Fréttir

Skýrsla um þolmörk ferðamennsku á Lónsöræfum

Nú er komin hér inn á vefinn skýrsla um þolmörk ferðamennsku í friðlandi á Lónsöræfum. Hún var eins og fram hefur komið kynnt á málþingi á Höfn í Hornafirði fyrir skömmu. Önnur skýrslan af fimmSkýrslan er afrakstur rannsókna sem Ferðmálaráð í samstarfi við Háskólann á Akureyri og Háskóla Íslands lét gera á þolmörkum ferðamennsku á Lónsöræfum og fjórum öðrum vinsælum ferðamannastöðum. Áður var komin út skýrsla fyrir Skaftafell, sem einnig er aðgengileg hér á vefnum, og verið er að vinna rannsóknaskýrslur fyrir hina staðina þrjá, þ.e. Landmannalaugar, Mývatnssveit og þjóðgarðinn í Jökulsárgljúfrum. Mikið ritSkýrslan fyrir Lónöræfi er mikið rit, samtals tæpar 200 blaðsíður, prýdd fjölda ljósmynda, korta og myndrita. Vegna stærðarinnar reyndist nauðsynlegt að skipta skýrslunni í 4 hluta þannig að birting á vefnum væri möguleg. Skýrsluna er að finna undir liðnum Útgáfa>Kannanir/skýrslur  
Lesa meira

Sólheimar vekja athygli erlendis

Nýlega var fjallað um Sólheima í Grímsnesi í tveimur tímaritum, öðru bandarísku og hinu bresku, sem fjalla um umhverfismál og sjálfbæra þróun. Þar kemur fram að Sólheimar eru taldir eitt besta dæmið í veröldinni um sjálfbært byggðahverfi. Besta dæmið um sjálfbært samfélag í veröldinniÍ frétt á heimasíðu Sólheima er sagt frá því að Bandaríska tímaritið Communities, sem dreift er í Bandaríkjunum og Canada, birti nýverið ítarlegan greinaflokk um sjálfbær samfélög og Eco-villages. Í tímaritinu er birt ítarleg grein um Sólheima, þar sem fram kemur m.a. að Sólheimar séu elsta Eco-villages í heimi og sennilega besta dæmið um sjálfbært samfélag í veröldinni. Telur blaðið að í heiminum séu um 15 þúsund byggðir sem leggi áherslu á sjálfbæra þróun. Sönnun þess að sjálfbær þróun er mögulegFyrir nokkru birti breska tímaritið Ecologist, útbreiddasta umhverfisrit Bretlands, ítarlegan greinaflokk um sjálfbæra þróun. Í opnu þess blaðs er birt heimskort, þar sem tilgreindar eru 13 byggðir, þar af aðeins sex í Evrópu, sem sannað hafa það með starfi sínu að gera sjálfbæra þróun að veruleika. Þar eru Sólheimar nefndir sérstaklega sem ein byggð af sex í Evrópu, sem sönnun þess að sjálfbær þróun er möguleg.  
Lesa meira

SMS-ferðaleikurinn mælist vel fyrir

SMS-ferðaleikur Ferðamálaráðs, Shellstöðvanna og Símans, sem kallast "Á puttanum", er nú í fullum gangi. Þeir sem taka þátt eiga þess kost að hreppa ýmsa góða vinninga sem dregnir eru út í hverri viku. Hver upplýsingamiðstöð með sitt númerHugmyndin með leiknum er að hvetja Íslendinga á ferð um landið til að heimsækja upplýsingamiðstöðvar ferðamanna, þjónustumiðstöðvar Símans og Shellstöðvar um land allt og afla sér upplýsinga um landið. Leikurinn gengur þannig fyrir sig að hver upplýsingamiðstöð hefur sitt ferðanúmer og þetta númer geta gestir sent með SMS í símanúmerið 1900. Þar með fara þeir í verðlaunapott með glæsilegum vinningum. Eftir því sem fleiri miðstöðvar eru heimsóttar og fleiri ferðanúmer send inn aukast líkur á vinningi en hvert SMS-skeiti kostar 29,90 krónur. Veglegir vinningarÍ hverri viku til 30. ágúst verða dregnir út eigulegir vinningar, m.a. GSM-símar, GSM-sumarkort, eldsneytisávísanir og gasgrill. Dregið verður úr sérstökum lokapotti þann 5. september um ævintýralega jeppa-hálendisferð með Hálendingum, hvalaskoðunarferð með Sæferðum, GSM-síma og gasgrill. Nöfn vinningshafa eru birt á heimasíðu Skeljungs. Leikurinn hefur mælst vel fyrir og þátttaka verið með ágætum.  
Lesa meira

Snæfellsnes - Green Globe verkefnið staðfest.

