Fréttir

Vert er að vekja athygli á flokknum ?Talnaefni? hér á vefnum. Efni í honum hefur nú verið endurnýjað að miklu leyti, útlit samræmt og er mun aðgengilegra en áður var. Meðal annars er komin inn á vefinn fróðlegar samantektir unnar upp úr tölum um talningu ferðamanna. Það er sem kunnugt er Ferðamálastofa sem annast talningu ferðamanna sem fara um Leifsstöð. Einnig er nýtt á vefnum samantektir sem unnar eru uppúr talnagrunni Hagstofunnar um gistinætur árin 1998-2004. Oddný Þóra Óladóttir, verkefnisstjóri hjá Ferðamálastofu, vann samantektirnar. Þá má einnig benda á liðinn ?Tengiliðir? þar sem finna má tengingar á vefsíður með tölfræðiupplýsingum um ferðamál, bæði á Íslandi og erlendis.

Nýr forstöðumaður skrifstofu Ferðamálastofu í Frankfurt í Þýskalandi, Davíð Jóhannsson, hóf störf í dag. Davíð, sem er 41 árs gamall rekstrarhagfræðingur, býr að mikilli reynslu í ferðaþjónustu og starfaði síðast sem framkvæmdastjóri ITD Island Tours í Frankfurt. Starfssvið skrifstofu Ferðamálastofu í Frankfurt nær yfir meginland Evrópu auk þess að frá áramótum hefur skrifstofan yfirumsjón með markaðsverkefninu Iceland Naturally í Evrópu, en það verkefni nær einnig yfir Bretland. Fráfarandi forstöðumaður er Haukur Birgisson sem verið hefur forstöðumaður skrifstofunnar síðastliðin. fimm ár. Haukur mun starfa við hlið Davíðs til 1. apríl. Fjórir starfsmenn eru á skrifstofu Ferðamálastofu í Frankfurt. Mynd: Davíð Jóhannsson, forstöðumaður skrifstofu Ferðamálastofu í Frankfurt; Haukur Birgisson, fráfarandi forstöðumaður og Ársæll Harðarson, forstöðumaður markaðssviðs Ferðamálastofu.  

Samtök ferðaþjónustunnar boða til upplýsinga- og umræðufundar um samspil ferðaþjónustu og virkjana 23. mars nk. kl. 13:00 ? 17:00 á Grand Hótel Reykjavík (Gullteig). Samgönguráðherra setur fundinn og fjölmargir fyrirlesarar tala. Iðnaðarráðherra fjallar m.a. um hvort fyrirhugaðar virkjanaframkvæmdir séu í samræmi við rammaáætlun ríkisstjórnarinnar og umhverfisráðherra ræðir afstöðu sína til samspils nýtingar og náttúruverndar. Vinsamlegast tilkynnið þátttöku til SAF í info@saf.is  Sjá dagskrá fundarins hér

