Fréttir

Vinalegasta viðmótið - gefðu bros í sumar

Ferðamálastofa hefur í samstarfi við við Ferðamálasamtök Íslands, Ferðaþjónustu bænda, Íslandsstofu, Samtök ferðaþjónustunnar og Markaðsstofur landshlutanna hrint af stað sumarherferð sem ber yfirskriftina Vinalegasta viðmótið. Hugmyndin að baki herferðinni er að verðlauna það sem vel er gert í þjónustu á ferðaþjónustustöðum út um allt land og vekja sérstaka athygli á þeim stöðum með jákvæðum hætti. Markmiðið er einnig að herferðin sé hvatning til fólks í þjónustustörfum til að sýna jákvætt og vinalegt viðmót og leggja sig fram um að veita góða þjónustu í hvívetna. Ferðamenn og aðrir viðskiptavinir geta látið vita af góðri þjónustu eða vinalegu viðmóti með því að hringja í þáttinn Virka morgna á Rás 2 eða skrifa ábendingar á Facebook-síðu átaksins – en einnig verður hægt að „verðlauna“ gott viðmót á stöðunum sjálfum með því að „gefa bros“.  Sérstakir broslímmiðar munu liggja frammi hjá fjölda þjónustuaðila og þá má líma á þar til gert veggspjald til að láta í ljósi ánægju sína með áþreifanlegum hætti. Þeir staðir sem safna flestum brosmiðum á veggspjaldið sitt ættu að vera í góðum málum með viðmót gagnvartviðskiptavinum. Bros samnefnari fyrir góða þjónustuOft er erfitt að meta hvað felst í góðri þjónustu og við gerum mismunandi kröfur eftir stöðum. Í allri þjónustu skiptir þó viðmót starfsfólks höfuðmáli og því má segja að brosið sé samnefnari  fyrir góða þjónustu og ánægjuleg viðskipti. Við viljum hvetja fólk til að beita því óspart. Post-it miðar – „Gefðu bros“Partur af herferðinni eru „post-it“ límmiðar með broskalli og textanum „Gefðu bros“. Þeim verður dreift á ferðaþjónustustaði út um allt land, ásamt meðfylgjandi veggspjaldi. Þeir eru hugsaðir  sem nokkurs konar áþreifanleg umbun eða „þjórfé“ fyrir vinalegt viðmót eða góða þjónustu. Með þessu köllum við fram þátttöku viðskiptavinarins og ferðamannanna sem eiga leið um landið og með táknrænum hætti geta viðskiptavinirnir látið ánægju sína í ljós með því að gefa bros á móti. Fólki er að sjálfsögðu velkomið að skrifa persónulega kveðju á post-it miðana, en það er ekki skilyrði. Ferðaþjónstuaðilar eru hvattir til að setja veggspjaldið upp á góðum og áberandi stað og hafa broslímmiðana nálæga til að viðskiptavinir átti sig á út á hvað leikurinn gengur og við  náum að skapa skemmtilega stemningu kringum verkefnið. MarkmiðMarkmiðið með átakinu í sumar er að gera starfsfólk fyrirtækja í ferðaþjónustu meðvitaðra um mikilvægi góðrar þjónustu, sýna fram á hvað mikið getur áunnist með litlum og einföldum atriðum (sbr. brosið) og ekki síst að fá ferðalanga og viðskiptavini til að sýna bæði þakklæti í verki (með því að brosa á móti) og umbuna fyrir góða þjónustu og gott viðmót. FacebookSett verður upp sérstök Facebook-síða fyrir átakið (Vinalegasta viðmótið) þar sem fólk getur  sent inn jákvæðar reynslusögur og jafnvel gefið bros með táknrænum hætti. Facebook-síðan verður vöktuð og engu hleypt þar í gegn án samþykkis ritstjóra til að forðast að hún verðigrundvöllur neikvæðra skrifa. Virkir morgnar á Rás 2Í þættinum Virkum morgnum munu stjórnendur heyra í hlustendum sem geta hringt inn með jákvæðar sögur og tilnefnt staði. Þeir hlustendur sem hringja og þeir sem skrifa á Facebookvegginn fara í pott og geta átt von á að vinna spennandi vinninga frá ýmsum ferðaþjónustuaðilum. Ef einhverjar spurningar vakna getið þið haft samband við Sigrúnu Hlín Sigurðardóttir þróunarstjóra  markaðsmála í síma 535 5502 eða með tölvupósti á sigrun@ferdamalastofa.is. Share Your StorySamhliða átakinu Vinalegasta viðmótið, mun Inspired by Iceland einnig standa að verkefninu Share Your Story, þar  sem erlendir ferðamenn verða hvattir til þess að skrifa sögu af ferðum sínum um landið og deila henni með öðrum á heimasíðu Inspried by Iceland. Valin verður besta innsenda sagan, og mun höfundur hennar hljóta flug til Íslands í verðlaun. Póstkortum verður dreift á hótelherbergi og vinsæla ferðamannastaði um landið til að kynna leikinn. Upplýsingar í PDF-skjali
Lesa meira