Hellnum - Þann 30. júní s.l. undirritaði Kristinn Jónasson bæjarstjóri Snæfellsbæjar, í umboði bæjarfélaganna fimm á Snæfellsnesi, Snæfellsbæjar, Grundarfjarðarbæjar, Stykkishólmsbæjar, Eyja- og Miklaholtshrepps og Helgafellssveitar, samning við Green Globe 21 um vottunarverkefni á Snæfellsnesi. Með undirritun þessa samnings er stigið enn eitt skref í átt að því að Snæfellsnesi fái fullnaðarvottun sem umhverfisvænum áfangastað sem starfar með sjálfbæra þróun í ferðaþjónustu að leiðarljósi. Reiknað er með að fyrsti vinnufundur innlendra og erlendra aðila, sem að verkefninu koma, verði haldinn í ágúst, en sumarfrí hamla því að hægt sé að halda hann fyrr. Reiknað er með því að undirbúnings- og úttektarferlið taki um 6-8 mánuði og því má gera ráð fyrir því að Snæfellsnes verði vottað sem umhverfisvænn áfangastaður á fyrri hluta næsta árs.  
Lesa meira

Ferðaverðlaun The Gardian /Observer vekja mikla athygli

Greinilegt er að val Íslands sem "Uppáhalds Evrópulandið" við afhendingu ferðaverðlauna bresku fjölmiðlana The Guardian og The Observer hefur vakið verðskuldaða athygli víða um heim. Fjölgun fyrirspurnaEins og fram hefur komið þykir afar eftirsótt að vinna til þessara verðlauna sem veitt hafa verið árlega undanfarin 17 ár. Verðlaunin byggja á áliti lesenda fjölmiðlanna þannig að það eru ferðamennirnir sjálfir sem eru að kveða upp dóm sinn byggðan á gæðum þeirrar þjónustu sem þeir fengu á ferðum sínum. Starfsfólk Ferðamálaráðs hefur orðið vart við aukinn áhuga á landinu og fjölgun fyrirspurna sem tengja má beint við verðlaunin. Sérstaklega á það við um fjölmiðla sem fjalla um ferðamál. Sem dæmi má nefna að The Observer er með Ísland á forsíðu Escape, sem er ferðaútgáfa blaðsins. Forsíðumyndin er af Bláa lóninu og á eftir fylgir opna með umfjöllun um landið. Verðlaunin voru eins og fram hefur komið afhent í Marrakesh í Marrókkó og var þar mikið um dýrðir. Meðfylgjandi mynd var tekin þegar Ársæll Harðarson, forstöðumaður markaðssviðs Ferðamálaráðs, tók við viðurkenningu Íslands í Marrakesh.  
Lesa meira