Alls bárust Ferðamálastofu 158 umsóknir um styrki til úrbóta á ferðamannastöðum á yfirstandandi ári en auglýst var eftir umsóknum um styrki í byrjun janúar síðastliðinn. Umsóknirnar voru afgreiddar af Ferðamálastofu og hlutu 57 verkefni styrk að þessu sinni. Til úthlutunar voru um 40 milljónir króna sem skiptist í þrjá flokka en sótt var um samtals 209.638.250 krónur. Minni verkefniÍ flokknum minni verkefni gátu styrkir að hámarki numið 500 þúsund krónum þar sem sérstök áhersla var lögð á uppbyggingu gönguleiða og eingöngu til efniskaupa. Alls bárust 105 umsóknir en 44 aðilar fengu styrk, samtals að upphæð 11.870.000. Af því leiðir að mörgum verðugum verkefnum varð að hafna að þessu sinni. Þetta er sama reynsla og fengist hefur á undangengnum árum þar sem fjárhæð umsókna hefur verið margföld sú upphæð sem verið hefur til ráðstöfunar. Stærri verkefni á fjölsóttum ferðamannastöðumÍ flokkinn stærri verkefni á fjölsóttum ferðamannastöðum bárust 18 umsóknir og hlutu 6 verkefni styrk, samtals að upphæð 11.475.000 krónur. Hér er um það að ræða að umsækjendur stýra framkvæmdum sjálfir og svæðin verða í umsjón eða eigu styrkþega eftir að framkvæmdum lýkur. Uppbygging á nýjum svæðumÍ þriðja flokkinn, uppbygging á nýjum svæðum, bárust 35 umsóknir. Úthlutað var 14.350.000 krónum sem skiptast á 7 verkefni. Náttúran í forgangiTil viðmunar við úthlutun er stuðst við reglur um forgangsröðun styrkja sem fylgt hefur verið síðustu ár, mikilvægi verkefna er vegið eftir því hver áhrif framkvæmdarinnar eru á náttúru og umhverfi, í meginatriðum er flokkunin eftirfarandi:  Náttúruvernd Upplýsingar, og öryggismál Áningarstaðir Annað Verkefni sem stuðla að náttúruvernd eru því forgangsverkefni. Einnig er reynt að fylgja eftir þeim opinberu markmiðum að uppbygging ferðaþjónustunnar stuðli að sjálfbærri þróun í samfélaginu. Valur Þór Hilmarsson, umhverfisfulltrúi Ferðamálastofu, segir umsóknarferlið hafa gengið nokkuð vel fyrir sig í ár og greinilegt að undirbúningur verkefna batnar með hverju árinu, þó eru alltaf einhverjir sem kveikja á perunni ?korter fyrir? að umsóknarfrestur rennur út og henda inn ófullkomnum og lítt úthugsuðum hugmyndum. "Það er ljóst að mörg verðug verkefni verða að bíða að þessu sinni og vissulega er alltaf erfitt að geta ekki orðið við góðum umsóknum," segir Valur. Hér að neðan er listi yfir þá sem fengu úthlutað styrkjum í ár: Styrkir til minni verka             Sveitarfélag / svæði Verkefni Umsækjendur  Styrkir Allt landið Göngum um Ísland -upphafsmerkingar Ungmennafélag Íslands 500.000    Neskaupstaður Göngustígar í fólkvangi Neskaupstaðar Náttúrustofa Austurlands 200.000    Fljótsdalshreppur Merking gönguleiða í Fljótsdal Ferðamálanefnd Fljótsdalshrepps 200.000    Berufjörður - Reyðarfjörður Gönguleið milli fjarðanna Göngufélag Suðurfjarða 150.000    Fjarðarbyggð / Hólmanes Gönguleiðir um Hólmanes fólkvang Náttúrustofa Austurlands 100.000    Fljótsdalshérað Gönguleiðir í dreifbýli héraðsins Svf. Fljótsdalshérað 200.000    Svf. Hornafjöður Kortagerð við Vatnajökulsþjóðgarð -Mýrar Ferðamálafélag A-Skaftfellssýslu 500.000    Svf. Hornafjörður / Fláajökull Kortagerð við Fláajökul og víðar Ferðaþjónusta bænda Brunnhól og Hólmi 500.000    Svf. Hornafjörður / Haukafell Upphafsmerkingar á gönguleiðum um Mýrar Skógræktarfélag A - Skaftafellssýslu 40.000    Svf. Hornafjörður / Illikambur Fræðsluskilti og vegvísar á Lónsöræfum Helga Davids, Stafafelli 200.000    Svf. Hornafjörður / Suðursveit Gönguleiðir í Staðardal Björn Sigfússon 200.000    Dalvíkurbyggð / Tröllaskagi Göngukort á Tröllaskaga Dalvíkurbyggð 200.000    Húnaþing vestra / Gauksmýri Aðgengi fyrir alla - Gauksmýrartjörn Ferðam.fél. Vestur - Húnavatnssýslu 250.000    Húnaþing vestra / Hvítserk  Endurnýjun vatnslagana að WC Knútur A Óskarsson 150.000    A - Húnavatnssýsla / Skagi Gönguleiðir -Hafnir / Selvíkurtangi. Náttúruvernd Vignir Á Sveinsson 300.000    Norðausturland / EyÞing Gönguleiðakort af norðausturlandi nr. 1 Atvinnuþróunarfélag Þingeyinga 