Fréttir

Skráning hafin á ITB í Berlín

 Skráning er nú hafin á ITB í Berlín, eða Internationale Tourismus-Börse, sem er ein stærsta ferðasýning í heimi Að þessu sinni stendur sýningin yfir dagana 7.-11. mars 2007. Skráningarfrestur er til 1. desember næstkomandi. Sýningin hefur verið haldin árlega í á þriðja áratug. Ferðamálastofa hefur tekið þátt í henni frá upphafi og kynnt þar Ísland og íslenska ferðaþjónustu. Líkt og á öðrum ferðasýningum erlendis býðst íslenskum ferðaþjónustuaðilum að fá aðstöðu í bás Ferðamálastofu gegn föstu gjaldi. Ferðamálastofa sér um að útbúa básana og skapa mönnum aðstöðu til að hitta viðskiptavini sína en síðan er undir hverjum og einum komið að nýta tækifærið sem best. Sýningarstandar Ferðamálastofu á þessum sýningum standa einnig opnir erlendum fyrirtækjum er koma að sölu Íslandsferða. Sýningarbás Ferðamálastofu á ITB er hluti af sameiginlegu sýningarsvæði Norðurlandanna. Smellið hér fyrir nánari upplýsingar og skráningu á ITB Mynd: Frá ITB ferðasýningunni í Berlín.  
Lesa meira

Flugfélag Íslands hefur áætlunarflug til Vestmannaeyja á mánudag

Flugfélag Íslands hefur áætlunarflug á milli Reykjavíkur og Vestmannaeyja næsta mánudag. Boðið verður upp á þrettán flug í viku, kvölds og morgna frá sunnudegi til föstudags en ein ferð verður á laugardögum. Um þrjár vikur eru síðan Landsflug hætti flugi á þessari leið. Í framhaldi af þeirri ákvörðun ákvað ríkisstjórnin, að tillögu samgönguráðherra, að hafinn yrði undirbúningur að útboði á ríkisstyrktu flugi á flugleiðinni. Til bráðabirgða yrði samið við flugrekstraraðila um tímabundið áætlunarflug með fjárhagslegum stuðningi. Í kjölfarið fól Sturla Böðvarsson samgönguráðherra Vegagerðinni að leita eftir tímabundnum samningum við Flugfélag Íslands um flug milli Reykjavíkur og Vestmannaeyja með stuðningi ríkisins. Ljóst þótti að Flugfélag Íslands væri eini flugrekandinn sem tilbúinn væri með flugvélakost sem mætti þeim óskum sem uppi voru um sætaframboð og fleira.
Lesa meira

Aðgerðir stjórnvalda gera Ísland enn samkeppnishæfara sem ferðamannaland

Í stefnuyfirlýsingu núverandi ríkistjórnar frá 2003 segir að stefnt skuli að því að skapa ferðaþjónustunni sambærileg rekstrarskilyrði og í samkeppnislöndunum. Fjölmargar aðgerðir hafa verið framkvæmdar í þá veru á undanförnum árum, bæði almennar sem snerta allan atvinnurekstur og einnig sértækar. Ákvörðun stjórnvalda frá í gær er ein víðtækasta aðgerðin á undanförnum árum til að bæta samkeppnishæfni Íslands sem ferðamannalands. Er þó þar af ýmsu að taka hvort sem litið er til aðgerða til að bæta rekstrarskilyrði eða aðgerða sem snerta innviðina. Gífurleg uppbygging samgöngumannvirkja, sem eru undirstaðan, gerð loftferðasamninga, uppbygging fjarskipta, uppbygging menningar og sögustaða og ákvörðun um Ráðstefnu- og tónlistarhús svo nokkur atriði séu nefnd. Virðisaukaskattur óvíða lægriÍ öllum könnunum hefur verðlag fengið lægri einkunn hjá ferðamönnum en allir aðrir þættir sem eru mældir og verð á mat og drykk sérstaklega. Frá 1. mars 2007 mun virðisaukaskattur á veitingahúsum verða sá sami og á Spáni og verða aðeins Luxemburg og Holland lægri af löndum innan EES. Þannig verður Ísland með lægsta virðisaukaskatt allra Norðurlandanna á veitingahús auk þess sem verðlag matvæla almennt lækkar. Hvað varðar virðisaukaskatt á hótelgistingu þá verða aðeins Luxemburg, Holland og Noregur af EES löndunum með lægri virðisaukaskatt eftir 1. mars 2007. Ekki síður mikilvægt fyrir innlenda markaðinn?Það er ekki aðeins að með þessari ákvörðun verði Ísland samkeppnihæfara gagnvart erlendum ferðamönnum heldur má ekki gleyma möguleikum okkar gagnvart innlenda markaðnum,? segir Magnús Oddsson ferðamálastjóri. ?Hlutfallslega er meiri aukning á þessu ári í ferðalögum okkar Íslendinga um eigið land en í erlenda markaðnum. Þessi aðgerð mun gera okkur auðveldara en áður að ferðast um eigið land og gera ferð á heimaslóð samkeppnishæfari en verið hefur,? segir Magnús. Hann bendir á að íslendingar kaupi vörur og þjónustu á ferðum innanlands fyrir um 10 miljarða á þessu ári. Því sé mikilvægt að nýta þessa auknu samkeppnishæfni til eflingar  íslenskrar ferðaþjónustu bæði á innlendum og erlendum markaði.
Lesa meira

