarða (FMSV) því ákveðið að ráðast í gerð heildstæðrar stefnumótunnar fyrir greinina til næstu fimm ára, með það að markmiði að treysta innviði greinarinnar og hlúa þannig að ferðaþjónustu á Vestfjörðum. Með öflugri ferðaþjónustu með skýra framtíðarsýn eflum við efnahag og samfélagið á Vestfjörðum! til framtíðar. Ferðaþjónusta á Íslandi og Vestfjörðum hefur vaxið fiskur um hrygg á undanförnum árum og er mikilvægi hennar að aukast hratt í vestfirsku samfélagi en ætla má að vægi ferðaþjónustunnar í umfangi atvinnulífisins á Vestfjörðum sé í kringum 7,5% og má áætla að vöxturinn bara sl. ár sé hátt í 30 %. Á allra næstu vikum og mánuðum munu Ferðamálasamtök Vestfjarða standa fyrir vinnufundum með ferðaþjónustuaðilum og hagsmunaaðilum í ferðaþjónustu um alla Vestfirði. Markmiðið með fundunum er að virkja hagsmunaaðila í ferðaþjónustu til að leggja sitt af mörkum í að meta stöðu ! ferðaþjónustu á Vestfjörðum og taka þátt í að móta framtíðarsýn hennar. Fundirnir eru öllum opnir og eru kjörið tækifæri til að hafa áhrif á framtíð ferðaþjónustu á Vestfjörðum. Fyrir stefnumótuninni standa Ferðamálasamtök Vestfjarða, en samtökin eru grasrótahreyfing í ferðaþjónustu um alla Vestfirði. Ferðamálasamtökin njóta stuðnings Atvinnuþróunarfélags Vestfjarða, Markaðsstofu Vestfjarða og Menningarráðs Vestfjarða við framkvæmd vinnufundanna og úrvinnslu þeirra. Stefnumótunarvinnan er fjármögnuð af Ferðamálasamtökunum og samstarfsaðilum ásamt Vaxtarsamningi Vestfjarða. Vinnufundir Vinnufundirnir samanstanda af stuttum kynningum um stöðu ferðaþjónustunar á Íslandi og á Vestfjörðum, en megin efni fundanna eru vinnuhópar þar sem þátttakendum gefst kostur á að hafa áhrif í litlum hópum þar sem unnið er að afmörkuðum málefnum ferðaþjónustunnar. Boðið er uppá léttar hressingar á meðan fundinum stendur. Fundarherferðin hefst í Bjarkalundi, við Reykhóla þann 7.nóvember nk. og er dagskrá fundanna er sem hér segir: 7. nóv  - Bjarkalundur 13.00-16.00 9. nóv  - Sjóræningjahúsið, Patreksfirð! ;i 18.00-21.00 11. nóv  - Þróunarsetrið Ísafirði 18.00-21.00 Ferðamálasamtökin leggja áherslu á víðtæka samvinnu og samstarf milli stoðgreina ferðaþjónustunnar, ferðaþjónustufyrirtækja, sveitafélaga og annarra hagsmunaaðila í þessarri vinnu sem framundan er. Því með samstillu átaki og skýrri framtíðarsýn getur ferðaþjónustan á Vestfjörðum haldið áfram að vaxa og dafna öllum Vestfirðingum til heilla. Nánari upplýsingar um Stefnumótunarvinnuna og vinnufundina er að fá hjá Ásgerði í síma 450 3053 og Jóni Páli í síma 450 4041.
Lesa meira

Lokun neðri gönguleiðar að Gullfossi

Umhverfisstofnun hefur ákveðið að loka tímabundið neðri gönguleið að Gullfossi vegna mikillar hættu sem getur skapast þar yfir vetrartímann af völdum hálku og snjóalaga.  Stígnum verður lokað frá og með 21.október til 31.mars og verður sett upp skilti sem útskýrir lokunina og varað við þeirri hættu sem þarna getur skapast á íslensku, ensku, frönsku og þýsku.  Í tilkynningu frá Umhverfisstofnun kemur fram að það sé eindregin ósk stofnunarinnar að þessari lokun verði mætt með skilningi . Frekari upplýsingar fást hjá Ólafi A Jónssyni hjá deild náttúruverndar á Umhverfisstofnun. Meðfylgjandi loftmynd sýnir hvar skiltunum verður komið fyrir við upphaf neðri göngustígs.    
Lesa meira

Aðalfundur Ferðamálasamtaka Íslands

Aðalfundur Ferðamálasamtaka Íslands verður haldinn á Hótel KEA, Akureyri, 3.-4. nóvember. Á dagskrá verða aðalfundarstörf, kynning á nýrri stefnumótun samtakanna, vinnuhópar og lagabreytingar. Móttaka í Hlíðarfjalli síðdegis þriðjudaginn 3. nóvember og hátíðarkvöldverður á Hótel KEA. Miðvikudaginn 4. nóvember kl: 10:00-12:00, heimsóknir í ferðaþjónustufyriræki, "Nýjungar á Akureyri" Flugfélag Íslands veitir afslátt á fargjaldi frá Reykjavík til Akureyrar fyrir þátttakendur. Nánari upplýsingar hjá hópadeild, hopadeild@flugfelag.is og í síma 570 3075. Tilboð fyrir gesti aðalfundar á Hótel KEA. Nánari upplýsingar í síma 569 6101. Vinsamlega tilkynnið þátttöku til ferdamalasamtok@ferdamalasamtok.is  Dagskrá: Þriðjudagur 3.nóvember.kl: 10:30  Afhending gagna  kl: 11:00     Setning formanns og skipað í fastanefndir aðalfundar  kl: 11:10 Ávarp: Hermann Jón Tómasson, bæjarstjóri Akureyrar   Ávarp: Ólöf Ýrr Atladóttir, ferðamálstjóri  Kynning á stefnumótun FSÍ kl: 12:30 Léttur matur kl: 13:00 Vinnuhópar kjörnir  Skýrsla stjórnar og reikningar lagðir fram kl: 14:00 Starfs- og fjárhagsáætlun lögð fram  Unnið í vinnuhópum kl: 15:15 Kaffihlé kl: 15:45 Starfs- og fjárhagsáætlun tekin til afgreiðslu kl: 16:15 Kosningar kl: 16:30 Önnur mál kl: 17-17:30    Fundalok kl: 18:00 Móttaka í Hlíðafjalli kl: 20:00     Kvöldverður á KEA Miðvikudagur 4. nóvemberkl: 10-12  Nýjungar í ferðaþjónustu á Akureyri  Dagskráin sem PDF-til útprentunar.    
Lesa meira