Eftirlit með leyfislausum ferðaskipuleggjendum og ferðaskrifstofum

Átak í eftirliti með leyfislausum ferðaskipuleggjendum og ferðaskrifstofum stendur nú yfir á vegum Ferðamálastofu. Með lögum nr. 73/2005 um skipan ferðamála þurfa fyrirtæki sem bjóða upp á ferðir sem fela í sér ýmiss konar afþreyingu og frístundariðju, svo sem hestaferðir, vélsleðaferðir, gönguferðir, fljótasiglingar, ævintýraferðir ýmis konar, veiði og fleira að afla sér starfsleyfi hjá Ferðamálastofu. Mikil fjölgun leyfaNú þegar hafa tæplega 500 fyrirtæki leyfi til að selja ferðir og afþreyingu hér á landi og hefur verið stöðug fjölgun síðustu misserin. Eins og fram hefur komið er talsvert um leyfislausa aðila í rekstri og er markmið átaksins nú að ráða bót á því. Sérstakur starfsmaður var ráðinn til verkefnisins sem vinnur með lögfræðingi Ferðamálastofu að þessum málum. Haft verður samband við fyrirtæki, óskað eftir upplýsingum frá þeim um eðli starfseminnar og þeim síðan eftir atvikum leiðbeint um hvers konar leyfi þarf að sækja um. Einfalt að sækja um leyfiUmsókn um ferðaskipuleggjenda- og ferðaskrifstofuleyfi er hvorki flókinn né kostnaðarsamur ferill. Ferðaskrifstofuleyfi kostar 15.000 kr og ferðaskipuleggjendaleyfi 10.000 kr. Að auki er kostnaður við þau vottorð sem þarf að afla og tryggingar. Allar nánari upplýsingar um leyfisumsóknir má finna hér á vefnum undir „Leyfismál“. Þar má einnig finna samantekt sem Ferðamálastofa gerði um leyfisskylda starfsemi innan ferðaþjónustu, hvaða leyfi þarf fyrir hverja tegund starfsemi og hvar þeirra er aflað.
Lesa meira

Nýtt hótel og nýtt nafn hjá Icelandair Hótelum

Síðustu daga hefur verið skammt stórra högga á milli hjá Icelandair Hótelum. Í vikunni opnaði nýtt heilsárshótel á Akureyri og í gær var tilkynnt um nýtt nafn á einu sögufrægasta hóteli landsins, Hótel Loftleiðum. Hótel Loftleiðir kallast nú Reykjavík Natura. Hótelið var opnað árið 1966 og kemur nafnbreytingin kemur í kjölfar gagngerra endurbóta á hótelinu sem unnið hefur verið að í vetur. Í frétt kemur fram að nafnið eigi sér skírskotun til nálægðar hótelsins við Öskjuhlíð og Nauthólsvík. Reykjavík Natura er 220 herbergja, fjögurra stjörnu hótel og þátttakandi í gæðaflokkun gististaða með stjörnugjöf sem Ferðamálastofa heldur utan um. Icelandair Hótel Akureyri verður fullbúið með 101 herbergi. Hluti þeirra hefur þegar verið opnaður en þau verða öll komin í notkun um komandi mánaðamót. Þá hefur komið fram að næsta vor munu Icelandair Hótel ona nýtt rúmlega 100 herbergja hótel á slippsvæðinu við Mýrargötu í Reykjavík sem fengið hefur nafnið Reykjavík Marina.
Lesa meira

