Fréttir

Árið 2013 greiddu erlendir ferðamenn 78,4 milljarða kr. með greiðslukortum og jókst heildarkortaveltan um 24,4% frá árinu áður. Þetta kemur fram í tölum sem Rannsóknasetur verslunarinnar birti í dag.

Við minnum á að um helgina rennur út frestur vegna tilnefninga til Umhverfisverðlauna fyrir árið 2013. Verðlaunin hafa verið veitt árlega frá árinu 1995 og er tilgangur þeirra að beina athyglinni að þeim ferðamannastöðum eða aðilum sem sinna umhverfismálum í starfi sínu og framtíðarskipulagi.

Bókin Ferðamál á Íslandi eftir þá Edward H. Huijbens, forstöðumann Rannsóknamiðstöðvar ferðamála og Gunnar Þ. Jóhannesson, lektor í ferðamálafræði við Háskóla Íslands er ein 10 bóka tilnefnd til Viðurkenningar Hagþenkis fyrir árið 2013.

Frá 4. febrúar næstkomandi verður gestastofa Þjóðgarðsins Snæfellsjökuls opin alla virka daga en lokuð um helgar. Hingað til hefur gestastofan aðeins verið opin frá 20. maí til 10. september.

Samtök ferðaþjónustunnar mótmæla boðuðum niðurskurði Umhverfisstofnunar í landvörslu. Þetta kemur fram í tilkynningu frá samtökunum.

Ferðamenn sækjast í æ ríkari mæli eftir því að upplifa sérstæðan staðaranda; eitthvað ekta. Staðarandi felst í einstöku samspili náttúru, auðlinda, menningar og hefða og getur verið forsenda aðdráttarafls einstakra svæða og staða.

Umsóknarfrestur um styrki til hönnunar og framkvæmda á ferðamannastöðum úr Framkvæmdasjóði ferðamannastaða rann út 22. janúar síðastliðinn.

Í dag gengust markaðsstofur landshlutanna fyrir viðburðinum Mannamót 2014. Tilgangurinn var að kynna ferðaþjónustufyrirtæki á landsbyggðinni fyrir ferðaþjónustuaðilum, ferðaskrifstofum og ferðaskipuleggjendum á höfuðborgarsvæðinu.

Ólöf Ýrr Atladóttir ferðamálastjóri var í viðtali í morgunútvarpi Rásar 2 í morgun og var þar víða komið við á vettvangi ferðaþjónustunnar.

Opnað hefur verið fyrir styrkumsóknir frá NATA, samstarfssamningi Íslands, Færeyja og Grænlands á sviði ferðamála. Sótt er um á vef NATA á rafrænum eyðublöðum sem þar eru og er umsóknarfrestur til 20. febrúar 2014.