Fréttir

Samkvæmt talningum Ferðamálastofu fóru 115.279 erlendir ferðamenn frá landinu í ágúst síðastliðnum eða um 13.400 fleiri en í sama mánuði árið 2011. Talningar Ferðamálastofu hafa sýnt fjölgun alla mánuði ársins 2012 en fjölgunin í ágúst er svipuð og aðra mánuði í sumar, júní (13,3%) og júlí (14,7%). Tvöfalt fleiri ferðamenn á ellefu ára tímabiliFerðamenn í ágúst voru 13,2% fleiri en í ágúst árið 2011. Þegar litið er til fjölda ferðamanna í ágústmánuði á ellefu ára tímabili (2002-2012) má sjá 8,8% aukningu milli ára að jafnaði frá árinu 2002. Þjóðverjar, Bandaríkjamenn og Frakkar nærri 40% ferðamannaAf einstaka þjóðernum voru flestir ferðamenn í ágúst frá Þýskalandi (14,4%), Bandaríkjunum (13,7%) og Frakklandi (10,6%). Ferðamenn frá Bretlandi (6,8%), Danmörku (5,3%), Noregi (5,2%), Ítalíu (4,9%), Spáni (4,8%) og Svíþjóð (4,3%) fylgdu þar á eftir. Af einstaka þjóðum fjölgaði Þjóðverjum, Bandaríkjamönnum, Frökkum og Kínverjum mest í ágúst milli ára. Þannig komu um 2.600 fleiri Þjóðverjar í ár en í fyrra, 2.000 fleiri Bandaríkjamenn, um 1.900 fleiri Frakkar og um 1.100 fleiri Kínverjar. Einstök markaðssvæðiÞegar litið er til einstakra markaðssvæða má sjá aukningu frá öllum mörkuðum. Mest er hún þó frá löndum sem eru flokkuð undir "Annað " eða 23%. Aukningin frá  Bretlandi, Mið- og S-Evópu og Norður Ameríku er svipuð eða um og yfir tíu prósent. Norðurlandabúum fjölgar hlutfallslega minnst eða um 3,1%. Ferðamenn frá áramótumÞað sem af er ári hafa 472.285 erlendir ferðamenn farið frá landinu eða 65.801 fleiri en á sama tímabili í fyrra en um er að ræða 16,2% aukningu milli ára. Ferðamönnum hefur fjölgað verulega milli ára frá öllum mörkuðum. Þannig hefur Bretum fjölgað um 34,4%, N-Ameríkönum um 19,0%, Mið- og S-Evrópubúum um 11,5% og ferðamönnum sem eru flokkuð undið "Annað" um 21,8%. Norðurlandabúum hefur hins vegar fjölgað í minna mæli eða um 6,9%. Ferðir Íslendinga utanUm 37 þúsund Íslendingar fóru utan í ágúst síðastliðnum, 8,3% fleiri en í ágúst 2011. Frá áramótum hafa 242.904 Íslendingar farið utan, 5,9% fleiri en árinu áður þegar brottfarir mældust um 229 þúsund. Talningar Ferðamálastofu ná yfir allar brottfarir frá landinu um Leifsstöð. Skiptingu milli landa má sjá í töflunni hér að neðan og nánari upplýsingar undir liðnum Talnaefni/Ferðamannatalningar hér á vefnum. Nánari upplýsingar veitir Oddný Þóra Óladóttir, rannsóknastjóri oddny@ferdamalastofa.is Ágúst eftir þjóðernum Janúar - ágúst eftir þjóðernum       Breyting milli ára       Breyting milli ára   2011 2012 Fjöldi (%)   2011 2012 Fjöldi (%) Bandaríkin 13.821 15.825 2.004 14,5   Bandaríkin 56.900 69.268 12.368 21,7 Bretland 6.997 7.784 787 11,2   Bretland 45.791 61.542 15.751 34,4 Danmörk 6.027 6.110 83 1,4   Danmörk 30.471 30.223 -248 -0,8 Finnland 2.026 1.542 -484 -23,9   Finnland 9.006 9.562 556 6,2 Frakkland 10.376 12.258 1.882 18,1   Frakkland 30.141 34.121 3.980 13,2 Holland 3.619 4.006 387 10,7   Holland 15.208 16.465 1.257 8,3 Ítalía 5.714 5.653 -61 -1,1   Ítalía 10.720 11.775 1.055 9,8 Japan 741 828 87 11,7   Japan 4.498 5.783 1.285 28,6 Kanada 3.232 3.652 420 13,0   Kanada 12.677 13.538 861 6,8 Kína 1.323 2.417 1.094 82,7   Kína 5.966 9.514 3.548 59,5 Noregur 5.393 5.956 563 10,4   Noregur 29.401 33.987 4.586 15,6 Pólland 2.035 2.091 56 2,8   Pólland 10.758 10.986 228 2,1 Rússland 444 1.215 771 173,6   Rússland 1.972 3.681 1.709 86,7 Spánn 5.501 5.547 46 0,8   Spánn 11.821 11.838 17 0,1 Sviss 2.957 3.696 739 25,0   Sviss 8.710 10.411 1.701 19,5 Svíþjóð 4.536 4.926 390 8,6   Svíþjóð 24.014 25.493 1.479 6,2 Þýskaland 14.001 16.633 2.632 18,8   Þýskaland 46.624 52.735 6.111 13,1 Annað 13.098 15.140 2.042 15,6   Annað 51.806 61.363 9.557 18,4 Samtals 101.841 115.279 13.438 13,2   Samtals 406.484 472.285 65.801 16,2                       Ágúst eftir markaðssvæðum Janúar - ágúst eftir markaðssvæðum       Breyting milli ára       Breyting milli ára   2011 2012 Fjöldi (%)   2012 2012 Fjöldi (%) Norðurlönd 17.982 18.534 552 3,1   Norðurlönd 92.892 99.265 6.373 6,9 Bretland 6.997 7.784 787 11,2   Bretland 45.791 61.542 15.751 34,4 Mið-/S-Evrópa 42.168 47.793 5.625 13,3   Mið-/S-Evrópa 123.224 137.345 14.121 11,5 N-Ameríka 17.053 19.477 2.424 14,2   N-Ameríka 69.577 82.806 13.229 19,0 Annað 17.641 21.691 4.050 23,0   Annað 75.000 91.327 16.327 21,8 Samtals 101.841 115.279 13.438 13,2   Samtals 406.484 472.285 65.801 16,2                       Ísland 34.188 37.023 2.835 8,3   Ísland 229.392 242.904 13.512 5,9                