Leiðbeiningarrit fyrir starfsfólk upplýsingamiðstöðva

Ferðamálastofa hefur gefið út ritið "Upplýsingamiðstöðvar - Leiðbeiningarrit fyrir starfsfólk". Um er að ræða 11. útgáfu í endurbættri mynd. Ritinu er ætlað að gera þeim sem reka upplýsingamiðstöðvar og starfsfólki þeirra auðveldara að skipuleggja starfið og bæta á ýmsa lund. Þótt aðstæður á hverjum stað séu mismunandi þá er áríðandi að allar upplýsingamiðstöðvar starfi eftir sömu grundvallarreglum. Það gerir þær trúverðugri og eykur tiltrú ferðamannsins og hagsmunaaðilanna á þeim. Hlutverk upplýsingamiðstöðva er að auka gæði þjónustu við innlenda og erlenda ferðamenn og veita þeim þær upplýsingar sem þeir þarfnast til að auðvelda sér ferðalagið. Upplýsingamiðstöðvar eru mikilvægar fyrir uppbyggingu ferðaþjónustu um allan heim. Með betri upplýsingum er líklegra að ferðamaðurinn veiti sér eitthvað sem hann hefði annars farið á mis við og er því oft um beinan fjárhagslegan ávinning að ræða. Hlutverk upplýsingamiðstöðva er einnig að auðvelda hagsmunaaðilum í ferðaþjónustu að koma vöru sinni og þjónustu á framfæri. Með auknum upplýsingum til ferðamanna aukast líkurnar á vel heppnuðu fríi en kannanir sýna að ánægður ferðamaður er okkur mikilvæg auglýsing. Upplýsingamiðstöðvar gegna mikilvægu hlutverki varðandi öryggi ferðamanna. Einnig er mikilvægt að stuðla að aukinni dreifingu þeirra um landið. Þannig njóta fleiri tekna af ferðamönnum og álagið á viðkvæma náttúru landsins dreifist. Með aukinni kynningu á upplýsingamiðstöðvum fjölgar þeim sem notfæra sér stöðvarnar á sínum heimaslóðum. Fólk getur þannig skipulagt ferðir sínar betur áður en lagt er af stað. Ritið í heild má nálgast hér að neðan. Upplýsingamiðstöðvar - Leiðbeiningarit (Vefútgáfa) Upplýsingamiðstöðvar - Leiðbeiningarit (PDF)  
Lesa meira

Störf vegna upplýsingagjafar í kjölfar eldgossins

Ríkisstjórnin samþykkti á fundi sínum í morgun að veita fjármagni til þess að ráða níu sumarstarfsmenn til þess að sinna upplýsingamiðlun til innlendra og erlendra ferðamanna í kjölfar eldgossins í Grímsvötnum. „Reynslan frá eftirleik eldgossins í Eyjafjallajökli á síðasta ári kennir okkur að rétt miðlun upplýsinga til ferðamanna skiptir gríðarlega miklu máli. Nú þegar askan úr eldgosinu í Grímsvötnum er sest þá standa ferðaþjónustuaðilar frammi fyrir sömu áskorun,“ segir í tilkynningu frá iðnaðarráðuneytinu. Þá segir að mikilvægt sé að hefja þegar markvisst starf við upplýsingamiðlun til innlendra og erlendra ferðamanna. Starfsmennirnir níu munu ganga til liðs við Markaðsstofu Suðurlands, upplýsingarveitur ferðamála og Kötlusetur. Vinnumálastofnun og Iðnaðarráðuneytið skipta með sér kostnaði við átakið og nemur hlutur ráðuneytisins um 5,4 m.kr. Störfin eru eftirfarandi:1. Markaðssetning (Markaðsstofa Suðurlands, 1 starf). Mikilvægt er að vekja áhuga Íslendinga á að ferðast um áhrifasvæði gossins í sumar og koma í veg fyrir að gosið og fréttaflutningur af því leiði til þess að íslenskir ferðamenn forðist svæðið. Markaðsstofa Suðurlands ræður einn starfsmann sem hefur meðal annars það hlutverk að ráðast í sértæka kynningu á svæðinu gagnvart íslenskum ferðamönnum, skipuleggja viðburði sem laðað geti ferðamenn að svæðinu og þróa vörur sem byggja á sérstöðu svæðisins og aðdráttarafli sem nýst geti til eflingar ferðaþjónustu á svæðinu. 2. Upplýsingaveitur ferðamála (Rangárþing eystra (1 starf), Skaftárhreppur (2 störf) og Sveitarfélagið Hornafjörður (1 starf). Upplýsingamiðstöðvar sem leiða ferðamenn inn á svæðið gegna mikilvægu hlutverki við að tryggja ánægjulega dvöl gesta á svæðinu. Mikilvægt er að efla og styrkja starfsemi þeirra, frá Höfn að Hveragerði. 3. Kötlusetur og Katla geopark (Mýrdalshreppur, fh. tveggja sjálfseignarstofnana, 4 störf) Kötlusetri er í framtíðinni ætlað að verða hvorttveggja í senn rannsókna- og fræðasetur og menningarmiðstöð í Vík í Mýrdal. Í upphafi er höfuðáherslan í starfsemi Kötluseturs lögð á ferðaþjónustu og menningartengda starfsemi. Þá mun Kötlusetur verða tengiliður Mýrdælinga við samstarfsverkefnið Kötlu-Jarðvang á sviði jarðfræðitengdrar ferðamennsku.
Lesa meira

