Fréttir

Þriðja útgáfa gæðaviðmiða Vakans fyrir ferðaþjónustu aðra en gistingu hefur verið birt á vef Vakans í enskri þýðingu, ensk útgáfa umhverfisviðmiða er væntanleg á vefinn innan skamms.

Mælaborð ferðaþjónustunnar er ný vefsíða þar sem tölulegar upplýsingar um atvinnugreinina eru birtar með myndrænum hætti. Þetta er í fyrsta skipti sem þessar upplýsingar eru aðgengilegar á einum og sama stað. Mælaborð ferðaþjónustunnar er unnið á vegum Stjórnstöðvar ferðamála í samstarfi við ráðgjafarfyrirtækið Deloitte og er fjármagnað af atvinnuvega- og nýsköpunarráðuneytinu.

- Hvernig festurm við ferðaþjónustuna í sessi? Í aðdraganda alþingiskostninga standa Samtök ferðaþjónustunnar fyrir opnum fundi um stöðu ferðaþjónustunnar með forystumönnum stjórnmálaflokkanna.

Auglýst hefur verið erftir umsóknum um styrki úr Framkvæmdasjóði ferðamannastaða og er umsóknarfrestur til og með 25. október.

Ferðamálaþing 2017 var haldið í Hörpunni 4. október. Yfirskrift þingsins var "Sjálfbærni - Áskoranir á öld ferðalangsins". Þingið var hið fjölmennasta frá upphafi enda dagskráin einkar áhugaverð. Hæst bar ávarp Talib Rifai, aðalritara ferðamálastofnunar Sameinuðu þjóðanna (UNWTO) en hann má telja æðsta embættismann heims á sviði ferðamála.

Slysavarnir og öryggismál ferðamanna eru málefni sem snerta okkur öll enda ferðaþjónusta orðin ein helsta atvinnugrein okkar Íslendinga. 90 ára reynsla Slysavarnafélagsins Landsbjargar í slysavörnum á sjó og landi hefur sýnt fram á mikilvægi þess að málaflokknum sé vel sinnt.

Á næstunni verða haldnir kynningarfundir vegna umsókna í Framkvæmdasjóð ferðamannastaða. Dagsetning er komin á þrjá fyrstu fundina sem verða á Norðurlandi og Austurlandi 10. og 11. október og dagsetningar funda víðar um land verður auglýstar þegar þær liggja fyrir. Umsóknarfrestur fyrir næstu úthlutun er til 25. október.

Í erindi sínu á Ferðamálaþingi í Hörpu í gær fjallaði Ólöf Ýrr Atladóttir ferðamálastjóri um ýmsar þær áskoranir og úrlausnarefni sem íslensk ferðaþjónusta og ferðaþjónusta í heiminum almennt stendur frammi fyrir nú um stundir – eða „Áskoranir á öld ferðalangsins“, eins og titill þingsins var að þessu sinni.

Síldarminjasafnið á Siglufirði hlýtur Umhverfisverðlaun ferðamálastofu árið 2017 fyrir fegrun umhverfis og bætt aðgengi. Verkefnið var lokaáfangi í byggingu bryggjupalla milli safnhúsanna þriggja og uppsetningu lýsingar á svæðinu.