Fyrir helgi gekk Framkvæmdasjóður ferðamannastaða frá fyrstu lokagreiðslu til styrkþega. Um var að ræða styrk til Gunnarsstofnunar vegna skipulagsvinnu og hönnunar á útsýnispalli og minjasvæði að Skriðuklaustri. Einhver umfangsmesta fornleifarannsókn síðari áraUppgreftri Ágústínusarklausturs á Skriðuklaustri í Fljótsdal sem starfrækt var 1493-1554 lauk síðasta sumar. Að sögn Skúla Björns Gunnarssonar, forstöðumanns Gunnarsstofnunar, er um að ræða einhverja umfangsmestu fornleifarannsókn síðari ára en hún hófst árið 2002 með framlögum Kristnihátíðarsjóðs. Í ár hefur verið unnið að frágangi minjasvæðisins og þann 19. ágúst síðastliðinn var það opnað formlega af mennta- og menningarmálaráðherra. Í samráði við Fornleifavernd ríkisins hafa grunnform klausturbygginga og kirkju verið hlaðin upp og búið er að tyrfa veggi og umhverfi þannig að hægt er að feta í fótspor þeirra sem dvöldu í klaustrinu á 16. öld. “Tímamótin nú markast einnig af þeim 500 árum sem liðin eru frá því Stefán Jónsson Skálholtsbiskup vígði klausturkirkjuna,” segir Skúli Björn og því má bæta við að samtímis kom einnig út bók um rannsóknina á klaustrinu að Skriðu eftir dr. Steinunni Kristjánsdóttur. Hönnun á útsýnispalli og skipulagning á minjasvæðinu Sem fyrr segir var styrkur Framkvæmdasjóðs ferðamannastaða, sem var að upphæð 500 þúsund krónur,  nýttur í hönnun á útsýnispalli og skipulagningu á minjasvæðinu í tengslum við gerð verndaráætlunar fyrir klausturminjarnar. Gott útsýni er yfir minjasvæðið og geta gestir fræðst um staðinn á upplýsingaskiltum sem eru á pallinum og af skiltum sem komið hefur verið fyrir í rústunum sjálfum. Landmótun ehf. og Verkfræðistofa Austurlands unnu hönnunarvinnu vegna útsýnispallsins en Tréiðjan Einir sá um byggingu hans.  Sjá nánar á www.skriduklaustur.is Næsti umsóknarfrestur til 10. septemberFramkvæmdasjóður Ferðamannastaða tók til starfa í byrjun þessa árs og er vistaður hjá Ferðamálastofu. Markmið og hlutverk sjóðsins að stuðla að uppbyggingu, viðhaldi og verndun ferðamannastaða í opinberri eigu eða umsjón um land allt. Fyrsta úthlutun úr sjóðnum fór fram í febrúar síðastliðnum og nú er einmitt verið að auglýsa eftir umsóknum um styrki fyrir árið 2013. Umsóknarfrestur vegna þeirra er til 10. september næstkomandi. Nánar um Framkvæmdasjóð ferðamannastaða

