Fréttir

Markaðsstofa Suðurlands hefur birt Áfangastaðaáætlun Suðurlands. Áætlunin tekur tillit til ferðaþjónustu, náttúru, menningarminja og samfélags. Hún var unnin í samstarfi við hagsmunaaðila á Suðurlandi.

Mánudaginn 19. nóvember næstkomandi kl. 10-12 kynnir Ferðamálastofa væntanlegar breytingar á lögum um starfsumhverfi ferðaþjónustuaðila á fundi á hótel KEA á Akureyri. Yfirskriftin er: "Ég bókaði allt sjálfur og það var mikið ódýrara...“

Ferðamálastofa auglýsir eftir óháðum skoðunar- eða vottunarstofum til að annast úttektir hjá þátttakendum í Vakanum, gæða- og umhverfiskerfi ferðaþjónustunnar.

Brottfarir erlendra farþega frá Íslandi um Keflavíkurflugvöll í október síðastliðnum voru um 200 þúsund talsins samkvæmt talningum Ferðamálastofu og Isavia í Flugstöð Leifs Eiríkssonar eða um 17.700 fleiri en í október á síðasta ári. Fjölgunin í október nam 9,7% milli ára en hún hefur einungis mælst hærri tvo mánuði á árinu, í maí (13,2%) og september (13,6%).

„Ef þú ætlar að nota samfélagsmiðla sem einhliða rás til að segja viðskiptavinum hvað þeir ætla að hlusta á, þá ertu algerlega á villigötum, segir Lella Erludóttir, markaðsstjóri Ferðaþjónustu bænda, í öðrum þætti af Ferðalausnir – stafræn tækifæri. Í myndbandinu fer Lella yfir tækifæri og áskoranir við notkun samfélagsmiðla og hvernig hægt er að nýta þá með áhrifaríkum hætti í ferðaþjónustu.

Ferðaskrifstofuleyfi Gæðingatours., kt. 170362-3819, Útnyrðingsstöðum, 701 Egilsstöðum, hefur verið fellt úr gildi þar sem ferðaskrifstofurekstri hefur verið hætt.

Ferðamálastofa hefur tekið það mikilvæga og ánægjulega skref að kolefnisjafna allar ferðir starfsfólks sem farnar eru á vegum stofnunarinnar, jafnt innanlands sem utan. Þannig var síðastliðinn fimmtudag undirritað samkomulag milli Ferðamálastofu og Kolviðar um að stofnunin greiði Kolviði árlega fyrir að planta trjám til að binda kolefni sem fellur til vegna umræddra ferða.

Ferðamálastofa í samstarfi við Íslenska ferðaklasann mun á næstu mánuðum standa fyrir hagnýtum vef-vinnustofum undir nafninu Ferðalausnir - Stafræn tækifæri. Markmiðið er að sýna, kynna og miðla þekkingu og reynslu til fyrirtækja í ferðaþjónustu á sviði aukinnar tækni og öflugri miðlunar.

Ljóst er að niðurstöður könnunnar um versnandi afkomu ferðaþjónustufyrirtækja á landsbyggðinni, sem Ferðamálastofa og KPMG kynntu fyrir helgi, er áhyggjuefni fyrir greinina í heild. Verkefni framundan er því að leita leiða til að snúa þeirri þróun við með öllum tiltækum ráðum og nýta þau sóknarfæri sem eru í stöðunni.

Markaðsstofa Vestfjarða hefur birt Áfangastaðaáætlun Vestfjarða sem unnin var í samvinnu við Ferðamálastofu. Markmiðið með áætluninni er að stuðla að ábyrgri ferðaþjónustu sem skilar sem mestum hagnaði til samfélaga, um leið og mögulegum neikvæðum áhrifum er haldið í lágmarki.