Fréttir

Fyrr í dag sendum við út upplýsingar til ferðaskrifstofa vegna árlegs endurmats tryggingarfjárhæðar. Nú hafa borist viðbótarupplýsingar sem þessu tengjast og nauðsynlegt er að koma á framfæri.

Að frumkvæði Ferðamálastofnunar Sameinuðu þjóðanna (UNWTO) og Alþjóða heilbrigðismálastofununarinnar (WHO) hefur verið sett á laggirnar samkeppni sem hefur að markmiði að fá frumkvöðla til að koma fram með nýjungar í ferðaþjónustu til lengri tíma. Um er að ræða ákall til ríkja heims að auka áherslu á hvers kyns nýsköpun og rannsóknir.

Tæplega helmingur landsmanna telur að útbreiðsla kórónaveirunnar muni að nokkru eða miklu leyti hamla ferðalögum innanlands næsta hálfa árið. Engu að síður stefna tæp 90% landsmanna að því að ferðast innanlands. Þetta eru niðurstöður könnunar sem Ferðamálastofa lét framkvæma til að meta áhrif kórónaveirunnar á ferðaáform landsmanna.

Útbúin hafa verið tvö ný leiðbeiningamyndbönd til aðstoðar þeim sem annað hvort eru að sækja um ný ferðaskrifstofuleyfi eða skila inn árlegum gögnum vegna endurmats tryggingarfjárhæðar.

Nú er sem kunnugt er búið er að herða kröfurnar vegna samkomubans og hámarks fjöldi í hópum og hverju rými er 20 manns. Ferðamálastofa hefur í samvinnu við Embætti landlæknis og heilbrigðisráðuneytið unnið eftirfarandi leiðbeiningar. Munum einnig 2ja metra regluna.

Ferðamálastofa gefur nú út fréttapunkta fyrir hagaðila í ferðaþjónustu þar sem teknar eru saman upplýsingar og greiningar á stöðu og horfum í greininni, heimafyrir og alþjóðlega á þeim óvissutímum sem nú eru. Ákveðið hefur verið að opna póstlista þessarar upplýsingagjafar fyrir öllum þeim sem áhuga hafa.

Í ljósi þeirra sérstöku aðstæðna sem uppi eru vegna útbreiðslu COVID-19 hefur atvinnuvega- og nýsköpunarráðuneytið beint því til ferðamanna að huga vel að því hvort þeir geti tekið við inneignarnótu fyrir pakkaferð í stað endurgreiðslu. Jafnframt hefur Neytendastofa gefið út leiðbeiningar um inneignarnótur og breytingar pakkaferða.

Ferðamálastofa, Neytendastofa, Neytendasamtökin og Samgöngustofa stóðu í dag fyrir upplýsingafundi fyrir ferðaþjónustuna. Farið var yfir skyldur ferðaþjónustuaðila og rétt neytenda. Fundurinn var alfarið með fjarfundarfyrirkomulagi og streymt á Facebooksíðu Ferðamálastofu.

Þórdís Kolbrún Reykfjörð Gylfadóttir, ferðamálaráðherra, hefur gefið út reglugerð sem heimilar Ferðamálastofu að taka tillit til aðstæðna tryggingaskyldra aðila vegna Covid-19 faraldursins og áhrifa hans á íslensk ferðaþjónustufyrirtæki við útreikning tryggingarfjárhæðar. Samkvæmt reglugerðinni, sem hefur þegar tekið gildi, er heimilt að áætlun tryggingaskylds aðila fyrir árið 2020 verði lögð til grundvallar við útreikning í stað ársins 2019 eins og gildandi reglur gera ráð fyrir.

Ferðaskrifstofurnar VITA, Ferðaskrifstofa Íslands og Heimsferðir, í samstarfi við Icelandair, hafa skipulagt flug frá Kanaríeyjum til Íslands, í gegnum Las Palmas og Tenerife, til að flýta för þeirra fjölmörgu Íslendinga sem staddir eru á eyjunum og áttu bókað flug heim fyrir páska. Búið er að setja útgöngubann á alla sem staddir eru á eyjunum og hótel eru að loka eitt af öðru.