Íslandsstofa auglýsir eftir þátttöku á World Travel Market ferðakaupstefnunni í London dagana 5.-8. nóvember. World Travel Market er ein stærsta ferðakaupstefna í heimi og er haldin árlega. Sýningin verður opin í fjóra daga fyrir ferðaþjónustufyrirtæki og tengda aðila (trade) en seinni tveir dagarnir eru einnig opnir almenningi. Sýningin fer fram í ExCel sýningarhöllinni í London líkt og undanfarin ár. Íslandsstofa sér um að skipuleggja básinn og býður þar m.a. upp á fundaaðstöðu þar sem þátttakendum gefst kostur á að hitta viðskiptavini. Plássið á básnum er takmarkað og gildir því reglan fyrstur kemur - fyrstur fær. Áhugasamir eru því hvattir til að skrá sig hið fyrsta. Síðasti skráningardagur er 12. september.  Skráningareyðublað World Travel Market 2012 (Word) Umsóknir skulu sendar til Heru Brá Gunnarsdóttur, hera@islandsstofa.is með cc. á Aðalstein Sverrisson adalsteinn@islandsstofa.is Nánari upplýsingar er að finna á heimasíðu World Travel Market

Frá og með deginum í dag heyra ferðamál undir nýtt atvinnuvega- og nýsköpunarráðuneyti sem til varð með sameiningu inaðarráðuneytis, efnahags- og viðskiptaráðuneytis og landbúnaðar- og sjávarútvegsráðuneytis. Ráðherra verður Steingrímur J. Sigfússon og ráuneytisstjóri er Kristján Skarphéðinsson. Nýja ráðuneytið er til húsa að Skúlagötu 4 í Reykjavík og síminn er 545-9700. Skrifstofur í ráðuneytinu verða 7 og málaflokkar 14 en hægt er að kynna sér skipulag nýja ráðuneytisins á vef þess. www.atvinnuvegaraduneyti.is

Í dag gekkst KPMG fyrir fundi þar sem flutt voru fróðleg erindi um virðisaukaskatt og ferðaþjónustu. Innan ferðaþjónustunnar gilda flóknar reglur um virðisaukaskatt og misjafnt hvort aðilar innan hennar eru í virðisaukaumhverfi eða ekki. Einnig er þjónusta seld í báðum þrepum virðisaukaskatts. Soffía Eydís Björgvinsdóttir fór stuttlega yfir þessar reglur og helstu álitaefni um virðisaukaskatt í ferðaþjónustu. Þá kynnti Alexander G. Eðvardsson niðurstöður könnunar KPMG á þeim miklu áhrifum sem fyrirhuguð hækkun virðisaukaskatts á gistingu mun að hans mati hafa. Glærur frá erindum þeirra beggja má nálgast á vef KPMG.

Iðnaðarráðuneytið auglýsir eftir umsóknum um styrki úr verkefninu Átaki til atvinnusköpunar. Þar eru veittir styrkir til nýsköpunarverkefna og markaðsaðgerða starfandi frumkvöðla og nýsköpunarfyrirtækja. Nýsköpunarmiðstöð Íslands hefur umsjón með umsóknarferlinu fyrir hönd iðnaðarráðuneytisins. Umsóknarfrestur haustið 2012 er 20. september. Markmið verkefnisins: Að styðja við þróun nýsköpunarhugmynda á fyrri stigum sem hlotið gætu frekari fjármögnun sjóða og fjárfesta Að styðja við undirbúning og framkvæmd markaðsaðgerða í frumkvöðla og sprotafyrirtækjum Nánar á vef Nýsköpunarmiðstöðvar Íslands