400.000    Norðausturland / EyÞing Gönguleiðakort af norðausturlandi nr. 2 Atvinnuþróunarfélag Þingeyinga 400.000    Norðausturland / EyÞing Gönguleiðakort af norðausturlandi nr. 6 Atvinnuþróunarfélag Þingeyinga 400.000    Siglufjörður Gönguleiðir í nágrenni Siglufjarðar Ferðafélag Siglufjarðar 100.000    Skagafjörður / Austurdalur Gönguleiðir um Austurdal FS. og Gangnam.f. Austurdals 250.000    Tröllaskagi  / Héðinsfjörður Gönguleiðir Ólafsfjörður / Héðinsfjörður Björgunarsveitin Tindur 100.000    Öxafjörður / Rauðinúpur Gönguleið á Rauðanúp Öxafjarðarhreppur 100.000    Fjallabak / Strútsfjall Göngubrú við skála við Strút Ferðafélagið Útivist 250.000    Rangárþing eystra / Stóra Mörk Gönguleiðir í Nauthúsagil Ragna Aðalbjörnsdóttir 200.000    Rangárþing eystra/ Dómadalsheiði Lagfæring á vörðum Rangárþing eystra 100.000    Rangárþing og Mýrdalur Göngustígar Rangárþing eystra + Mýrdalur 200.000    Rangárþing ytra / Hella (nágreni) Göngustígar útfrá Hellu frh. Rangárþing eystra 200.000    Skaftárhreppur  Gönguleiðabæklingar fyrir Skaftárhrepp Skaftárhreppur 500.000    Skaftárhreppur  Göngustígar við Laufbalavatnshella Skaftárhreppur 250.000    Skaftárhreppur  Gönguleið, brú við Fjaðrárgljúfur Skaftárhreppur 500.000    Vestmannaeyjar  Merking söguslóða Upplýsingam.st. Vestmannaeyja 500.000    Þórsmörk / Réttarfell Endurbætur á göngustígum á Réttarfell Ferðafélagið Útivist 300.000    Ísafjarðarbær / Bolungarv.  Ströndum Salerni við gönguleið og áningarstað Mávaberg ehf. Reimar Vilmundarson 250.000    Ísafjarðarbær / Grunnavík Hreinlætisaðstaða á Snæfjallaströnd Ferðaþjónustan Grunnavík ehf. 250.000    Ísafjarðarbær / Hesteyri Lendingabætur við Hesteyri Sjóf. Hafsteins og Kiddýjar ehf. 520.000    Ísafjarðarbær / Hornbjargsviti Ný og fleiri salerni Ævar Sigdórsson, Óvissuferðir 350.000    Strandasýsla / Grímsey Gönguleiðir og merkingar í Grímsey Héraðsnefnd Strandasýslu 200.000    Strandasýsla / Húsavík Fuglaskoðunarhús og göngleiðir -Tungugrafarvogum Matthías Sævar Lýðsson 250.000    Vestfirðir Gerð gönguleiðakorta á Vestfjörðum Ferðamálasamtök Vestfjarða 500.000    Vesturbyggð / Geirþjófsfjörður Stígagerð um slóðir Gísla Súrssonar Þórir Örn Guðmundsson 100.000    Önundarfjörður Fuglaskilti í Önundarfirði Náttúrustofa Vestfjarða / Ísafjarðarbær 260.000    Snæfellsnes / Kambsskarð Merking gönguleiða y. Kambaskarð Framkvæmdaráð Snæfellsness 250.000    Dali og Reykhólahreppur Gönguleiðir í Reykólahr. og Dalab. Ferðamálafélag Dala og Reykhóla 250.000    Húsafell Merking gönguleiða í kringum Húsafell Ferðaþjónustan Húsafelli 250.000          Styrkir til fjölsóttra svæða             Sveitarfélag / svæði Verkefni Umsækjendur  Styrkir Svf. Hornafjörður / Öræfi Göngustígar við Svínafellsjökul Jón Benediktsson 700.000    Mývatnssveit / Dimmuborgir  Aðgengi að Dimmuborgum -lokafrágangur Skútustaðahreppur 3.000.000    Dyrhólaey  hreinlætisaðstaða á Háey -lokafrágangur Þorsteinn Gunnarsson 2.000.000    Ísafjarðarbær / Hornstrandir WC, gönguleiðir og öryggismál í friðlandinu Ísafjarðarbær 2.200.000    Snæfellsnes / Rif  Fuglaskoðunaraðstaða við Rif Snæfellsbær 875.000    Borgarfjörður / Hraunfossar Viðhald svæðis - tilfærsla rotþróar o.fl. Borgarfjarðarsveit 2.700.000          Styrkir til nýrra svæða             Sveitarfélag / svæði Verkefni Umsækjendur  Styrkir Djúpivogur Fuglaskoðun í Djúpavogshreppi Ferðamálanefnd Djúpavogs 1.000.000    Svf. Hornafjörður / Eskifell Vatnsalerni í stað kamra við Eskifell Gunnlaugur B Ólafsson 850.000    Eyjafjörður / Gásir Uppbygging á miðaldakaupstað 1. áfangi Minjasafnið á Akureyri 3.000.000    Húnaþing vestra / Vatnsnes Uppbygging náttúruskoðunarstaða á Vatnsnesi Ferðam.fél. Vestur - Húnavatnssýslu 2.500.000    Hvammstangi Aðgengi fyrir alla við Selasetur og víðar Ferðam.fél. Vestur - Húnavatnssýslu 4.000.000    N-Þingeyjarsýsla Strandmenning - Skjálfandi - Langaness Atvinnuþróunarfél. Þingeyinga 1.000.000    Suðureyri Áningarsvæði -upplýsingaveita Sjávarporpið Suðureyri ehf. 2.000.000     

