Bókin Ferðamál á Íslandi tilnefnd til verðlauna

Bókin Ferðamál á Íslandi eftir þá Edward H. Huijbens, forstöðumann Rannsóknamiðstöðvar ferðamála og Gunnar Þ. Jóhannesson, lektor í ferðamálafræði við Háskóla Íslands er ein 10 bóka tilnefnd til Viðurkenningar Hagþenkis fyrir árið 2013.

Viðurkenning fyrir ramúrskarandi fræði- eða kennslurit

Hagþenkir, félag höfunda fræðirita og kennslugagna, veitir árlega viðurkenningu til framúrskarandi fræði- eða kennslurits. Viðurkenningin telst til virtustu og veglegustu verðlauna sem höfundum fræðilegra rita fyrir skóla og almenning hér á landi getur hlotnast og nemur verðlaunaupphæðin einni miljón króna.

Viðurkenningaráð, skipað fimm félagsmönnum af ólíkum fræðasviðum til tveggja ára í senn, stendur að valinu. Það skipa: Auður Aðalsteinsdóttir bókmenntafræðingur, Bjarni Ólafsson íslenskufræðingur, Íris Ellenberger sagnfræðingur, Sigmundur Einarsson jarðfræðingur og Þorbjörn Broddason félagsfræðingur.

Tímabært undirstöðurit

Í umsögn ráðsins um Ferðamál á Íslandi segir: Tímabært undirstöðurit um ferðamál og þarft innlegg í umræðu um einn af helstu atvinnuvegum þjóðarinnar.

Önnur verk sem tilnefnd voru er hægt að sjá á vef Hagþenkis


Athugasemdir