Fréttir

Ferðaskrifstofuleyfi tryggir hagsmuni neytenda

Ferðamálastofa vill vekja athygli á að sala pakkaferða eða alferða (þar sem t.d. flutningur og gisting er selt saman) er leyfisskyld. Aðeins handhafar ferðaskrifstofuleyfa mega selja slíkar ferðir. Ferðamálastofa beinir því til fólks að varast leyfislausa aðila og kaupa pakkaferðir eingöngu af þeim sem eru með ferðaskrifstofuleyfi.
Lesa meira

Bandaríkjamönnum fjölgar í júlí en öðrum fækkar

Samkvæmt talningum Ferðamálastofu og Isavia í Flugstöð Leifs Eiríkssonar voru brottfarir erlendra farþega frá Íslandi rúmlega 278.600 í júlí sem er 2.5% fjölgun miðað við júlí í fyrra. Fjölgunin í júlí byggir að mestu leyti á Bandaríkjamönnum sem hafa aukið hlutdeild sína til muna. Rúmlega 27% fleiri Bandaríkjamenn fóru frá Leifsstöð í júlí í ár en á sama tíma í fyrra. Norðurlandabúum, Bretum, Frökkum, Þjóðverjum og Kanadamönnum, sem einnig tilheyra mikilvægum markaðssvæðum fyrir Ísland, fækkaði hins vegar um 9-19% í júlí á milli ára.
Lesa meira

Opið fyrir umsóknir um styrki frá NATA

Nú er opið fyrir umsóknir um styrki frá NATA, samstarfssamningi Íslands, Færeyja og Grænlands á sviði ferðamála. Umsóknafrestur rennur út á miðnætti 5. september. Sótt er um á vef NATA á rafrænum eyðublöðum sem þar eru.
Lesa meira

Ný löggjöf á sviði ferðamála- kynning til hagaðila

Ferðamálastofa vinnur nú að kynningu á nýrri löggjöf á sviði ferðamála sem taka mun gildi 1. janúar 2019. Í dag voru send bréf til ferðaskrifstofa, ferðaskipuleggjenda og skráðra bókunarþjónusta þar sem dregin eru fram þau atriði sem helst snerta rekstur þeirra.
Lesa meira

Ferðaþjónusta á Íslandi í tölum - ný útgáfa

Talnabæklingur Ferðamálastofu, Ferðaþjónusta á Íslandi í tölum, er jafnan mikið notaður. Í honum eru teknar saman og settar fram myndrænt og í texta, ýmsar tölulegar staðreyndir um íslenska ferðaþjónustu - upplýsingar sem handhægt er að geta haft aðgang að með einföldum hætti á einum stað. Nýjasta útgáfan er aðgengileg á vefnum okkar.
Lesa meira

Samkeppniseftirlitið taki starfsemi booking.com til athugunar

Ferðamálastofa hefur sent ábendingu til Samkeppniseftirlitsins um starfsemi bókunarsíðunnar booking.com. Telur Ferðamálastofa álitamál hvort skilmálar fyrirtækisins standist samkeppnislög þar sem þeir feli mögulega í sér íþyngjandi skilyrði fyrir viðskiptavini þess og hindri þar með eðlilega samkeppni. Í því ljósi bendir margt til að markaðshlutdeild booking.com hafi náð yfir 50% á umræddum markaði og á þeirri forsendu er líklegt að fyrirtækið teljist hafa markaðsráðandi stöðu hérlendis.
Lesa meira

5,4% fjölgun erlendra farþega í júní

Brottfarir erlendra farþega frá Íslandi um Keflavíkurflugvöll í júní síðastliðnum voru tæplega 234 þúsund talsins samkvæmt talningum Ferðamálastofu og Isavia í Flugstöð Leifs Eiríkssonar eða um tólf þúsund fleiri en í júní á síðasta ári. Fjölgunin nemur 5,4% á milli ára sem er mun minni fjölgun en hefur mælst milli ára í júní síðastliðin ár.
Lesa meira

Áfangastaðaáætlun Norðurlands birt

Markaðsstofa Norðurlands hefur birt Áfangastaðaáætlun Norðurlands sem var unnin í samvinnu við Ferðamálastofu. Markmið verkefnisins var að greina stöðu ferðaþjónustunnar á Norðurlandi og skerpa á framtíðarmarkmiðum, en í áætluninni má finna helstu forgangsverkefni í ferðaþjónustu á Norðurlandi næstu þrjú árin.
Lesa meira

Ný löggjöf á sviði ferðamála

Nú hafa verið birt í Stjórnartíðindum tvenn ný lög á sviði ferðamála, en Alþingi samþykkti lögin á síðustu dögum þingsins í nýliðnum mánuði: Lög um Ferðamálastofu og lög um pakkaferðir og samtengda ferðatilhögun. Bæði lögin taka gildi 1. janúar 2019. Viðamestu breytingarnar snúa að aukinni neytendavernd og öryggismálum.
Lesa meira

Adventure Vikings er nýr þátttakandi í Vakanum

Adventure Vikings er afþreyingar- og ferðaþjónustufyrirtæki sem hefur verið starfrækt síðan 2008. Fyrirtækið hefur vaxið jafnt og þétt síðastliðin ár og eru starfsmenn átta talsins í dag. Adventure Vikings býður upp á dagsferðir með sérstaka áherslu á ævintýraferðamennsku, fámenna hópa og persónulega þjónustu.
Lesa meira