Fréttir

Fyrstu skýrslur um gerð þjóðhagslíkans fyrir ferðaþjónustuna

Ferðamálastofa réð sl. haust fyrirtækið Hagrannsóknir sf. til að gera þjóðhagslíkan fyrir ferðaþjónustuna og sem tengja má við þjóðhagslíkön hins opinbera. Í fyrstu niðurstöðum kemur fram að heppilegast sé að þróa fyrst svokallað CGE ferðageiralíkan fyrir Ísland.
Lesa meira

14.400 brottfarir erlendra farþega í maí

Brottfarir erlendra farþega frá landinu um Keflavíkurflugvöll voru 14.400 í nýliðnum maímánuði samkvæmt talningu Ferðamálastofu og Isavia, eða fjórtán sinnum fleiri en í maí 2020, þegar brottfarir voru um eitt þúsund. Frá áramótum hafa tæplega 32 þúsund erlendir farþegar farið frá Íslandi sem er 90,4% fækkun miðað við sama tímabil í fyrra en þá voru brottfarir erlendra farþega tæplega 336 þúsund.
Lesa meira

Uppfærð merkingahandbók og handbók um náttúrustíga

Fyrir skömmu var opnuð vefsíðan godar­leidir.is en hún er hugsuð sem upphafs­staður fyrir alla þá sem með einum eða öðrum hætti vinna að innviða­hönnun ferða­mannastaða eða huga að fram­kvæmdum á þeim.
Lesa meira

Upptaka af kynningarfundi um val á þjóðhagslíkani fyrir ferðaþjónustuna

Í byrjun vikunnar kynnti Ferðamálastofa fyrsta áfanga í vinnu við vali á þjóðhagslíkani fyrir Ferðaþjónustuna. Um er að ræða fyrsta hlutann af þriggja ára verkefni á vegum Ferðamálastofu.
Lesa meira

Kallað eftir ábendingum vegna endurskoðunar gæða- og umhverfisviðmiða Vakans

Endurskoðun gæða- og umhverfisviðmiða Vakans, fyrir ferðaþjónustu aðra en gistingu, hefur staðið yfir á árinu og mun ný útgáfa taka gildi um næstu áramót. Drög að nýjum viðmiðum liggja fyrir og er fólk hvatt til að kynna sér þau og senda inn ábendingar.
Lesa meira

Íslendingar ætla að ferðast innanlands í sumar en utanlandsferðir fara hægt af stað

Um níu af hverjum tíu landsmönnum ætla í ferðalag innanlands í sumar (júní-ágúst) þar sem gist er eina nótt eða lengur samkvæmt nýrri könnun Ferðamálastofu og ætlar tæplega helmingur að gista á hóteli. Þrátt fyrir að stór hluti landsmanna hafi fengið bólusetningu að einhverju eða öllu leyti þá virðist það ekki hafa breytt afstöðu manna til utanlandsferða frá því sem var í upphafi árs.
Lesa meira

Skráning á Iceland Travel Tec - Spennandi fyrirlestrar um fjölbreytt málefni

Iceland Travel Tech - Nordic Edition fer fram 3. júní, frá kl.13-16, bæði rafrænt og í raunheimum. Ferðamálastofa og Íslenski Ferðaklasinn hafa fengið til liðs við sig frábæra fyrirlesara sem munu fjalla um allt frá notkun Tik Tok í markaðsstarfi til bálkakeðja og hvernig þær geta aukið traust ferðamanna til áfangastaða.
Lesa meira

Mismunandi spáaðferðir bestar eftir tíðni og lengd spáa

Síðastliðið haust samdi Ferðamálastofa við ráðgjafarfyrirtækið Intellecon ehf. um að þróa spálíkön fyrir ferðaþjónustu hér á landi. Fyrstu afurðum verkefnisins hefur nú verið skilað og voru kynntar á opnum fundi í liðinni viku.
Lesa meira

Er hugmyndin um sveiflukennda íslenska ferðaþjónustu orðin mýta?

Verulega hefur dregið úr árstíðasveiflu í íslenskri ferðaþjónustu síðasta áratug. Ísland hefur á sama tíma farið frá því að vera það Norðurlandanna sem er með mesta árstíðasveiflu, til þess að vera það næststöðugasta. Þá er árstíðasveiflan hér á líku róli og í mörgum Evrópulöndum sem við berum okkur gjarnan saman við. Má í raun segja að hugmyndin um hina sveiflukenndu íslensku ferðaþjónustu sé nú orðin mýta, a.m.k. í samanburði við næstu þjóðir.
Lesa meira

Hádegisfyrirlestur - Spágerð og árstíðasveifur í ferðaþjónustu

Ferðamálastofa tekur nú upp þráðinn í fyrirlestraröð sinni um áhugaverð rannsóknarefni í ferðaþjónustu. Fyrstu hádegisfyrirlestrarnir þetta vorið verða haldnir fimmtudaginn 20. maí, kl. 12:10-13:30. Létt snarl og drykkir verða á boðstólum frá 11.30. Vegna sóttvarna þurfa þeir sem koma á staðinn að forskrá sig á viðburðinn og hámark er 50 manns. Kynningunni verður einnig streymt beint um netið og hún gerð aðgengileg síðar á vefsíðu Ferðamálastofu.
Lesa meira