Fréttir

Ferðaþjónustuaðilum berast reglulega ýmis tilboð um viðskipti sem þegar grannt er skoðað byggja á vafasömum grunni. Dæmi um það eru beiðnir um samþykki fyrir skráningu í bæklinga eða lista sem, þegar smáa letrið er skoðað, hefur í för með sér verulegan kostnað. Einnig má finna ýmis dæmi um þar sem gefið er upp kreditkortanúmer og farið er fram á við gististað að ferðakostnaður ásamt kostnaði við gistingu verði dreginn af því og lagður inn á annan reikning hjá "ferðaþjónustufyrirtæki" sem síðan sjái um að gera upp ferðina. Gististaður á Akureyri fékk t.d. á dögunum fyrirspurn um gistingu. Viðkomandi grunaði raunar strax að maðkur væri í mysunni en ákvað að prófa að svara og fékk þá meðfylgjandi bréf: Thanks for your reply and assistance so far. I am HAPPY to inform you that we have concluded payment with the University authorities However, a Certified Bank Cheque ofEUROS 6000 was earlier made for this trip BY THEIR SPONSORSThis Cheque was meant for the accommodation, car rental services, and other necessary arrangements. I have now been instructed to send you the Cheque, which will cover the cost of accommodation and all the necessary arrangements for the STUDENTS.Moreover, we also made an arrangement with a pre paid car hiring firm who will provide the STUDENTS with the cars they will be using during their stay. So you are required to deduct 920 euros the cost of your reservation  and keep the balance which has been approved for use for the STUDENTS by thier sponsors and  which they will collect as soon as  they arrive at your town,So confirm this and provide me with the following information: (1) YOUR  PAYEE FULL NAMES (means name that will be written on the cheque )(2 ) YOUR ADDRESS (3) YOUR PHONE NUMBER,    for payment to be delivered to you via postPlease remember that the our integrity of  is involved, so thistransaction requires your prompt response. I also hope that the stay of the students will be made most comfortable  PLEASE NOTE THAT OUR UNIVERSITY AUTHORITY DOES NOT WORK WITH CREDIT CARDS REGARDSPatrick Í þessu tilfelli breyttist einnig netfangið þegar póstinum er svarað, sem strax vekur grunsemdir. Því er full ástæða til að ítreka að ferðaþjónustuaðilar séu ávallt á varðbergi gagnvart hugsanlegum svikum.

Á hverju ári vinna nemendur í ferðamálafræði ýmis áhugaverð verkefni sem birtast í lokaritgerðum þeirra. Hjá Háskóla Íslands hefur nýverið tekið upp það skipulag nýmæli að nemendur setja lokaritgerðir sínar inn á Skemmuna þar sem almenningur geta kynnt sér þær. Skemman er rafrænt gagnasafn Háskóla Íslands, Háskólans á Akureyri, Háskólans á Bifröst og Listaháskóla Íslands. Í safninu eru geymd lokaverkefni nemenda og rannsóknarit starfsmanna.  Fyrir áhugasama þá er einfaldast, eftir að komið er inn á skemman.is, að skrifa orðið ferðamálafræði inn í leit. Þá birtist yfirlit yfir ritgerðir, hægt að fara inn á útdrætti og jafnvel heilu ritgerðirnar. Nemendum er í sjálfsvald sett hversu stóran hluta ritgerðar þeir vilja að séu aðgengilegar öllum. Flestir velja þó að ritgerðirnar séu aðgengilegar í heild sinni.