Aukið samstarf Safnahúss og Landnámsseturs

Fjöldi gesta hefur heimsótt Landnámssetrið í Borgarnesi á fyrstu starfsmánuðum þess, en setrið var opnað í maí síðastliðnum. Starfsemin hefur skotið fleiri stoðum undir menningartengda ferðaþjónustu í Borgarfirði og á döfinni er aukið samstarf Landnámssetursins og Safnahúss Borgfirðinga. Meginsýningar Landnámssetursins eru tvær, sýning um landnám Íslands og sýning um sögu Egils Skallagrímssonar. Þá eru í setrinu veitinga og minjagripasala ásamt því sem á dagskrá hafa verið leiksýningar og fleiri uppákomur. Í bígerð er aukið samstarf við Safnahúss Borgfirðinga, m.a. í tengslum við sýningu um Pourqui Pas? Slysið sem Safnahúsið setti upp. Þetta kemur fram viðtali við framkvæmdastjóra Landnámssetursins, Kjartan Ragnarsson, í fréttamiðlinum skessuhorn.is. "Safnahúsið hefur á að skipa þekkingu, hefð og góðu starfsfólki og Landnámssetrið býr yfir tengslum við marga hagsmunaaðila, virkri markaðssetningu og þörfinni til að vera sífellt að skapa eitthvað spennandi fyrir gesti. Við viljum nýta styrk hvors annars og báðir aðilar hafa sínar hugmyndir um framboð efnis fyrir íbúa og ferðafólk og við eigum að vinna saman og það höfum við ákveðið að gera," segir Kjartan m.a.
Lesa meira

Í góðum hópi á Vestnorden

Ferðasýningar og kaupstefnur eru mikilvægur vettvangur til að styrkja tengslin við þá aðila sem selja ferðir til Íslands. Meðfylgjandi mynd var tekin þegar Vestnorden ferðakaupstefnan var haldin í Reykjavík á dögunum. Þá tóku Icelandair og skrifstofa Ferðamálastofu í New York höndum saman og buðu kaupendum frá Bandaríkjunum og Kanada til veislu á veitingastaðnum Vox á Hótel Nordica Á myndinni eru, talið frá vinstri: Einar Gústvasson (fostöðumaður skrifstofu Ferðamálastofu í New York), Nick Hethington (VIP Tours),  Nat Turner ( Rannoch Adventures), Betina Kohler (Borton Overseas), Maury Newburger (American Express Travel), Christine Murray  (The Great Canadian Travel Company),  Lois Farley (GCTC), Ingrid Shumway (5 Stars of Scandinavia, Kristine Edwards (5 Stars of Scandinavia), Jeanne Charnon (Value Holidays), Michael Schoenberger (TFI Tours), Jamie Deering (Auto Europe), Cecile Hatherington (VIP Tours), Deirdre Gibbons (Icelandair Holidays USA), Brian Sheffield ( Icelandair USA ) og Pétur Ómar Águstsson (sölustjóri Icelandair í Bandaríkjunum).
Lesa meira