Tímamót í skráningu og upplýsingagjöf um aðgengi fatlaðra

Nú er að ryðja sér til rúms hérlendis nýtt kerfi sem veitir upplýsingar um aðgengi að byggingum og útisvæðum ætluðum almenningi. Upplýsingarnar birtast á vefnum www.gottadgengi.is en sambærilegur aðgangur almennings að þessum upplýsingum er varða Ísland hefur ekki verið til staðar fyrr en nú. Byggir á sjö flokkumAð verkefninu stendur fyrirtækið Aðgengi sem rekið er af Hörpu Cilia Ingólfsdóttur. „Þegar talað er um aðgengi fatlaðra kemur yfirleitt upp í hugann hjá fólki mynd af manneskju í hjólastól. Skilgreining á fötlun getur engu að síður átt við handa- eða gönguskerta, ofnæmis- og astmaveika, fólk með lestrarörðugleika og sjónskerta sem og þroskahamlaða og heyrnarskerta.“ segir Harpa. Kerfið sem um ræðir byggir á danskri fyrirmynd og byggir á sjö flokkum sem einmitt taka til áðurnefndra flokka fötlunar. Á heimasíðunni eru upplýsingar um öll sjö merkin og leitarvél sem auðveldar almenningi aðgang að upplýsingum um vottaða staði og hvernig aðgengið er á þeim. Allar grunnupplýsingarnar sem skráðar eru í kerfið er einnig að finna á ensku, dönsku, sænsku og þýsku. Auðveldar skipulagningu ferðalagaHarpa bendir á að vefsíður sem þessar auðvelda skipulagningu bæði á hversdagslegum ferðum sem og ferðalögum fatlaðra. „Hér áður fyrr fór mikill tími í að skipuleggja þessar ferðir en með nútíma tækni og vottun verður þetta miklu einfaldara og fljótlegra fyrir almenning og skipuleggjendur að notast við.“ Segir Harpa. „Þetta er einnig stór markhópur fyrir ferðaþjónustuaðila að ná til, eins og hótel, veitingahús, ferðaskipuleggjendur og bílaleigur til að mynda, sem fyrirtæki hafa kannski ekki gert sér hugmyndir um fyrr en nú.“ Fyrstu aðilarnir fá vottanir sínarNú þegar hafa nokkur hótel og veitingastaðir látið taka út aðgengi sitt ásamt um 20 náttúruperlum á Suðurlandi. Sveitarfélagið Garður var fyrst til fá vottun fyrir skóla, söfn og fleiri staði sem tilheyra sveitarfélaginu. Á næstu vikum mun Harpa fara hringinn í kringum landið til að vekja athygli á mikilvægi aðgengis fatlaðra og Aðgengismerkjakerfinu. Til liðs við hana hafa gengið Diddú söngkona, Edda Heiðrún Bachman leikkona, Helgi Hjörvar alþingismaður, Árni Tryggvason leikari og sjómaður, Jónína Leósdóttir rithöfundur, Eyþór Ingi tónlistamaður og söngvari og Daníel Ólafsson framhaldsskólanemi. Öll munu þau prýða veggspjald og upplýsingabækling sem útskýrir mikilvægi aðgengis fyrir hóp sem þau tilheyra og er þessu átaki ætlað að beina sjónum að þessu aðkallandi málefni og þeim stóra hóp sem geta nýtt sér Aðgengismerkjakerfið á hverjum degi. Ferðamálastofa styður verkefniðVerkefnið hefur notið stuðnings ýmissa aðila, meðal annars Ferðamálastofu, sem veitt hefur styrk til úttektar á vinsælum ferðamannastöðum. Einnig mun úttekt samkvæmt kerfinu telja inn í nýja gæða- og umhverfiskerfið Vakann. Fyrstu aðilarnir sem hljóta vottun á Norðurlandi fengu staðfestingar þess efnis afhentar í dag. Á myndinni eru talið frá vinstri: Harpa Cilia Ingólfsdóttir; Oddur Helgi Halldórsson, formaður bæjarráðs Akureyrar; Sigurbjörn Sveinsson, Hótel KEA; Bryndís Óskarsdóttir, Ferðaþjónustan Skjaldarvík; Stefán Tryggvason, Hótel Natur og Hrefna Ingólfsdóttir, Ferðaþjónustan Öngulstöðum.
Lesa meira