St. Pétursborg er meðal þriggja nýrra áfangastaða sem Icelandair hefur tilkynnt að flogið verði til næsta sumar. Þar með verður í fyrsta sinn í boði áætlunarflug á milli Rússlands og Íslands og því um viss tímamót að ræða. Hinir tveir nýju áfangastaðirnir eru Anchorage í Alaska og Zurich í Sviss. Flugið til St. Pétursborgar hefst 1. júní og flogið verður tvisvar í viku til 17. september. Flugið tekur 4 klukkustundir, lennt er á Íslandi að morgni sem gefur kost á tengiflugi áfram vestur um haf. Flugið til Zurich verður tvisvar í viku frá 1. júní til 14. september. Sama er með Anchorage í Alaska. Þangað verður einnig flogið tvisvar í viku, frá 15. maí til 15. september. Alaska er stærsta fylki Bandaríkjanna að flatarmáli og hefur beint áætlubarflug ekki áður veðir í boði til og frá Íslandi. Í frétt frá Icelandair kemur fram að unnið er að frágangi heildaráætlunar Icelandair fyrir árið 2013 og verður hún kynnt á næstunni. Mynd: Frá St. Pétursborg / saint-petersburg.com

Auglýst hefur verið eftir styrkumsóknum frá NATA, samstarfssamningi Íslands, Færeyja og Grænlands á sviði ferðamála. Jafnframt hefur verið opnaður nýr vefur fyrir NATA og fara allar umsóknir þar í gegn á rafrænum eyðublöðum. Ný vefsíðaÁ nýjum vef NATA á slóðinni www.nata.is er að finna allar helstu upplýsingar um samtökin, bæði á ensku og dönsku. Ítarlegar upplýsingar eru um styrkjamöguleika og meðal nýjunga eru rafræn umsóknareyðublöð þar sem allar umsóknir fara nú í gegn um, sem fyrr segir. Þá má einnig nefna nýja þjónustu þar sem fyrirtæki geta leitað eftir samstarfsaðilum í hinum löndunum, öðru eða báðum eftir atvikum. Styrkir til tvenns konar verkefnaÍ samræmi við það sem samningur landanna kveður á um er hægt að sækja um styrki til tvennskonar verkefna. Annars vegar verkefna í ferðaþjónustu og hins vegar ferðastyrki, t.d. vegna skólahópa, íþróttahópa eða menningarverkefna. Styrkir til verkefna í ferðaþjónustu Allir sem starfa að eflingu ferðaþjónustu á milli landanna þriggja geta sótt um styrk að hámarki 100.000 danskar krónur, eða að hámarki 50% þeirra kostnaðarliða sem styrktir eru. Skulu umsóknir fela í sér samstarf milli einstaklinga, stofnana eða fyrirtækja í tveimur af löndunum þremur hið minnsta. Ekki eru veittir styrkir vegna launakostnaðar, ráðgjafar, útgáfu efnis eða vefsíðugerðar. Sækja má um aðstoð á eftirfarandi sviðum ferðaþjónustu. Til markaðssetningar. Til nýsköpunar- og – vöruþróunar. Til að mynda tengslanet og miðla þekkingu. Til gæða- og umhverfismála innan ferðaþjónustunnar. Við mat á umsóknum verður tekið tillit til eftirfarandi þátta: Verkefnishugmyndar og gæða umsóknarinnar. Ófullgerðar umsóknir verða ekki teknar til greina. Nýnæmis og nýsköpunargildis verkefnisins Markaðstengingar Kostnaðaráætlunar og annarrar fjármögnunar Samfélagslegs gildis Styrkir vegna kynnis- og námsferðaEitt af markmiðum samstarfssamnings um ferðamál á milli Íslands, Grænlands og Færeyja er að auka samskipti og fjölga heimsóknum á milli landanna þriggja. Hér með eru auglýstir ferðastyrkir til þeirra sem vinna að samstarfsverkefnum sem varða tvö af löndunum þremur hið minnsta. Styrkjunum er einvörðungu ætlað að standa straum af ferðakostnaði, ekki gistingu eða uppihaldi. Hámarksstyrkur á hvern einstakling er  1.000 danskar krónur vegna ferðalaga milli Íslands og Grænlands annars vegar og Íslands og Færeyja hins vegar. Sækja má um styrk til kynnis- og námsferða eftirtaldra: Skóla Íþróttahópa Tónlistarhópa Annars menningarsamstarfs Við mat á umsóknum verður tekið tillit til eftirfarandi atriða: Verkefnishugmynd Gæði umsóknar. Ófullgerðar umsóknir verða ekki teknar til greina. Gagnkvæmni og tengslamyndun Kostnaðaráætlun, fjármögnun Hvar er sótt um?Allar umsóknir þurfa að berast með rafrænum hætti á þar til gerðum umsóknarblöðum sem finna má á vef NATA. Vefurinn og umsóknarformin eru bæði á dönsku og ensku. Nánari leiðbeiningar um umsóknir á vef NATA Opna umsóknasíðu á vef NATA SkilafresturLokafrestur til að skila umsókn er 10. september 2012. Umsóknir eða fylgigögn sem berast eftir þann tíma verða ekki tekin gild. Niðurstaða stjórnar NATA um úthlutun mun liggja fyrir um miðjan október. Nánari upplýsingarNánari upplýsingar gefur starfsmaður NATA, Mette K. Kibsgaard, sími 00 298 30 9914 eða í gegnum netfangið mette@industry.fo

