Fréttir

Ferðamálaþing 2017: Dagskrá og skráning

Nú er rétt vika í að Ferðamálaþing 2017 verði haldið í Hörpunni, þ.e. 4. október kl. 13-18. Yfirskrift þingsins í ár er "Sjálfbærni - Áskoranir á öld ferðalangsins". Mikill áhugi er á þinginu enda er dagskráin einkar áhugaverð. Hæst ber ávarp Talib Rifai, aðalritara ferðamálastofnunar Sameinuðu þjóðanna (UNWTO) en hann má telja æðsta embættismann heims á sviði ferðamála. Þingið hefst með ávarpi forseta Íslands, Hr. Guðna Th. Jóhannessonar.
Lesa meira

Ábending vegna hækkunar gistináttaskatts 1. september

Að gefnu tilefni vill ríkisskattstjóri koma eftirfarandi á framfæri, varðandi hækkun gistináttaskatts sem tók gildi þann 1. september síðastliðinn.
Lesa meira

Ferðaþjónustureikningar 2009-2015

Hlutur ferðaþjónustu í landsframleiðslu nam 6,7% árið 2015. Þetta er meðal þess sem fram kemur í ferðaþjónustureikningum sem Hagstofan birti í heild sinni í gær fyrir árin 2009 til 2015 og að hluta fyrir árið 2016. Ferðaþjónustureikningar eru hliðarreikningar þjóðhagsreikninga og er ætlað að leggja mat á hlut ferðaþjónustunnar í hagkerfinu og þróun hennar sem atvinnugreinar.
Lesa meira

Auglýst eftir umsóknum um styrki frá Framkvæmdasjóði ferðamannastaða

Mánudaginn 25. september verður opnað fyrir umsóknir um styrki úr Framkvæmdasjóði ferðamannastaða fyrir árið 2018. Umsóknarfrestur er til 25. október næstkomandi. Vakin er sérstök athygli á að í kjölfar lagabreytinga er nú í fyrsta sinn auglýst í samræmi við nýjar reglur sem um sjóðinn gilda.
Lesa meira

Offjölgun ferðamanna: Hvað getum við lært af Barselóna?

Rannsóknamiðstöð ferðamála stendur fyrir opnu málþingi 30. september kl. 9:00-12:00 í Hannesarholti um það hvernig yfirvöld í Barselóna kljást við þau vandamál sem skapast hafa vegna ágangs ferðamanna í borginni og hvaða lærdóm megi draga af því. Málþingið er haldið í samstarfi við Líf- og umhverfisvísindadeild Háskóla Íslands, Samtök um ábyrga ferðamennsku og Háskólann í Plymouth.
Lesa meira

Sameiningar ferðaþjónustufyrirtækja: Nauðsynlegt að gera Ferðamálastofu aðvart

Með vísan í fréttir fjölmiðla undanfarna daga um auknar sameiningar ferðaþjónustufyrirtækja, er vert að minna á mikilvægi þess að aðilar geri Ferðamálastofu viðvart þegar í hlut eiga ferðaskrifstofur eða ferðaskipuleggjendur. Um er að ræða leyfisskylda starfsemi þar sem gera þarf breytingar á tryggingum og fleiri þáttum, í kjölfar sameiningar eða annarra grundvallarbreytinga á starfseminni.
Lesa meira

Viðhorf til ferðamanna á Höfuðborgarsvæðinu

Nú í sumar lét Höfuðborgarstofa framkvæma viðhorfskönnun meðal íbúa á höfuðborgarsvæðinu. Þetta er í þriðja sinn sem Höfuðborgarstofa mælir viðhorf íbúa á svæðinu til ferðamanna og ferðaþjónustu.
Lesa meira

Framkvæmdasjóður ferðamannastaða: Ný lög, reglugerð og stjórn

Í vor voru samþykkt á Alþingi breytingar á lögum um Framkvæmdasjóð ferðamannastaða. Nú hefur Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, einnig gefið út nýja reglugerð um sjóðinn, sem tekur mið af breyttum lögum. Þá hefur ný stjórn einnig verið skipuð.
Lesa meira

284 þúsund brottfarir erlendra farþega í ágúst

Brottfarir erlendra farþega* frá Íslandi voru 284 þúsund talsins í ágúst síðastliðnum samkvæmt talningum Ferðamálastofu í Flugstöð Leifs Eiríkssonar eða um 42 þúsund fleiri en í ágúst á síðasta ári. Aukningin nemur 17,6% milli ára. Um er að ræða svipaða hlutfallslega aukningu milli ára og í maí (17,5%), júní (18,9%) og júlí (15,2%) en mun minni en mældist í janúar (75,3%), febrúar (47,3%), mars (44,9%) og apríl (61,9%).
Lesa meira

Upplýsingamiðstöðin á Seyðisfirði í Vakann

Upplýsingamiðstöðin á Seyðisfirði er nýjasti meðlimur Vakans. Upplýsingamiðstöðin er staðsett í Ferjuhúsinu við höfnina og gegnir því mikilvægu hlutverki þegar skipið Norræna kemur til hafnar með farþega sína. Einnig kemur fjöldinn allur af fólki með skemmtiferðaskipum á sumrin sem og á eigin vegum en allflestir leggja leið sína á Upplýsingamiðstöðina.
Lesa meira