Gistinóttum hefur fjölgað um 10%

Á fyrstu átta mánuðum ársins fjölgaði gistinóttum á hótelum um 10% frá fyrra ári, en gistináttafjöldinn fór úr 754.700 í 828.100 milli ára.  Þetta kemur fram í tölum Hagstofunnar sem birtar voru í dag. Fjölgun varð á öllum landsvæðumHlutfallslega varð aukningin mest á samanlögðu svæði Suðurnesja, Vesturlands og Vestfjarða þar sem gistinóttum fjölgaði um 22%.  Tölur fyrir þessi svæði eru lagðar saman og birtar í einu lagi vegna þess hve gististaðir á Suðurnesjum og Vestfjörðum eru fáir. Á Norðurlandi nam aukningin 10%, Suðurlandi 10%, Austurlandi 8% og á höfuðborgarsvæðinu 8%.  Fjölgun gistinátta á þessu tímabili má bæði rekja til Íslendinga (12%) og útlendinga (9%).   Hagstofan vekur athygli á að hér er átt við gistinætur á hótelum eingöngu, þ.e. hótelum sem opin eru allt árið.  Til þessa flokks gististaða teljast hvorki gistiheimili né hótel sem eingöngu eru opin yfir sumartímann. Tæp 6% fjölgun í ágústGistinætur á hótelum í ágúst síðastliðnum voru 162.900 en voru 154.100 í sama mánuði árið 2005, sem er 5,7% aukning.  Gistinóttum fjölgaði í öllum landshlutum.  Aukningin var hlutfallslega mest á Norðurlandi þar sem gistinætur fóru úr 14.400 í 17.800 milli ára, 23% aukning.  Á samanlögðu svæði Suðurnesja, Vesturlands og Vestfjarða fjölgaði gistinóttum um 17%, úr 16.000 í 18.600.  Á Suðurlandi fjölgaði gistinóttum úr 20.800 í 22.400, 7,5% aukning.  Á Austurlandi fjölgaði gistinóttum um 4%, úr 8.800 í 9.100.  Fjölgunin á höfuðborgarsvæðinu nam tæplega 1% og fóru gistinæturnar úr 94.200 í 95.000 milli ára. Fjölgun gistinátta á hótelum í ágúst árið 2006 má bæði rekja til Íslendinga (23%) og útlendinga (4%). Gistirými á hótelum í ágústmánuði jókst milli ára.  Fjöldi herbergja fór úr 3.773 í 3.953, 5% aukning og fjöldi rúma úr 7.627 í 8.032, 5% aukning.  Fjöldi hótela er sá sami milli ára, 75. Talanaefni á vef Hagstofunnar  
Lesa meira

Farþegum um Keflavíkurflugvöll fjölgar áfram

Í september síðastliðnum fóru rúmlega 180 þúsund farþegar um Keflavíkurflugvöll, samkvæmt tölum frá flugvellinum, samanborið við tæplega 165 þúsund í september í fyrra. Fjölgunin nemur 9,4%. Fjölgunin í september er í takt við þróun farþegafjölda fyrir árið í heild en frá áramótum hefur farþegum fjölgað um 10,21%. Tölurnar eru greindar niður eftir því hvort farþegar eru á leið til landsins, frá landinu eða hvort um áfram- og skiptifarþega (transit) er að ræða. Nokkur fækkun  (9,5%) er í hópi ?transit-farþega? á meðan farþegum á leið til og frá landinu fjölgar um 14,3%, þannig að heildarfjölgunin það sem af er ári er 10,21%, sem fyrr segir. Nánari skiptingu má sjá í meðfylgjandi töflu.   Sept.06. YTD Sept. 05. YTD Mán. % breyting YTD % Breyting Héðan: 78.197 688.420 71.675 602.072 9,10% 14,34% Hingað: 72.644 684.541 65.180 599.193 11,45% 14,24% Áfram: 4.339 25.305 1.605 10.627 170,34% 138,12% Skipti. 25.221 200.877 26.443 239.102 -4,62% -15,99%   180.401 1.599.143 164.903 1.450.994 9,40% 10,21%  
Lesa meira

Nýsköpunarverðlaun SAF - óskað eftir ábendingum

Nýsköpunarverðlauna Samtaka ferðaþjónustunnar verða veitt í nóvember í tengslum við afmæli SAF.  Hafa samtökin nú óskað eftir ábendingum um verðuga verðlaunahafa, að því er fram kemur í nýjasta fréttabréfi SAF. Verðlaunin eru ætluð til að hvetja fyrirtæki innan SAF til nýsköpunar og vöruþróunar með því að veita verðlaun/viðurkenningar fyrir athyglisverðar nýjungar. Kveðið er á um að heimilt sé að veita verðlaun vegna nýsköpunar allt að 300.000 kr. fyrir hvert verkefni og að veita viðurkenningar fyrir vöruþróun sem stjórn sjóðsins telur að muni styrkja ferðaþjónustuna. Stjórn sjóðsins skipa Jón Karl Ólafsson, formaður SAF, Hrönn Greipsdóttir skipaður fulltrúi SAF, og Edward H. Huijebens fulltrúi Ferðamálaseturs Íslands.  Vinsamlega sendið ábendingar til skrifstofu SAF fyrir 12. október nk. að Borgartúni 35, Reykjavík og merkið þær sjóðnum eða sendið á tölvupósti á info@saf.is
Lesa meira

