Fréttir

Tæplega 700 þúsund erlendir farþegar 2021

Brottfarir erlendra farþega* frá landinu um Keflavíkurflugvöll voru tæplega 688 þúsund árið 2021 eða um 209 þúsund fleiri en árið 2020, samkvæmt talningu Ferðamálastofu og Isavia. Aukningin milli ára nemur 44%. Leita þarf níu ár aftur í tímann til að sjá álíka fjölda brottfara erlendra farþega. Í kjölfarið á afléttingu ferðatakmarkana í júní 2021 tók ferðamönnum að fjölga en um 95% brottfara árið 2021 voru á síðari hluta ársins (júní-des.). Bandaríkjamenn voru um þriðjungur allra brottfara.
Lesa meira

Dagur Ábyrgrar ferðaþjónustu 19 janúar

Þann 19. janúar næstkomandi verður Dagur Ábyrgrar ferðaþjónustu haldinn hátíðlegur í Grósku. Af því tilefni er það fyrirtæki verðlaunað sem þykir hafa skarað fram úr þegar kemur að ábyrgri hegðun, rekstri og framúrskarandi samfélagsábyrgð í ferðaþjónustu á árinu.
Lesa meira

Fjárhagsstaða ferðaþjónustu 2020 og 2021 - Kynning á fjárhagsgreiningu og birting skýrslu

KPMG hefur unnið ítarlega greiningu á fjárhagsstöðu ferðaþjónustunnar fyrir Ferðamálastofu og eru niðurstöður hennar kynntar í skýrslu sem gefin hefur verið út. Byggir hún á ársreikningum ferðaþjónustufyrirtækja fyrir árið 2020, utan flugs og flugtengdrar starfsemi. Þá er sótt í margvíslegar aðrar upplýsingar um rekstur og efnahag greinarinnar.
Lesa meira

Staða íslenskrar ferðaþjónustu í árslok 2021 - fjárhags- og rekstrargreining

Þriðjudaginn 4. janúar klukkan 11:00 verður kynning á fjárhags- og rekstrargreiningu íslenskrar ferðaþjónustu fyrir árin 2020 og 2021. Lilja Dögg Alfreðsdóttir ferðamálaráðherra mun opna kynninguna og síðan munu Skarphéðinn Berg Steinarsson ferðamálastjóri og Benedikt K. Magnússon sviðstjóri ráðgjafasviðs KPMG kynna niðurstöður skýrslunnar. Kynningunni verður streymt beint um netið og gerð aðgengileg á vefsíðu Ferðamálastofu að henni lokinni.
Lesa meira

Jólakveðjur frá Ferðamálastofu

Ferðamálastofa sendir samstarfsaðilum og landsmönnum öllum kærar jólakveðjur og óskir um gæfuríkt nýtt ár.
Lesa meira

Raggagarður í Súðavík hlýtur Umhverfisverðlaun Ferðamálastofu 2021

Í dag var tilkynnt hver myndi hljóta Umhverfisverðlaun Ferðamálastofu fyrir árið 2021. Ferðamálastofa hefur ákveðið að verðlaunin komi að þessu sinni í hlut Vilborgar Arnarsdóttur fyrir uppbyggingu Raggagarðs í Súðavík.
Lesa meira

Rekstur ferðaþjónustunnar á liðnu sumri og horfurnar framundan - Niðurstöður og kynning könnunar

Ferðaþjónustan hefur átt undir högg að sækja í heimsfaraldri kórónuveirunnar. Þrátt fyrir að veiran hafi ennþá mikil áhrif á íslenska ferðaþjónustu er ljóst að ferðaþjónustan gekk betur síðastliðið sumar samanborið við sumarið 2020.
Lesa meira

Greiðsla iðgjalda í Ferðatryggingasjóð

Ferðamálastofa vekur athygli á ekki verða gefnar út sérstakar kvittanir fyrir greiðslu iðgjalds í Ferðatryggingasjóð 2021 en bendir á að hægt er að prenta út kvittun fyrir greiðslunni í netbanka ferðaskrifstofunnar sem fylgiskjal í bókhaldi. Einnig er möguleiki á að prenta út iðgjaldsákvörðunina og láta fylgja með.
Lesa meira

Endurmat tryggingaútreikninga og réttmæti gagna

Ferðamálastofa vekur athygli á því að í upphafi nýs árs (2022) mun stofnunin hefja eftirlit með réttmæti framlagðra gagna og upplýsinga sem lágu til grundvallar endurmati tryggingaútreikninga.
Lesa meira

Hvernig gekk rekstur ferðaþjónustunnar í sumar og hverjar eru horfurnar framundan? - Kynning

Miðvikudaginn 15. desember mun Oddný Þóra Óladóttir sérfræðingur á tölfræðisviði Ferðamálastofu kynna niðurstöður nýrrar könnunar sem gerð var til að meta hvernig sumarið 2021 gekk hjá íslenskum ferðaþjónustufyrirtækjum í samanburði við 2020 og 2019 og hvernig fyrirtækin sjá horfurnar framundan.
Lesa meira