Gistinætur heilsárshótela í apríl

Hagstofan hefur birt tölur um gistinættur á hótelum í apríl síðastliðnum. Tölurnar ná eingöngu til hótela sem opin eru allt árið þannig að til þessa flokks gististaða teljast hvorki gistiheimili né hótel sem eingöngu eru opin yfir sumartímann. Gistinætur á hótelum í apríl síðastliðnum voru 110.000 en voru 88.000 í sama mánuði árið 2010. Gistinætur erlendra gesta voru um 74% af heildarfjölda gistinátta á hótelum í apríl en gistinóttum þeirra fjölgar um 27% á meðan gistinóttum Íslendinga fjölgar um 21% samanborið við apríl 2010. Hafa ber í huga að á þessu tímabili 2010 var gosið í Eyjafjallajökli og má því ætla að aukningin milli ára skýrist af því.  Gistinóttum á hótelum fjölgaði í öllum landshlutum nema á Norðurlandi. Á höfðuborgarsvæðinu voru 80.200 gistinætur í apríl sem er 28% aukning frá fyrra ári. Gistinætur á Suðurnesjum voru 4.900 í apríl sem er 30% aukning frá fyrra ári. Á samanlögðu svæði Vesturlands og Vestfjarða fjölgaði gistinóttum úr 2.300 í 3.600 eða um 56% samanborið við apríl 2010. Á Austurlandi fjölgaði gistinóttum milli ára úr 1.800 í 2.600. Á Suðurlandi voru gistinætur 12.800 og fjölgaði þeim um 23% milli ára. Gistinóttum fækkaði á Norðurlandi um 17%, voru 5.900 samanborið við 7.100 í apríl 2010. Gistinóttum á hótelum fyrstu fjóra mánuðiGistinætur fyrstu fjóra mánuði ársins voru 343.600 en voru 315.900 á sama tímabili árið 2010. Gistinóttum fjölgaði á Austurlandi um 27%, Suðurnesjum um 19% og um 12% á samanlögðu svæði Vesturlands og Vestfjarða Á höfuðborgarsvæðinu fjölgaði gistinóttum um 11% frá fyrra ári og um 5% á Suðurlandi. Á Norðurlandi fækkaði hins vegar gistinóttum um 18% ef miðað er við sama tímabil árið 2010. Fyrstu fjóra mánuði ársins hefur gistinóttum erlendra gesta fjölgað um 9% og gistinóttum Íslendinga um 8%.    
Lesa meira

Hótel KEA stækkar

Hótel KEA á Akureyri er nú orðið stærsta fjögurra stjörnu hótelið utan Reykjavíkur, eftir nýlegar breytingar. Nýjum herbergjum var bætt við á jarðhæð og herbergjum sem áður tilheyrðu Hótel Hörpu hefur nú verið breytt og þau sameinuð Hótel KEA, sem eftir breytinguna telur 104 herbergi. Hótel KEA er með rótgrónustu hótelum landsins en það var opnað árið 1944. Það er rekið af Keahótelum ehf. sem samtals reka fimm hótel, tvö á Akureyri, Hótel KEA og Hótel Norðurland, tvö í Reykjavík, Hótel Björk og Hótel Borg og Hótel Gíg við Mývatn. Öll eru hótelin þátttakendur í gæðaflokkun gististaða með stjörnugjöf, sem Ferðamálastofa heldur utan um.
Lesa meira