Sendiráð Íslands í Peking og Íslandsstofa hafa ákveðið að gefa út í nýtt og endurbætt kynningarefni um ferðaþjónustu á Íslandi í tengslum við China International Travel Mart (CITM) sem fer fram í Shanghai í nóvember. Kynningarefnið samanstendur af Íslandskorti, landkynningarbæklingi og lítilli handbók (A5) með upplýsingum um ferðaþjónustufyrirtæki á Íslandi. Allir textar verða á kínversku og myndefni og framsetning verður valin með kínverskan markhóp í huga. Fyrirtækjum stendur til boða að vera með einnar síðu auglýsingu í handbókinni fyrir aðeins 50.000 krónur. Ein síða er í boði fyrir hvert fyrirtæki og er gert ráð fyrir að prenta bókina í 5000 eintökum. Staðfesta þarf kaup á auglýsingu fyrir 5. september nk. CITM fer fram í dagana 15.-18. nóvember á þessu ári í Shanghai New International Expo Centre í nýja viðskiptahverfinu Pudong í austurhluta Shanghai. Íslandsstofa, í samstarfi við sendiráðið í Peking, skipuleggur sameiginlegan bás fyrir íslensk fyrirtæki á sýningunni. Fyrirtæki sem taka þátt eru hvött til að vera með í handbókinni og koma sér þannig á framfæri. Frekari upplýsingar veita:Hafliði Sævarsson hjá sendiráðinu í Peking, haflidi@mfa.is og Þorleifur Þór Jónsson hjá Íslandsstofu, thorleifur@islandsstofa.is. Mynd: Ragnar Th. Sigurðsson, arctic-images.com

Fornleifavernd ríkisins í samvinnu við Skeiða- og Gnúpverjahrepp og Arkitektafélag Íslands efnir í sumar til almennrar hugmyndasamkeppni um tillögur að hönnun ásýndar og umhverfis fornleifa sem eru við Stöng í Þjórsárdal. Minjastaður í fyrsta skipti hannaður heildrænt Með verkefninu sem er minjastaður á Íslandi í fyrsta skipti hannaður heildrænt með hliðsjón af umhverfisþáttum og með það í huga að gera hann aðgengilegan og áhugaverðan fyrir almenning. Hér er því um frumkvöðlaverkefni að ræða. Áhugi er fyrir að gera sem flestar af fornleifunum í dalnum aðgengilegar fyrir ferðamenn á næstu árum. Hugsanlegt er að yfirfæra megi hugmyndina að fullu eða að hluta yfir á aðrar fornleifar í dalnum. Markmiðið er að nýta megi lausnina sem tillögu að því hvernig megi vinna að svipuðum verkefnum í framtíðinni á öðrum íslenskum minjastöðum. Keppnislýsing og samkeppnisgögnKeppnislýsing er aðgengileg á vef Arkitektafélags Íslands, www.ai.is, á vef Félags íslenskra landslagsarkitekta, www.fila.is og á vef Fornleifaverndar ríkisins, www.fornleifavernd.is . Samkeppnisgögn eru afhent á skrifstofu Arkitektafélags Íslands, Engjateigi 9, Reykjavík, á milli kl. 09:00 og 13:00 virka daga. Nánari upplýsingar og verkefnaskilHægtb er að fá nánari upplýsingar hjá trúnaðarmanni samkeppninnar í síma 899 6225 eða með tölvupósti á netfangið harh@simnet.is. Tillögum skal skila til trúnaðarmanns, á skrifstofu Arkitekafélags Íslands að Engjateig 9 eigi síðar en 28. september 2012.