Atvikavaktin

Skráningarform sem heldur utan um slys, óhöpp og næratvik á einfaldan, samræmdan og gagnlegan hátt til að auka öryggi í ferðaþjónustu.

• Atvikavaktin er notendum að kostnaðarlausu.
• Atvikavaktin er hönnuð með þarfir ferðaþjónustufyrirtækja í huga – til að spara tíma, bæta yfirsýn og styrkja faglegt öryggisstarf.
• Hvert fyrirtæki hefur eiginn aðgang að sínum gögnum sem enginn annar hefur aðgang að.
• Atvikavaktin styður beint við lögbundnar skyldur þeirra, sem bjóða ferðir og afþreyingu, að hafa tilbúna öryggisáætlun og auðveldar fyrirtækjum þannig að uppfylla lagakröfur með markvissum og faglegum hætti.
• Atvikavaktin er rekin af Ferðamálastofu og er liður í stefnu og áherslu stjórnvalda um aukið öryggi ferðamanna.

Virði fyrir fyrirtæki felst meðal annars í:

• Aðgangi að eigin gögnum á einum stað – alltaf tiltækum þegar þörf krefur.
• Betri yfirsýn yfir slys og óhöpp sem styður við áhættumat og ákvarðanatöku.
• Tækifæri til að greina mynstur og grípa fyrr inn í áður en alvarleg atvik eiga sér stað.
• Einfaldari og samræmdri skráningu í stafrænu, miðlægu kerfi.

Flest alvarleg slys eiga sér undanfara. Með skráningu næratvika er hægt að bregðast við áður en hættur þróast í slys.

Nýting gagna til að efla öryggi í ferðaþjónustu

• Upplýsingar úr kerfinu eru einnig nýttar til að draga fram þróun, umfang og eðli slysa og óhappa í ferðaþjónustu á Íslandi.
• Gögn sem eru unnin úr kerfinu í þessum tilgangi eru ekki rekjanleg til einstakra fyrirtækja eða einstaklinga.
• Slík yfirsýn skapar mikilvægan grunn fyrir markvissar forvarnir, stefnumótun og aðgerðir til að efla öryggi í greininni.

Skráning atvika bætir yfirsýn yfir áskoranir í greininni sem skapar tækifæri til sameiginlegs lærdóms og markvissari forvarna í íslenskri ferðaþjónustu

• Ferðaþjónustan er ein af mikilvægustu atvinnugreinum Íslands og þjónar árlega nær þremur milljónum ferðamanna. Til að viðhalda árangri greinarinnar þarf öryggi ferðamanna að vera í forgangi.
• Kerfið er ekki ætlað til að finna sökudólga heldur að efla lærdóm, samvinnu og stöðugar umbætur.