Laugardaginn 11. mars nk. verður opið hús í Menntaskólanum í Kópavogi frá  kl. 12 ? 16. Kynning á ferðamálanámi í MK fer fram í stofu N12 í norðurálmu. Ferðamálaskólinn kynnir starfstengt ferðafræðinám og flugþjónustunám ásamt ferðalínu til stúdentsprófs. Leiðsöguskólinn kynnir nám fyrir verðandi leiðsögumenn, þ.e. nám í almennri leiðsögn, gönguleiðsögn og afþreyingarleiðsögn. Ferðagetraun fyrir alla - vegleg verðlaun. Nemendur keppa í ferðakynningum og hljóta að launum þátttökurétt í keppni á vegum Evrópusamtaka hótel- og ferðamálaskóla (AEHT) sem haldin verður á Írlandi í nóvember.  Jarðfræðingur fer með gesti í skoðunarferðir um Kópavog. Lagt verður af stað með rútu frá MK (frá Digranesvegi) kl. 13.00, 14:00 og 15:00. Ýmislegt sem kitlar bragðlaukana verður í boði um allan skólann.

Málþing verður haldið á vegum Ferðamálaseturs Íslands og Ferðaþjónustuklasa (VAXEY) þriðjudaginn 28. mars næstkomandi kl. 13:30. Þar verða kynntar niðurstöður rannsóknar um hagræn áhrif af ferðaþjónustu á mismunandi svæðum. Aðilar rannsóknarinnar eru Ásgeir Jónsson hagfræðingur og lektor, Njáll Trausti Friðbertsson viðskiptafræðingur og flugumferðastjóri og Þórhallur Ásbjörnsson hagfræðingur. Í kjölfarið verða pallborðsumræður. (Rannsóknin var unnin með stuðningi Byggðastofnunar og Ferðamálastofu, Háskólasjóði KEA og Rannsóknarsjóði HA) Staður: Húsnæði Háskólans á Akureyri í Oddfellow-húsinu við Þórunnarstræti (gengt Lögreglustöðinni) Nánari dagskrá verður auglýst síðar.  

Tæplega 93 þúsund farþegar fóru um Keflavíkurflugvöll í febrúarmánuði síðastliðnum, samkvæmt tölum frá flugvellinum. Þetta er 4,2% fjölgun farþega á milli ára, það er miðað við febrúar í fyrra. Farþegar á leið frá landinu voru 41.389  í febrúar síðastliðnum, fjölgaði um 9,5% á milli ára. Á leið til landsins voru 41.022 farþegar og fjölgaði þeim um 8,2% miðað við febrúar í fyrra. Áfram- og skiptifarþegar (transit) voru um 10.700 og fækkar aðeins. Nánari skiptingu má sjá í meðfylgjandi töflu. Febr. 06 YTD febr.05 YTD Mán. % breyting YTD% breyting Héðan: 41.389 84.140 37.791 75.294 9,52% 11,75% Hingað: 41.022 79.280 37.919 68.947 8,18% 14,99% Áfram: 9.828 11.303 1.924 4.161 410,81% 171,64% Skipti. 729 14.396 11.587 26.355 -93,71% -45,38% 92.968 189.119 89.221 174.757 4,20% 8,22%

