Fréttir

Opið fyrir umsóknir um styrki frá NATA

Nú er opið fyrir umsóknir um styrki frá NATA, samstarfssamningi Íslands, Færeyja og Grænlands á sviði ferðamála. Umsóknafrestur rennur út á miðnætti 22. febrúar. Sótt er um á vef NATA á rafrænum eyðublöðum sem þar eru.
Lesa meira

Mountaineers of Iceland með viðurkenningu Vakans

Mountaineers of Iceland hlaut á dögunum viðurkenningu Vakans og bronsmerki í umhverfishluta. Fyrirtækið hefur verið starfrækt síðan 1996 og býður upp á ýmsar ævintýraferðir þar sem megin áherslan er á vélsleðaferðir á Langjökli.
Lesa meira

Niðurstöður úr Sumarkönnun Ferðamálastofu

Niðurstöður liggja fyrir úr könnun meðal erlendra ferðamanna sem Maskína sá um að framkvæma fyrir Ferðamálastofu síðastliðið sumar eða á tímabilinu júní til ágúst. Könnunin kemur í framhaldi af sömu könnun sem framkvæmd var á tímabilinu október 2015 til maí 2016 en niðurstöður úr henni voru kynntar á vef Ferðamálastofu í september síðastliðnum.
Lesa meira

Upplýsingamiðstöð ferðamanna í Ráðhúsinu

Upplýsingamiðstöð ferðamanna í Reykjavík var opnuð í Ráðhúsi Reykjavíkur í dag, 16. janúar kl. 8 en miðstöðin hefur verið starfrækt í Aðalstræti 2 frá árinu 2002. Flutningur Upplýsingamiðstöðvarinnar er liður í því að nýta húsnæði í eigu borgarinnar enn betur og auka þjónustu í Ráðhúsi Reykjavíkur. Miðstöðin er á jarðhæð Ráðhússins þar sem gönguás liggur í gegnum húsið en hann er hugsaður sem hluti af göngustígakerfi borgarinnar, þar sem almenningur getur komið saman og fylgst með því sem um er að vera í húsinu hverju sinni. Jarðhæð hússins er því tilvalin staðsetning fyrir upplýsingamiðstöðina.
Lesa meira

Nanna Björnsdóttir ráðin í starf lögfræðings

Nanna Björnsdóttir hefur hafið störf hjá Ferðamálastofu í stöðu lögfræðings sem auglýst var í nóvember síðastliðnum
Lesa meira

Yfir 260 fyrirtæki með í yfirlýsingu um ábyrga ferðaþjónustu

Yfirlýsing um ábyrga ferðaþjónustu var undirrituð í Háskólanum í Reykjavík þann 10. janúar að viðstöddum forseta Íslands, Guðna Th. Jóhannessyni, sem er verndari verkefnisins. Það eru Festa – miðstöð um samfélagsábyrgð og Íslenski ferðaklasinn sem standa að verkefninu í samstarfi við Ferðamálastofu, SAF, Íslandsstofu, Stjórnstöð ferðamála, Markaðsstofur landshlutanna, Höfuðborgarstofu og Safetravel.
Lesa meira

Nýr ráðherra ferðamála

Þórdís Kolbrún R. Gylfadóttir er nýr ráðherra ferðamála, iðnaðar og nýsköpunar. Starfsfólk Ferðamálastofu býður Þórdísi Kolbrúnu velkomna til starfa og hlakkar til samstarfsins.
Lesa meira

Ábyrg ferðaþjónusta - Yfir 100 fyrirtæki skrifa undir sameiginlega yfirlýsingu

Yfirlýsing um ábyrga ferðaþjónustu verður undirrituð af forsvarsfólki fyrirtækja þann 10. janúar að viðstöddum forseta Íslands, Guðna Th. Jóhannessyni, sem er verndari verkefnisins. Nú þegar hafa yfir 100 fyrirtæki skráð sig en ennþá er hægt að skrá sig.
Lesa meira

Fjöldi ferðamanna slær öll fyrri met

Erlendir ferðamenn hingað til lands sem fóru um Keflavíkurflugvöll voru um 1,77 milljónir á nýliðnu ári eða rúmlega 40% fleiri en árið 2015. Gera má ráð fyrr að tölurnar nái til meira en 98% ferðamanna sem hingað komu. Ótaldir eru þeir sem komu um aðra flugvelli og farþegar Norrænu. Farþegar skemmtiferðaskipa eru skilgreindir sem dagsferðamenn og eru því ekki í þessum tölum.
Lesa meira

124.800 ferðamenn í desember

Tæplega 125 þúsund erlendir ferðamenn fóru frá landinu í desember síðastliðnum samkvæmt talningum Ferðamálastofu í Flugstöð Leifs Eiríkssonar eða 54 þúsund fleiri en í desember á síðasta ári. Aukningin nemur 76,1% milli ára. Fjöldi ferðamanna hefur ríflega sexfaldast í desember frá árinu 2010 en aldrei hefur mælst jafn mikil aukning milli ára og nú.
Lesa meira