Fréttir

Glam.co.uk - Bretland

glam.co.uk - umfjöllun Einnig eru myndir á: http://travel.glam.co.uk/ - ferðahluti http://living.glam.co.uk/ - lífsstíll    
Lesa meira

Glam.co.uk - Bretland

glam.co.uk - umfjöllun Einnig eru myndir á: http://travel.glam.co.uk/ - ferðahluti http://living.glam.co.uk/ - lífsstíll    
Lesa meira

Glam.co.uk - Bretland

glam.co.uk - umfjöllun Einnig eru myndir á: http://travel.glam.co.uk/ - ferðahluti http://living.glam.co.uk/ - lífsstíll    
Lesa meira

Landeyjahöfn skapar ný sóknarfæri fyrir ferðaþjónustu í Vestmannaeyjum

Í dag hefjast áætlunarferðir Herjólfs á milli Vestmannaeyja og hinnar nýju Landeyjarhafnar. Um byltingu er að ræða í samgöngumálum og gera má ráð fyrir verulega jákvæðum áhrifum á ferðaþjónustu í Eyjum. Ljóst er að ný sóknarfæri skapast með þessari miklu samgöngubót. Siglingatíminn á milli lands og Eyja styttist nú úr tæplega þremur klukkustundum í rúmlega 30 mínútur og sigling og akstur á milli Vestmannaeyja og Reykjavíkur styttist úr fjórum klukkustundum í tvær og hálfa. Landeyjahöfn var vígð formlega í gær og sigldi Herjólfur þá jómfrúarferð sína frá Vestmannaeyjum. Kristján L. Möller samgönguráðherra vígði nýju höfnina og sagði við það tækifæri að þörf væri á nýjum Herjólfi. Hann hefur skipað stýrihóp til að skoða hvernig best verður staðið að því. Meðfylgjandi myndir, sem fengnar eru af vef samgönguráðuneytisins og Siglingamálastofnunar, sýna Herjólf sigla inn í nýju höfnina og síðan hvernig hið mikla mannvirki lítur út.
Lesa meira

Nýr landkynningarvefur - icelandtoday.is

Fyrirtækið Iceland Today sem meðal annars gefur út Reykjavík City Guide handbókina opnaði á vordögum nýjan vef á slóðinni www.icelandtoday.is. Vefurinn er almennur kynningarvefur um Ísland en þó með nýju sniði og nýrri nálgun, segir í tilkynningu. Meginþemað á vefnum eru náttúruöflin Fire, Water, Earth og Ice en í raun má segja að öll ferðaþjónusta hér á landi byggi á þessum þáttum. Undir hverjum flokki má svo finna átta undirflokka sem hver og einn fjallar um ákveðin málefni sem honum tilheyra. Að auki er má á vefnum finna þessa hefðbundnu flokka s.s. Accommodation, Outdoors og See&Do. Síðan er aðgengileg, skýr og greinarnar stuttar og skilmerkilegar en alls má nú þegar finna yfir 100 mismunandi greinar um hin ýmsu atriði sem ferðalangar geta fræðst og haft gaman af.Síðan er því upplögð fyrir þá ferðaþjónustuaðila sem vilja vísa sínum gestum á fræðandi, skemmtilega og yfirgripsmikla síðu um afurðir og auðlindir Íslands. Allar nánar upplýsingar um síðuna má fá á icelandtoday@icelandtoday.is
Lesa meira

Hálendisskálar gerðir aðgengilegir öllum

Aðgengi að Skála ferðafélags Íslands í Nýjadal við Sprengisandsleið hefur nú verið bætt verulega. Verkið var unnið að frumkvæði Jóns Gunnars Benjamínssonar fyrir styrk frá Ferðamálastofu. Forsaga málsins er að í fyrrasumar fór Jón Gunnar, sem bundinn er við hjólastól, ásamt félögum sínum á fjórhjóli suður yfir hálendið og kannaði þá m.a. aðgengi að fjallaskálum á leiðinni. Komust þeir að því að því er víða ábótavant. Kviknaði þá sú hugmynd þeirra að ráðast í úrbætur og veitti Ferðamálastofa 2 milljón króna styrk til verkefnisins. Ákveðið var að byrja á skála FÍ í Nýjadal og réðist valið að sögn Jóns Gunnars af staðsetningu hans sem og stærð en skálinn er staðsettur mjög miðsvæðis á hálendinu og er stærsti hálendisskáli landsins með svefnpláss fyrir vel á annað hundrað manns auk eldunnar og snyrtiaðstöðu. Farið var í að laga aðgengi að eldri svefnskálanum en þar er einnig eldunaraðstaða. Einnig var salernis- og hreinlætisaðstaða gerð aðgengileg, ásamt sólpalli á vesturhlið svefnskálans. Breytingarnar fólust í smíði skábrauta/rampa með réttum halla upp að dyrum skálans og upp á sólpall og að salernis og hreinlætisaðstöðu. Einnig þurfti að breikka dyr á sturtunni sem og fella niður og breyta þröskuldi inn í sturtuaðstöðu. Dæmi um úrbætur á sjá á meðfylgjandi mynd. ?Hugur minn stendur til frekari verka á hálendinu og hef ég hug á að skoða aðstöðuna á Hveravöllum næst með það í huga að gera hana jafn aðgengilega og aðstaðan í Nýjadal er nú orðin. Einnig langar mig að gera smávægilegar breytingar í Landmannalaugum og víðar. Það var afar ánægjulegt að sjá þetta verkefni klárast á jafn farsælan hátt og raun ber vitni. Ég mun því halda ótrauður áfram á þessari ferð fái ég til þess brautargengi og nauðsynlegan stuðning,? segir Jón Gunnar. Á myndinni hér til hliðar er hann á farskjóta sínum rétt hjá vegslóðanum í Kiðagilsdrögum
Lesa meira

Au Magazine - Írland

Au Magazine - Írland    
Lesa meira

Telegraph.co.uk - Bretland

Telegraph.co.uk    
Lesa meira

Au Magazine - Írland

Au Magazine - Írland    
Lesa meira

Lonely Planet mælir með Íslandi í ágúst

Ísland er einn fjögurra staða í heiminum sem ferðaútgáfan Lonely Planet mælir með sem áfangastað nú í ágúst. Tugþúsundir lesa vef Lonely Planet á hverjum degi og því ljóst að heilmikið auglýsingagildi fylgir umfjöllun sem þessari. Aðrir staðir sem Lonely Planet mælir með að heimsækja í ágúst eru Kenía, Suður Afríka og Kamchatka. Áður hafði Lonely Planet einmitt skilgreint Ísland sem ein bestu kaupin í ferðalögum á árinu 2010. Sjá umfjöllun á vef Lonely Planet
Lesa meira