Boðuð skráning Icelandair á hlutabréfamarkað fyrir áramót

Stefnt er að því að skrá Icelandair Group á hlutabréfamarkað fyrir áramót. Icelandair Group er eignarhaldsfélag með 12 sjálfstæðum rekstrarfélögum í flugrekstri og ferðaþjónustu sem til saman eru þau umsvifamestu í ferðaþjónustu hérlendis. Rekstri félagsins er skipt í 3 meginsvið; Áætlunarflug millilanda, leiguflug á erlendum mörkuðum og ferðaþjónustu á Íslandi. FL Group og Glitnir hafa nú gert með sér samkomulag um að Glitnir muni, að undangenginni hefðbundinni áreiðanleikakönnun, sölutryggja 51% hlut í Icelandair Group. Í tilkynningu til Kauphallar Íslands kemur fram að starfsmenn félagsins eru 2.700 og velta félagsins á þessu ári er áætluð 54 milljarðar íslenskra króna.  
Lesa meira

Aukin umferð um Evrópuvefinn

Umferð hefur stöðugt verið að aukast um nýja Evrópuvefinn visiteurope.com sem opnaður var í mars á þessu ári. Heimsóknatölur sýna einnig að Ísland má vel una við sinn hluta í umferðinni. Erum við að fá fleiri gesti en margar mun fjölmennari þjóðir og erum um miðjan hóp þeirra 34 Evrópuríkja sem standa að vefnum. Vefurinn inniheldur annars vegar síður þar sem fjallað er um Evrópu almennt og hins vegar er um að ræða síður einstakra landa. Hvert og eitt land ber ábyrgð á að koma upplýsingum inn á sinn hluta vefsins og er nokkuð misjafnt hversu vel lönd hafa staðið sig í þeim efnum. Sé eingöngu skoðuð umferð um síður einstakra landa eru álíka margir að skoða síður Íslands og hinna Norðurlandanna. Vart þarf að koma á óvart að risar á sviði ferðaþjónustu eins og Spánn, Ítalía, Austurríki og Þýskaland fá mesta umferð. Evrópuvefurinn er eins og fram hefur komið einkum hugsaður fyrir fjærmarkaði og fyrstu útgáfur hans voru gerðar fyrir Norður- og Suður-Ameríku. Fyrir nokkrum dögum var fleiri útgáfum bætt við, m.a. alþjóðlegri útgáfu á ensku. Af hálfu Ferðamálaráðs Evrópu, sem stýrir verkefninu, hefur á síðustu vikum verið ráðist í ýmsar aðgerðir til að auka útbreiðslu og umferð um vefinn. Meðal annars hefur verið í gangi átak í að bæta stöðu hans á leitarvélum, sem þegar hefur skilað góðum árangri. Sterkasta markaðs- og kynningartækið á fjærmörkuðumÍsland hefur verið aðili að Ferðamálaráði Evrópu í um 40 ár og ber ekki sérstakan kostnað af nýja vefnum umfram það vinnuframlag sem flest í vinnslu og innsetningu efnis sem viðkemur Íslandi, auk þýðingavinnu. Við njótum hins vegar til jafns við aðra góðs af því markaðs- og kynningarstarfi sem Ferðamálaráð Evrópu sinnir vegna verkefnisins. Af hálfu Ferðamálastofu verður á næstu mánuðum haldið áfram að þróa íslenska hluta vefsins, bæði hvað varðar virkni og innihald. ?Vefurinn er í reynd sterkasta kynningar- og markaðstæki Íslands á fjærmörkuðum enda sýna tölur að um 600 þúsund gestir komu í heimsókn á vefinn fyrstu 6 mánuðina og skoðuðu rúmlega 5 milljónir síðna,? segir Magnús Oddsson ferðamálastjóri. Skoða Evrópuvefinn  
Lesa meira