Fréttir

Yfirlit flugumferðar um Keflavíkurflugvöll er nýjasta viðbótin í Mælaborði Ferðaþjónustunnar. Tölurnar eru fengnar af vef Isavia og meðal annars má sjá tíðni á hverri flugleið, fjölda áfangastaða og skiptingu eftir stærstu flugfélögum.

Nú um áramótin tóku gildi tvenn ný lög á sviði ferðamála. Þegar er hægt er að sækja um ný leyfi sem ferðasali dagsferða í gegnum Þjónustugátt Ferðamálastofu. Eftir á að staðfesta nýja reglugerð um tryggingar vegna pakkaferða og verður ekki hægt að sækja um leyfi sem ferðaskrifstofa fyrr en hún er tilbúin. Þeir sem eru í dag með leyfi sem ferðaskipuleggjandi eða skráð bókunarþjónusta þurfa að endurnýja leyfi sín fyrir 1. mars miðað við nýjar forsendur.

Efnahags- og framfarastofnun Evrópu, OECD, gaf nýlega út skýrslu sem ber heitið “Analysing Megatrends to Better Shape the Future of Tourism (2018)“. Í skýrslunni er fjallað um leitni og þróun ýmissa grundvallarþátta samfélaga, sem talið er að muni hafa afgerandi áhrif á framtíð og vöxt ferðaþjónustu.

Þegar þáttaröðin Ferðalausnir – Stafræn tækifæri fór af stað í október var það Helgi Þór Jónsson hjá Markaðshúsinu Sponta sem reið á vaðið. Í nýjum þætti heldur hann áfram að fara yfir hvernig ferðaþjónustuaðilar geta lækkað rekstrarkostnað með því að rækta milliliðalaust samband við ferðamenn og fá fleiri beinar bókanir.

Brottfarir erlendra farþega* frá landinu um Keflavíkurflugvöll voru 2,3 milljónir árið 2018 eða um 120.600 fleiri en árið 2017, samkvæmt talningu Ferðamálastofu og Isavia. Aukning milli ára nemur 5,5%. Fjölgunin er minni en undanfarin ár en hún var á bilinu 24,1% til 40,1% milli ára á tímabilinu 2013-2017.