Ferðamálaráðstefnan 2003 verður í Mývatnssveit

Nú er komin dagsetning á hina árlegu ferðamálaráðstefnu Ferðamálaráðs Íslands. Hún verður að þessu sinni haldin í Mývatnssveit þann 16. október næstkomandi. Leitast við að ræða það sem efst er á baugiÁ ferðamálaráðstefnum er kafað ofan í ýmis mál sem skipta miklu fyrir íslenska ferðaþjónustu og leitast við að ræða það sem efst er á baugi í umræðunni í það og það skiptið. Dagskráin og nánari staðsetning verður nánar auglýst síðar en þess má þó geta undanfarin ár hafa umhverfisverðlaun Ferðamálaráðs verið afhent í tengslum við ráðstefnuna. Opin áhugafólki og hagsmunaaðilum í ferðaþjónustuRáðstefnan í Mývatnssveit verður sú 33. í röðinni en síðasta ferðamálaráðstefnan var haldin á Stykkishólmi 17. og 18. október síðastliðinn. Hún var jafnframt sú ein fjölmennasta sem haldin hefur verið til þessa en hana sóttu rúmlega 200 manns hvaðanæva af landinu. Má búast við að gestir verði ekki færri í ár enda er hér kjörinn vettvangur fyrir ferðaþjónustuaðila til að hittast og stilla saman strengi sína. Ráðstefnan er opin áhugafólki og hagsmunaaðilum í ferðaþjónustu af öllu landinu og mikilvægi hennar fyrir ferðaþjónustuna lýsir sér á fleiri en einn hátt. Auk þess að taka fyrir tiltekin málefni er ekki síður mikilvægt að hafa þetta tækifæri til að stefna aðilum í ferðaþjónustu saman til skrafs og ráðagerða. Ráðstefnan er jafnan haldin utan suðvesturhornsins og hafa heimamenn í hvert sinn jafnframt getað notað tækifærið til að kynna svæði sitt. Ýmis mál verið ræddÁ undangengnum ferðamálaráðstefnum hafa fjölmörg mál verið tekin til umræðu. Meginefnið síðast var skýrslan "Auðlindin Ísland" og einnig voru málefni upplýsingamiðstöðva rædd. Af öðrum umræðuefnum á síðustu árum má nefna menningartengda ferðaþjónustu, tækifæri landsbyggðar í ferðaþjónustu, rannsóknir, vöruþróun og arðsemi í ferðaþjónustu, markaðsmál, gæðamál, ferðaþjónustu utan háannar, fárfestingar í ferðaþjónustu og umhverfismál. Hvert umræðuefnið verður í Mývatnssveit skýrist seinna í sumar.  
Lesa meira

Ferðamönnum fjölgaði um 5% í júní

Tæplega 5% aukning varð á komum erlendra ferðamanna í júní sl. miðað við sama mánuð í fyrra. Ferðamönnum fjölgaði frá öllum helstu markaðssvæðum landsins sem hljóta að teljast gleðitíðindi. Að sögn Ársæls Harðarsonar, forstöðumanns markaðssviðs Ferðamálaráðs er áframhaldandi vöxtur ferðamanna frá Bretlandi. Ennfremur er þetta fyrsti mánuðurinn í ár þar sem vöxtur er frá Bandaríkjunum, sem er mjög ánægjulegt og verður vonandi viðvarandi. Af einstökum þjóðum komu flestir ferðamenn frá Bandaríkjunum í júní. Markaðsvinnan að skila sérÞýskaland hefur sótt í sig veðrið og er nú komið í mikla aukningu eftir samdrátt í vor. Þaðan komu nú næst flestir ferðamenn í júní. Auk þessa er athyglisvert að lítils háttar samdráttur er frá Norðurlöndunum samanlagt en Danmörk sker sig úr með góða aukningu í júní. Þá er góð aukning frá Frakklandi og Spáni. Ársæll segir að markaðsvinnan sé að skila sér á helstu markaðssvæðum og vonandi haldi það áfram út sumarið þótt of snemmt sé að segja til um hvernig sumarið komi út í heild sinni. Nánari skiptingu ferðamanna í júní má sjá í meðfylgjandi töflu   Júní 2002 Júní 2003 Breyting % breyting Bandaríkin 3.635 5.752 117 2% Bretland 3.600 4.647 1.047 29% Danmörk 2.249 2.851 602 27% Finnland 842 625 -217 -26% Frakkland 4.870 4.800 70 1,5% Holland 1.965 1.773 192 10,8% Ítalía 1.939 1.725 214 12,4% Japan 526 504 22 4,4% Kanada 281 265 16 6,0% Noregur 2.573 2.438 135 5,5% Spánn 1.006 810 196 24,2% Sviss 2.095 1.884 211 11,2% Svíþjóð 2.739 2.629 110 4,2% Þýskaland 9.576 7.652 1.924 25,1% Önnur þjóðerni 6.216 5.334 882 16,5% Samtals 52.607 46.015 6.592 14,3%           Ísland 35.032 26.846 8.186 30,5%           Heimild: Ferðamálaráð Íslands, brottfarir erlendra farþega.  
Lesa meira