Þjórsárstofa opnuð

Þjórsárstofa, hefur verið opnuð í félagsheimilinu Árnesi. Ráðherra ferðamála, Katrín Júlíusdóttir opnaði gestastofuna formlega. Þjórsárstofa, er samstarfsverkefni sveitarfélagsins Skeiða- og Gnúpverjahrepps og Landsvirkjunar. Markmiðið er að miðla fróðleik og upplýsingum um  náttúruna, fólkið og söguna á Þjórsársvæðinu, með  Þjórsá sjálfa sem meginþema.  Sýningarhönnun annaðist Björn G. Björnsson, texta skrifaði Ari Trausti Guðmundssonog Gagarín sá um Margmiðlunina.  Það er fyrsti hluti Þjórsárstofu sem opnaður er í ár ásamt nýrri veitingastofu, en á næsta ári verður síðari hluti gestastofunnar fullbúinn. Af þessu tilefni hefur Ari Trausti Guðmundsson í samvinnu við ýmsa aðila gert nýja fræðslumynd um Þjórsárdalinn, sem er í senn einstök náttúruperla og merkur sögustaður.  Myndin verður sýnd í sjónvarpinu á næstunni og síðar seld ferðamönnum. Vaxandi fjöldi ferðamanna leggur leið sína í Þjórsárdal ár hvert, enda eru þar fjölbreyttir útivistarmöguleikar í einstakri náttúru og sögustaðir s.s. Stöng og Þjóðveldisbærinn. Undanfarin ár hefur verið unnið markvisst að uppbyggingu í dalnum í samvinnu við Fornleifavernd ríkisins, Skógræktina og Ferðamálastofu. Stígar hafa verið lagðir og sögustaðir merktir auk þess sem áhugahópur heimamanna hefur unnið að fjölbreyttum verkefnum sem miða að því að gera sögu dalsins sýnilega.  Meðal verkefna eru Landnámsdagur sem haldinn er annað hvert ár og Gaukssaga leikverk um Gauk í Stöng sem sýnt var nýlega.Allt stuðlar þetta að því að fjölga áhugaverðum áningarstöðum ferðamanna, fá þá til að fara víðar og dvelja lengur.ásamt Heimasíða: www.thjorsarstofa.is
Lesa meira