Skráningarferstur vegna World Travel Market ferðasýningarinnar í London hefur verið framlengdur til 30. ágúst. Ferðaþjónustuaðilum býðst að fá aðstöðu í bás Íslands gegn föstu gjaldi. Enn er eru nokkur borð laus en "cauters" eru uppseldir. World Travel Market er ein stærsta ferðasýning í heimi og haldin árlega. Að þessu sinni fer hún fram dagana 9.-12. nóvember og er í ExCel sýningarhöllinni í London líkt og undanfarin ár. Sýningin er opin 4 daga fyrir ferðaþjónustuaðila (trade) en af þeim eru 2 síðustu dagarnir einnig fyrir almenning, þá sérstaklega síðasti dagurinn. Ferðamálastofa sér um að útbúa básinn og skapa mönnum aðstöðu til að hitta viðskiptavini sína en síðan er undir hverjum og einum komið að nýta tækifærið sem best. Skráningu lýkur 30. ágústHér fyrir neðan er tengill á eyðublað til skráningar í íslenska sýningarbásinn á World Travel Market 2009 en vakin er athygli á því að skráningu lýkur 30. ágúst næstkomandi. Einnig er tengill á heimasíðu sýningarinnar. Skráning á WTM 2009 (PDF-skjal) Heimasíða sýningarinnar Nánari upplýsingar um sýningar í Bretlandi veitir Sigríður Gróa Þórarinsdóttir, markaðsfulltrúi,  siggagroa@icetourist.is Sími: 535 5500  

Á vegum Akureyrarstofu er nú að fara af stað verkefni sem miðar að aukinni þjónustu við ferðamenn, einkum farþega skemmtiferðaskipa. Um er að ræða útsýnisferðir um Akureyri. Verkefnið nefnist CITY BUS Sightseeing. Mun vagninn keyra frá klukkan 9-13 þá daga sem skip eru í höfn og tekur hver hringur um 45 mínútur. Lagt er upp frá Oddeyrarbryggju en alls eru 12 viðkomustaðir í hringnum. Viðkomandi fær miða í hendurnar stimplaðan með dagsetningu og getur sem dæmi stigið út í miðbænum eftir að hafa tekið sér far frá höfninni með fyrsta vagninum, rölt gegnum miðbæinn inn að Minjasafni og farið aftur um borð með síðasta vagninum. Farið kostar 3 evrur eða 500 kr.

Á dögunum undirrituðu Svandís Svavarsdóttir umhverfisráðherra og eigendur Hoffells og Miðfells í sveitarfélaginu Hornafirði samning um friðlýsingu fjalllendis á jörðunum við Hoffellsjökul. Svæðið eru um 50 ferkílómetrar að stærð og verður hluti af Vatnajökulsþjóðgarði.