Aukinn áhugi en jafnframt meiri væntingar

Almannatengslafyrirtækið CiB pr, sem Ferðamálaráðs Íslands skiptir við í Bretlandi, býður árlega viðskiptavinum sínum og blaðamönnum til móttöku, svokallað "Press Night". Móttakan var að þessu sinni haldin sl. þriðjudagskvöld og segir Sigrún Hlín Sigurðardóttir, markaðsfulltrúi Ferðamálaráðs á Bretlandsmarkaði, greinilegt á öllu að Ísland vekur stöðugt meiri athygli þar um slóðir. Ísland færst ofar í virðingarstiganumMóttakan, sem haldin var í Simpson house á Piccadilly, var mjög vel heppnuð. Þangað mættu 65 blaðamenn, þar á meðal margir svokallaðir "travel editors" frá stóru fjölmiðlunum sem gera ferðamálum sérstök skil. Þetta segir Sigrún ótvírætt merki þess að Ísland sé að færast ofar í virðingarstiganum hjá þessum fjölmiðlum, ef svo má að orði komast. Skapar meiri væntingar til landsins"Það er greinilegt að the Guardian Travel Award verðlaunin sem við hlutum á dögunum hafa ekki farið fram hjá neinum sem fylgist með því sem er að gerast í ferðageiranum. Jafnframt er ljóst að í kjölfarið verða væntingarnar til landsins meiri. Það voru fjölmargir sem lýstu áhuga sínum á að koma til landsins í náinni framtíð. Eitt vakti einnig athygli mína en það var nokkur umræða um hvað við erum að gera í vistvænni orku og fólk vildi vita meira um ökutækin knúin henni sem eru komin í gagnið. Enginn minntist hins vegar á hvort við ætluðum að hefja hvalveiðar á nýjan leik. Stóra spurningin eins og alltaf hjá fjölmiðlafólki er "what's new in Iceland" og nú verðum við sem aldrei fyrr að gæta þess að standa undir þeim væntingum sem til okkar eru gerðar," segir Sigrún. Við þetta má svo bæta að tölur um fjölda ferðamanna hingað til lands sýna verulega fjölgun frá Bretlandi.  
Lesa meira

Allir fjallvegir opnir

Vegagerðin hefur gefið út síðasta kort sumarsins um ástand fjallvega og samkvæmt því eru nú allir fjallvegir opnir. Aðeins lítið svæði á Arnavatnsheiði er enn merkt lokað. Að jafnaði hafa síðustu fallvegir undanfarin ár verið að opnast þegar u.þ.b. vika er liðin af júlí þannig að í ár er hálendið orðið aðgengilegt með fyrra fallinu. Skoða kort um ástand fjallvega  
Lesa meira

Fyrsti fundur hjá nýju Ferðamálaráði

Nýtt Ferðamálaráð kom saman til síns fyrsta fundar í dag en samkvæmt lögum er ráðið skipað til fjögurra ára í senn. Nokkrar mannabreytingar urðu á ráðinu en formaður þess er sem fyrr Einar Kr. Guðfinnsson, Alþingismaður. Samkvæmt lögum sitja 7 fulltrúar í ráðinu, 2 skipaðir beint af samgönguráðherra, 2 af Samtökum ferðaþjónustunnar, af Sambandi íslenskra sveitafélaga og 1 frá Ferðamálasamtökum Íslands, samkvæmt tilnefningu. Ráðið er nú þannig skipað. Aðalmenn:Einar Kr. Guðfinnsson, formaður, Ísólfur Gylfi Pálmason, varaformaður, báðir skipaðir af ráðherra. Fulltrúar Sambands íslenskra sveitarfélaga eru Kristján Þór Júlíusson, bæjarstjóri á Akureyri og Dagur B. Eggertsson, borgarfulltrúi. Fyrir hönd Samtaka ferðaþjónustunnar sitja íráðinu þeir Steinn Lárusson frá Icelandair og Hlynur Jónsson frá KEA Hótelum/Greifanum. Pétur Rafnsson er fulltrúi Ferðamálasamtaka Íslands Varamenn:Felix BergssonSamband íslenskra sveitarfélaga Gunnar SigurðssonSamband íslenskra sveitarfélaga Anna G. SverrisdóttirSamtök ferðaþjónustunnar Steingrímur BirgissonSamtök ferðaþjónustunnar Ásmundur GíslasonFerðamálasamtök Íslands Eftir er að skipa varamenn formanns og varaformanns.  
Lesa meira