Fjöldi ferðamanna í maí

Samkvæmt talningum Ferðamálastofu fóru 37.212 erlendir ferðamenn frá landinu um Leifsstöð í maí síðastliðnum og er um að ræða einn af fjölmennustu maímánuðum frá upphafi talninga. Fjöldi ferðamanna hefur þrívegis áður verið um og yfir 35 þúsund í maí eða árin 2007, 2008 og 2009. Gosið í Eyjafjallajökli hefur áhrif á samanburðÞegar bornar eru saman tölur frá maí í fyrra þarf að hafa í huga að þá hafði gosið í Eyjafjallajökli veruleg áhrif á umferð til og frá landinu. Því eru sveiflur miklar á milli ára. Um er að ræða 31,5% aukningu ferðamanna frá því í maí á síðasta ári, en að meðtöldum 1.300 brottförum í maí í fyrra um Akureyrarflugvöll er aukningin 25,7%. Gosið í Grímsvötnum virðist hins vegar ekki hafa haft umtalsverð áhrif á flugsamgöngur til og frá landinu. Af einstaka þjóðernum voru flestir ferðamenn í maí frá Bandaríkjunum (13,8%), Noregi (12,3%), Danmörku (9,2%), Bretlandi (9,1%), Þýskalandi (8,2%) og Svíþjóð (7,9%). Samanlagt voru Norðurlandabúar um þriðjungur ferðamanna í maí. Umferðin frá áramótumAlls hafa 141 þúsund erlendir ferðamenn farið frá landinu það sem af er ári eða 24.400 fleiri en á sama tímabili í fyrra. Að viðbættum 2.300 brottförum erlendra gesta í millilandaflugi um Akureyrarflugvöll í apríl og maí á árinu 2010 nemur fjölgunin 18,6%. Aukning er frá öllum mörkuðum, langmest frá N-Ameríku eða 46,2%. Þar næst kemur Mið- og Suður Evrópa með 26,8% aukningu og í þriðja sæti koma Norðurlöndin með tæplega 27% aukningu. Aukning frá Bretlandi mælist minni eða tæp 8% og um 11% frá löndum sem talin eru sameiginlega og flokkast undir ,,annað“. Brottfarir ÍslendingaBrottförum Íslendinga fjölgaði um þriðjung í maí frá því í fyrra, voru um 31 þúsund í ár en um 23 þúsund í fyrra. Brottförum Íslendinga frá áramótum hefur fjölgað um tæplega fjórðung í samanburði við sama tímabil árið 2010. Mesti háannatími ferðaþjónustunnar fer í höndFramundan eru stærstu ferðamannamánuðir ársins. Talsverðar væntingar eru til sumarsins og er talið að met verði slegið í komum erlendra ferðamanna til landsins. Ísland hefur fengið mikla umfjöllun í tengslum við gosið í Grímsvötnum, sem að lang mestu leyti virðist ætla að skila sér á jákvæðan hátt fyrir ferðaþjónustuna. Hér að neðan má sjá nánari skiptingu úr talningum Ferðamálastofu eftir þjóðerni og markaðssvæðum.  Maí eftir þjóðernum Janúar - maí eftir þjóðernum       Breyting milli ára       Breyting milli ára   2010 2011 Fjöldi (%)   2010 2011 Fjöldi (%) Bandaríkin 3.470 5.117 1.647 47,5   Bandaríkin 12.885 17.954 5.069 39,3 Bretland 3.137 3.375 238 7,6   Bretland 25.395 27.375 1.980 7,8 Danmörk 2.841 3.436 595 20,9   Danmörk 9.736 11.916 2.180 22,4 Finnland 842 1.248 406 48,2   Finnland 2.841 3.195 354 12,5 Frakkland 1.457 1.737 280 19,2   Frakkland 5.882 7.874 1.992 33,9 Holland 1.467 1.939 472 32,2   Holland 4.984 6.013 1.029 20,6 Ítalía 299 404 105 35,1   Ítalía 1.205 1.495 290 24,1 Japan 184 260 76 41,3   Japan 2.655 2.624 -31 -1,2 Kanada 887 1.443 556 62,7   Kanada 1.859 3.600 1.741 93,7 Kína 269 651 382 142,0   Kína 1.026 1.710 684 66,7 Noregur 3.141 4.560 1.419 45,2   Noregur 10.808 13.162 2.354 21,8 Pólland 772 1.392 620 80,3   Pólland 2.962 3.748 786 26,5 Rússland 111 185 74 66,7   Rússland 477 727 250 52,4 Spánn 327 830 503 153,8   Spánn 1.496 2.304 808 54,0 Sviss 305 325 20 6,6   Sviss 1.052 1.148 96 9,1 Svíþjóð 2.362 2.953 591 25,0   Svíþjóð 8.521 10.567 2.046 24,0 Þýskaland 2.816 3.064 248 8,8   Þýskaland 8.548 10.541 1.993 23,3 Annað 3.611 4.293 682 18,9   Annað 14.527 15.327 800 5,5 Samtals 28.298 37.212 8.914 31,5   Samtals 116.859 141.280 24.421 20,9                       Maí eftir markaðssvæðum Janúar - maí eftir markaðssvæðum       Breyting milli ára       Breyting milli ára   2010 2011 Fjöldi (%)       Fjöldi (%) Norðurlönd 9.186 12.197 3.011 32,8   Norðurlönd 31.906 38.840 6.934 21,7 Bretland 3.137 3.375 238 7,6   Bretland 25.395 27.375 1.980 7,8 Mið-/S-Evrópa 6.671 8.299 1.628 24,4   Mið-/S-Evrópa 23.167 29.375 6.208 26,8 N-Ameríka 4.357 6.560 2.203 50,6   N-Ameríka 14.744 21.554 6.810 46,2 Annað 4.947 6.781 1.834 37,1   Annað 21.647 24.136 2.489 11,5 Samtals 28.298 37.212 8.914 31,5   Samtals 116.859 141.280 24.421 20,9                       Ísland 23.268 31.121 7.853 33,7   Ísland 101.737 125.137 23.400 23,0
Lesa meira