Eins og kom fram í frétt hér að neðan þá heimsótti samgönguráðherra Sturla Böðvarsson, ásamt fylgdarliði, aðalskrifstofu Ferðamálaráðs Evrópu (ETC) síðastliðinn mánudag. Í framhaldi af fundi samgönguráðherra með framkvæmdastjóra ETC hefur Ísland boðist til að halda aðalfund ETC vorið 2007 hér á landi. Ákvörðun um fundarstað næsta árs er tekin á aðalfundi í Brussel nú í apríl. Verði af fundinum myndu sækja hann ferðamálastjórar aðildarríkjanna, sem eru nú 34, auk þess sem á aðalfund ETC er yfirleitt boðið ýmsum forsvarsmönnum í ferðaþjónustu í Evrópu. Magnús Oddsson ferðamálastjóri, sem setið hefur 14 síðustu aðalfundi ETC, segir að yfirleitt séu 50-70 manns á aðalfundunum og þá sæki oft forsvarsmenn ýmissa Evrópusamtaka í ferðaþjónustu auk ferðamálstjóranna. Þá sé ofar en ekki haldin ráðstefna samhliða fundinum þar sem kallaðir séu til sérfræðingar til að fjalla um málefni ferðaþjónustunnar í Evrópu frá ýmsum hliðum.

Sturla Böðvarsson samgönguráðherra heimsótti aðalskrifstofu Ferðamálaráðs Evrópu, European Travel Commission (ETC), í Brussel sl. mánudag. Átti hann fund með framkvæmdastjóra ETC, Rob Franklin, og nokkrum sérfræðingum á skrifstofunni. Auk þeirra tóku þátt í fundinum Ragnhildur Hjaltadóttir ráðuneytisstjóri, Jakob Falur Garðarsson, fulltrúi samgönguráðuneytisins í sendiráði Íslands í Brussel og Magnús Oddsson ferðamálastjóri, sem hefur tekið þátt í störfum ETC undanfarin 14 ár og setið í framkvæmdastjórn í sex ár. Framkvæmdastjóri ETC og hans fólk kynnti fyrir samgönguráðherra starfsemi ETC í markaðs- og kynningarmálum, svo og mikla vinnu við markaðsrannsóknir ( sjá frétt hér á vefnum 2. mars sl.). Nýja Evrópugáttin senn opnuðLoks var kynntur hinn nýi sameiginlegi vefur aðildarríkja ETC, Evrópugáttinn, sem verður formlega opnuð 21. mars nk. Þar hefur af Íslands hálfu verið unnið mikið að því undanfarna mánuði að hlaða inn upplýsingum um Ísland og íslenska ferðaþjónustu. Hefur það verið unnið af vefstjóra Ferðamálastofu Halldóri Arinbjarnarsyni. Í þessu verkefni kemur það vel í ljós að Ísland hefur þar jafna möguleika og stærstu þjóðir Evrópu við að nýta sér þessa sameiginlegu gátt til kynningar og kom ljóslega fram í máli starfsmanna ETC að Halldór hefur af hálfu Íslands nú þegar hlaðið inn meiri upplýsingum en mörg önnur ríki Evrópu þó miklu stærri séu. Eins og áður hefur komið fram í fréttum hefur Ísland verið aðili að Ferðamálaráði Evrópu í nærri 40 ár, en ETC var stofnað árið 1948 eða fyrir nær 60 árum. Aðildarríki ETC eru nú 34 talsins.  

Nú hefur bæst við norsk útgáfa af landkynningarvef Ferðamálstofu www.visiticeland.com. Er þetta annað tungumálið sem bætist við á árinu en um miðjan janúar var sænsk útgáfa af vefnum opnuð. Þar með er landkynningarvefurinn orðinn á 8 tungumálum, þ.e. ensku, dönsku, þýsku, frönsku, spænsku, sænsku og norsku, auk íslenskrar útgáfu vefsins sem jafnframt er á slóðinni www.ferdalag.is. Þá eru skrifstofur Ferðamálastofu í New York og Frankfurt með vefi sem sinna þeim mörkuðum sérstaklega. Mynd: Forsíða norska vefsins.