Fréttir

Heimflutningur Íslendinga frá Kanaríeyjum

Ferðaskrifstofurnar VITA, Ferðaskrifstofa Íslands og Heimsferðir, í samstarfi við Icelandair, hafa skipulagt flug frá Kanaríeyjum til Íslands, í gegnum Las Palmas og Tenerife, til að flýta för þeirra fjölmörgu Íslendinga sem staddir eru á eyjunum og áttu bókað flug heim fyrir páska. Búið er að setja útgöngubann á alla sem staddir eru á eyjunum og hótel eru að loka eitt af öðru.
Lesa meira

Skilmálar um endurgreiðslu hjá gististöðum

Undanfarið hefur borið á að stórar bókunarsíður sem íslenskir ferðaþjónustuaðilar eiga viðskipti við hafi þrýst á ferðaþjónustuaðila að samþykkja endurgreiðslu vegna afbókana á gistirýmum þrátt fyrir að bókun hafi verið gerð með þeim skilmálum að hún sé óendurgreiðanleg. Dæmi eru um að bókunarsíður hafi tilkynnt um afbókun gistirýmis sem bókað hefur verið með þeim skilmálum að það sé óendurgreiðanlegt, endurgreitt viðskiptavini og krafið ferðaþjónustuaðilann um endurgreiðslu.
Lesa meira

Niðurstaða fundar Ferðamálastofu með forráðamönnum ferðaskrifstofanna VITA, Heimsferða og Ferðaskrifstofu Íslands

Samkeppniseftirlitið veitti, með ákvörðun nr. 12/2020, undanþágu fyrir samstarfi á vettvangi ferðaþjónustunnar og Ferðamálastofu í því skyni að tryggja hagsmuni ferðalanga og treysta stoðir samkeppnishæfrar ferðaþjónustu. Í framhaldi af þessari ákvörðun boðaði Ferðamálastofa til fundar sunnudaginn 15. mars 2020 með fulltrúum þriggja ferðaskrifstofa, VITA, Heimsferða og Ferðaskrifstofu Íslands, sem selja pakkaferðir til Alicante, Kanaríeyja og Tenerife. Niðurstaða fundarins er meðfylgjandi.
Lesa meira

Leiðbeiningar til veitingastaða og hópferðabíla vegna tveggja metra reglu!

Líkt og fram hefur komið fylgir þeim takmörkunum á samkomuhaldi sem stjórnvöld kynntu í gær að fyrir samkomur með færri en 100 gesti þarf að tryggja að nánd milli fólks sé að minnsta kosti yfir tveir metrar. Hér koma nánari leiðbeiningar hvað þetta varðar fyrir veitingastaði og hópferðabíla.
Lesa meira

Til þeirra sem keypt hafa pakkaferð til skilgreindra áhættusvæða

Hafir þú keypt pakkaferð til einhverra af þeim löndum sem íslensk yfirvöld hafa skilgreint sem svæði með mikla smitáhættu þá ráðleggur Ferðamálastofa þér að hafa samband við ferðaskrifstofuna varðandi framkvæmd hennar, afpöntun eða aflýsingu þar sem sóttvarnarlæknir ráðleggur gegn ferðalögum á þau svæði.
Lesa meira

11% fækkun á milli ára í febrúar

Brottfarir erlendra farþega* frá landinu um Keflavíkurflugvöll voru 133 þúsund í nýliðnum febrúar eða um 16 þúsund færri en í febrúar árið 2019 samkvæmt talningu Ferðamálastofu. Fækkun nemur 10,7% milli ára. Er þetta annað árið í röð sem brottförum farþega fækkar í febrúar og kemur í framhaldi af 13% fækkun í janúar.
Lesa meira

Vel sóttur upplýsingafundur vegna COVID-19

Ferðamálastofa og Samtök ferðaþjónustunnar boðuðu í dag til upplýsingafundar vegna COVID-19. Fundurinn var ætlaður forsvarsfólki og stjórnendum í ferðaþjónustunni. Um 70 manns mættu á fundinn, um 300 fylgdust að jafnaði með í beinu streymi á netinu og var mikil ánægja með framtakið. Fram kom að Ferðamálastofa og SAF áforma annan fund innan skamms þar sem réttindi og skyldur ferðafólks og fyrirtækja verða umfjöllunarefnið.
Lesa meira

1,5 milljarði veitt til innviða og náttúruverndar á ferðamannastöðum

Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, og Guðmundur Ingi Guðbrandsson, umhverfis- og auðlindaráðherra, gerðu í dag grein fyrir úthlutun fjármuna til uppbyggingu innviða, náttúruverndar og annarra verkefna á ferðamannastöðum árið 2020. Samtals er nú úthlutað rúmum 1,5 milljarði króna úr Landsáætlun um uppbyggingu innviða og Framkvæmdasjóði ferðamannastaða sem gerir kleift að halda áfram því mikilvæga verkefni að byggja upp innviði á ferðamannastöðum.
Lesa meira

Ferðamálaskýrsla OECD komin út - Sérkafli um Ísland

Annað hvert ár gefur ferðamálanefnd OECD út veglegt rit sem inniheldur helstu tölfræði og lýsingu á tilhögun ferðamála í öllum OECD löndunum. Skýrslan nefnist Tourism Trends & Policies 2020 hefur nýjasta útgáfa nú verið birt.
Lesa meira

Mikilvægar upplýsingar til ferðafólks og starfsfólks í ferðaþjónustu

Ferðamálastofa sendi í morgun út upplýsingar á íslensku og ensku til ferðaþjónustuaðila og ferðamanna varðandi COVID-19. Upplýsingarnar eru byggðar á ráðleggingum sóttvarnalæknis og unnar í samvinnu atvinnuvega- og nýsköpunarráðuneytis og utanríkisráðuneytis.
Lesa meira