Erlendir gestir um Leifsstöð í júní  í ár voru ríflega 54 þúsund, sem eru 1500 færri gestir en í júnímánuði á  síðastliðnu ári. Fækkunin nemur þremur prósentum milli ára. Ef litið er til einstakra markaðssvæða má sjá verulega fjölgun frá Mið- og S.-Evrópu eða um 25,4% og munar þar mest um fjölgun Þjóðverja og Hollendinga.  Norðurlandabúum fækkar um 8% en þar ber hæst fækkun Svía.  Bretum fækkar um 19,5% en brottförum gesta frá öðrum löndum Evrópu og fjarmörkuðum fækkar um 17,7%. N.-Ameríkanar  standa hins vegar í stað. Frá áramótum hafa 179 þúsund erlendir gestir farið frá landinu eða þremur prósentum færri en árinu áður en þá voru þeir um 184 þúsund. Tæplega helmingsfækkun er hins vegar í brottförum Íslendinga, voru tæplega 228 þúsund árið 2008 en 125 þúsund í ár. Talning er unnin á vegum Ferðamálastofu og nær yfir allar brottfarir um Leifsstöð, þ.m.t. brottfarir erlends vinnuafls. Nánari skiptingu gesta eftir markaðssviðum og einstaka þjóðernum má sjá í töflunum hér að neðan. Júní eftir þjóðernum   Janúar-júní eftir þjóðernum       Breyting milli ára       Breyting milli ára   2008 2009 Fjöldi (%)   2008 2009 Fjöldi (%) Bandaríkin 5.947 6.024 77 1,3 Bandaríkin 17.156 18.589 1.433 8,4 Kanada 1.598 1.606 8 0,5 Kanada 3.694 3.731 37 1,0 Bretland 5.440 4.377 -1.063 -19,5 Bretland 31.567 28.438 -3.129 -9,9 Noregur 4.117 3.967 -150 -3,6 Noregur 15.691 16.127 436 2,8 Danmörk 4.683 4.363 -320 -6,8 Danmörk 16.627 17.016 389 2,3 Svíþjóð 4.354 3.521 -833 -19,1 Svíþjóð 13.886 14.124 238 1,7 Finnland 1.528 1.617 89 5,8 Finnland 5.059 4.696 -363 -7,2 Þýskaland 5.708 7.317 1.609 28,2 Þýskaland 14.098 16.802 2.704 19,2 Holland 2.066 3.034 968 46,9 Holland 7.064 8.072 1.008 14,3 Frakkland 2.780 3.086 306 11,0 Frakkland 8.659 9.045 386 4,5 Sviss 738 1.030 292 39,6 Sviss 1.557 2.106 549 35,3 Spánn 875 893 18 2,1 Spánn 2.094 2.148 54 2,6 Ítalía 1.110 1.284 174 15,7 Ítalía 2.486 2.555 69 2,8 Pólland 3.120 2.194 -926 -29,7 Pólland 10.074 6.209 -3.865 -38,4 Japan 545 558 13 2,4 Japan 3.141 3.378 237 7,5 Kína 1.000 822 -178 -17,8 Kína 2.471 1.856 -615 -24,9 Annað 10.369 8.796 -1.573 -15,2 Annað 28.983 23.977 -5.006 -17,3 Samtals 55.978 54.489 -1.489 -2,7 Samtals 184.307 178.869 -5.438 -3,0 Júní eftir markaðssvæðum Janúar-júní eftir markaðssvæðum       Breyting milli ára       Breyting milli ára   2008 2009 Fjöldi (%)   2008 2009 Fjöldi (%) N-Ameríka 7.545 7.630 85 1,1 N-Ameríka 20.850 22.320 1.470 7,1 Bretland 5.440 4.377 -1.063 -19,5 Bretland 31.567 28.438 -3.129 -9,9 Norðurlönd 14.682 13.468 -1.214 -8,3 Norðurlönd 51.263 51.963 700 1,4 Mið-/S-Evr. 13.277 16.644 3.367 25,4 Mið-/S-Evr. 35.958 40.728 4.770 13,3 Annað 15.034 12.370 -2.664 -17,7 Annað 44.669 35.420 -9.249 -20,7 Samtals 55.978 54.489 -1.489 -2,7 Samtals 184.307 178.869 -5.438 -3,0 Ísland 49.073 26.763 -22.310 -45,5 Ísland 227.641 124.969 -102.672 -45,1

Icelandair sameinar í haust flug til Manchester og Glasgow og auka tíðni ferða í fjögur flug á viku. Fyrst verður flogið til Manchester í hverri ferð og síðan höfð viðkoma í Glasgow á leið til Íslands. Á undanförnum árum hefur verið flogið tvisvar í viku til borganna að vetri til. Ný áætlun tekur gildi 25. september næstkomandi. ?Með því að auka tíðnina og fljúga til beggja borga í sömu ferðinni getum í senn aukið þjónustu við viðskiptavini og tryggt hagkvæmni í rekstri. Á undanförnum árum hefur flugið til þessara borga byggst að verulegu leyti á ferðum íslenskra farþega, en vegna gengisþróunar hefur mjög dregið úr utanferðum Íslendinga og við leggjum nú aukna áherslu á erlenda ferðamenn. Með breytingunni nú aukum við sveigjanleika fyrir þá sem eiga erindi til og frá þessum borgum og auk þess tengjum við þessar tvær borgir við Ameríkuflug okkar og getum boðið mjög hagstætt flug t.d. til Seattle og Boston í Bandaríkjunum,? er haft eftir Helga Má Björgvinssyni, framkvæmdastjóri sölu- og markaðssviðs Icelandair. Flogið verður á mánudögum, miðvikudögum, föstudögum og laugardögum.

