Fréttir

Bílaleiga Akureyrar- Höldur fékk í dag umhverfisverðlaun Ferðamálastofu fyrir árið 2013. Ragnheiður Elín Árnadóttir, ráðherra ferðamála, afhenti verðlaunin í lok fjölsótts málþings um sjálfbærni, á Hótel Natura.

Í dag kom kom út ferðaþjónustugreining Hagfræðideildar Landsbankans og var kynnt á fjölsóttum fundi í Hörpu. Er þetta þriðja árið í röð sem Landbankinn gefur út greiningu sem þessa.

Vatnajökulsþjóðgarður, Norðurþing, Landvernd, Umhverfis- og auðlindaráðuneytið, Atvinnuþróunarfélag Þingeyinga og Ferðamálstofa efna til málþings á Fosshótel Húsavík 3. apríl í tilefni af því að meira en 40 ár eru liðin síðan þjóðgarður var stofnaður í Jökulsárgljúfrum 1973.

Árlegum fundi rannsóknahóps Ferðamálaráðs Evrópu (ETC-Market Intelligence Group) lauk í Reykjavík um liðna helgi. Fundinn sóttu sérfræðingar frá 16 Evróplöndum, auk nokkurra boðsgesta og alþjóðlegra fyrirlesara. Ferðamálastofa sá um skipulagningu fundarins í samvinnu við ETC.

Vegna hækkandi sólar og lofthita eru veggir og loft íshella í skriðjöklum Vatnajökuls að veikjast. Ávallt ber að sýna fyllstu aðgát við íshella og ekki skal fara inn í þá nema að vel athuguðu máli, segir í tilkynningu frá Vatnajökulsþjóðgarði.

Ferðamálastofa lýsir yfir fullum stuðningi við vinnu sem nú er í gangi við útfærslu svokallaðs náttúrupassa að frumkvæði Ragnheiðar Elínar Árnadóttur, ráðherra ferðamála.

Næstu fjarnámskeið um VAKANN verða haldin mánudaginn 17 mars. Um er að ræða þrjú námskeið; almenn innleiðing á VAKANUM, gerð öryggisáætlana og umhverfiskerfi VAKANS.

Einn stærsti styrkur Framkvæmdasjóðs ferðamannastaða í fyrra, 20 milljónir króna, var til sveitarfélagsins Bláskógabyggðar til að halda mætti hönnunarsamkeppni um Geysissvæðið. Niðurstöður dómnefndar liggja nú fyrir.

Út er komin skýrsla þar sem birtar eru niðurstöður kannana á viðhorfi ferðamanna á miðhálendi Íslands. Um er að ræða hluta af verkefninu „Áætlun um ferðamennsku á miðhálendi Íslands“.

Framkvæmdasjóður ferðamannastaða styrkti í fyrra samkeppni um nýtt kennileiti fyrir heimskautsbauginn í Grímsey. Niðurstaða dómnefndar var kynnt í dag.