?Vænlegasta veganestið? er nafnið á léttum og skemmtilegum leik sem Ferðamálastofa hefur hlaypt af stokkunum í samvinnu við Rás 2. Leikurinn verður í gangi í sumar. Í honum gefst almenningi kostur á að velja ?vænlegasta veganestið? með því að senda inn ábendingar um skemmtilegan, óvenjulegan eða sérstaklega góðan skyndibita eða aðrar veitingar á ferð sinni um landið. Eitthvað sem vert er að hrósa: Eitthvað sem kemur á óvart, eitthvað sem fer fram úr væntingum, eitthvað sem er öðruvísi. Í þættinum frá A-J á Rás 2 munu Atli og Jói velja ?vænlegasta veganestið? úr þeim tilnefningum sem berast. Þeir heyra síðan í þeim aðila sem sendi inn ábendinguna og grennslast nánar fyrir umum staðinn og það sem boðið er uppá. Dregið verður úr innsendum ábendingum og í verðlaun verður máltíð á uppáhaldsstað viðkomandi.Til að senda inn ábendingu er farið inn á vefinn www.ferdalag.is

Rannsóknamiðstöð ferðamála hefur sett af stað könnun meðal brottfararfarþega í millilandaflugi frá Akureyrarflugvelli í sumar. Markmið könnunarinnar er að er að kanna ferðavenjur þeirra erlendu gesta sem fara frá landinu í gegnum Akureyraflugvöll og kortleggja ferðamynstur þeirra um Norðurland. Könnunin hófst upp úr miðjum júní og stendur yfir fram í ágúst. Könnunin er unnin í samvinnu við Flugstoðir og viðskiptafræðideild HA í samvinnu við sveitarfélög á Eyjafjarðarsvæðinu. Undirbúningur könnunarinnar fór af stað í kjölfarið á vinnufundi um millilandaflug frá Akureyri, sem fram fór samhliða árlegri ráðstefnu Háskólans á Akureyri um þjóðfélagsfræði 8. og 9. maí sl. Slík könnun hefur ekki verið gerð áður á Akureyrarflugvelli en er stöðugt haldið úti á Keflavíkurvelli frá 2004. Niðurstöður könnunarinnar munu veita veigamikið innlegg í umræðuna um millilandaflug frá Akureyri á heilsársgrundvelli, segir í frétt frá Rannsóknamiðstöð ferðamála.

Sífellt fleiri vilja auka við þekkingu sína um ferðamál ef marka má nýskráningar í ferðamálafræði við Háskóla Íslands. Fjölgun nema í grunnámi í haust er 80% frá fyrra ári sem samsvarar því að 81 setjist á skólabekk á haustönn. Aðsóknarmet var einnig á vorönn 2009 en þá voru alls 151 nemandi skráður í námið. Vinsældir ferðamálafræðinnar endurspegla mikilvægi ferðamála fyrir íslenskt samfélag enda greinin í vexti og sífellt fjölbreytilegri, segir í frétt frá HÍ. Nýverið útskrifaðist 21 ferðamálafræðingur úr Háskóla Íslands með baccaleum laureate gráðu en alls hafa 255 nemendur lokið prófi frá 2002 þegar fyrstu nemarnir útskrifuðust. Rannsóknarverkefni nemenda til lokaprófs spönnuðu víð svið, bæði í tengslum við þátt ferðamála í atvinnuþróun heima fyrir en eins málefni alþjóða ferðamála af mismunandi tagi. Meðfylgjandi listi ber fjölbreyttri flóru viðfangsefna innan ferðamálafræða vitni og sýnir hversu miklir möguleikar felast í ferðaþjónustu/málum. Nánari upplýsingar veitir Anna Karlsdóttir (annakar@hi.is), lektor í ferðamálafræði í síma 5254741. Lsiti yfr lokaverkefni í ferðamálafræðum 2009 (PDF)