Fréttir

Vel heppnuð Vestnorden kaupstefna að baki

Nú eru komnar hér inn á vefinn myndir sem teknar voru á Vestnorden 2010 á Akureyri. Kaupstefnan þótti takast með miklum ágætum en þátttakendur voru um 550 talsins. Kynningar á aðildarlöndum kaupstefnunnar og móttökur fóru fram í nýju og glæsilegu menningarhúsi Akureyringa, Hofi, en kaupstefnan sjálf fór fram í Íþróttahöllinni. Þar var einnig hátíðarkvöldverður í gærkvöld sem var sannarlega glæsilegur lokapunktur á vel heppnuðum dögum. Fram kom að Vestnorden 2011 verður haldið í Færeyjum dagana 13.-14. september á næsta ári. Skoða myndir frá Vestnorden 2010
Lesa meira

Vestnorden ferðakaupstefnan hafin

Vestnorden ferðakaupstefnan var sett í dag á Akureyri . Þar koma saman yfir 550 seljendur ferðaþjónustu á Íslandi, Grænlandi og Færeyjum og kaupendur víðs vegar að úr heiminum. Kaupstefnan er einstakt tækifæri fyrir seljendur ferðaþjónustu þessara landa til að komast í tæri við mögulega kaupendur, byggja upp viðskiptasambönd og selja þjónustu sína. Hún er einnig mikilvægt tækifæri fyrir Vestnorrænu löndin að samþætta þjónustu sína og efla samvinnu sín á milli, í samvinnu þessara landa felast mikil ferðaþjónustutækifæri. Haldin í Hofi og ÍþróttahöllinniKynningar á aðildarlöndum kaupstefnunnar og móttökur fara fram í nýju og glæsilegu menningarhúsi Akureyringa, Hofi, en kaupstefnan sjálf fer fram í Íþróttahöllinni. Þar hefur verið stillt upp glæsilegum sýningarsal fyrir yfir 200 sýnendur, langstærstur hluti þeirra íslenskir ferðaþjónustuaðilar. Íþróttahöllin mun því iða af lífi en kaupstefnan er með þeim stærstu sem sett hefur verið upp í húsinu. Kaupendur koma víða aðFerðaheildsalarnir eða kaupendurnir eru frá tæplega 100 fyrirtækjum, alls 125 talsins og koma frá 25 löndum, Ástralíu, Bretlandi, Thailandi, Bandaríkjunum, Norðurlöndunum og meginlandi Evrópu. Þá koma einnig til kaupstefnunnar blaðamenn og boðsgestir, alls eru því hátt í 600 manns sem koma að kaupstefnunni með einum eða öðrum hætti. Formleg dagskrá Vestnorden hófst með ráðstefnu í Hofi  fyrir hádegi í dag þar sem meðal annars voru kynningar frá öllum landshlutum. Eftir hádegi hófst hin eiginlega kaupstefna í Íþróttahöllinni með fyrirframbókuðum fundum kaupenda og seljanda, eða ferðaheildsala. North Atlantic Tourism Association (NATA) stendur fyrir kaupstefnunni en Ísland, Grænland og Færeyjar eru aðilar að NATA. Kaupstefnan er haldin árlega, annað hvert ár á Íslandi og annað hvert ár til skiptis í umsjón Færeyinga og Grænlendinga. Kaupstefnan í ár er sú 25. í röðinni. Kaupstefunni lýkur með hátíðardagskrá á fimmtudagskvöld sem fram fer í Flugsafninu og í Íþróttahöllinni.
Lesa meira

Gistinóttum fækkaði um 5% í júlí

Tölur Hagstofunnar um gistinætur á hótelum í júlí sýna að þeim fækkaði um 5% á milli ára. Gistinætur á hótelum í júlí síðastliðnum voru 193.500 en voru ríflega 203 þúsund í sama mánuði árið 2009. Fækkun gistinátta í júlí náði til allra landsvæða nema Vesturlands, Vestfjarða og Suðurnesja. Gistinóttum fækkaði mest á Norðurlandi úr 25.000 í 23.000 eða 8%. Á höfuðborgarsvæðinu fækkaði gistinóttum úr 117.200 í 109.600 um tæp 7% miðað við sama tímabil árið 2009. Á Austurlandi fækkaði gistinóttum einnig, úr 12.500 í 11.900 eða um 5%. Á Suðurlandi fækkaði gistinóttum úr 30.900 í 29.800 eða um rúm 3% samanborið við júlí 2009. Á Vesturlandi og Vestfjörðum fjölgaði gistinóttum um rúmlega 12%, úr 9.400 í 10.500. Á Suðurnesjum fjölgaði gistinóttum einnig, fóru úr 8.400 í 8.700, 4% milli ára. Fækkun gistinátta á hótelum í júlí nær bæði til erlendra gesta og Íslendinga. Gistinóttum Íslendinga á hótelum fækkaði um 15% samanborið við júlí 2009 og  gistinóttum erlendra gesta fækkar um 4%. Þróunin fyrstu sjö mánuðinaGistinætur fyrstu sjö mánuði ársins voru 763.700 en voru 773.600 á sama tímabili 2009. Gistinóttum fjölgaði á Vesturlandi og Vestfjörðum ásamt Suðurlandi yfir þetta tímabil um tæp 3%. Fækkun á höfuðborgarsvæðinu er um 3% en gistinætur eru svipaðar í öðrum landshlutum miðað við sama tímabil 2009. Fyrstu sjö mánuði ársins fækkar gistinóttum Íslendinga um 9% á meðan gistinóttum  útlendinga fjölgar um 1% miðað við sama tímabil 2009. Hagstofan vekur athygli á því að hér er eingöngu átt við gistinætur á hótelum, þ.e. hótelum sem opin eru allt árið.  Til þessa flokks gististaða teljast hvorki gistiheimili né hótel sem eingöngu eru opin yfir sumartímann.
Lesa meira

Umsóknarfrestur í Tækniþróunarsjóð og verkefnið Átak til atvinnusköpunar

Vert era ð vekja athugli á að nú er opið fyrir umsóknir í Tækniþróunarsjóð og verkefnið Átak til atvinnusköpunar. Umsóknarfrestur rennur í báðum tilfellum út síðar í mánuðinum. Tækniþróunarsjóður Tækniþróunarsjóður heyrir undir iðnaðarráðherra. Hann starfar samkvæmt lögum um opinberan stuðning við tækniþróun og nýsköpun í þágu atvinnulífsins, nr. 75/2007. Umsóknarfrestur er til kl. 17:00 þann 15. september. Nánar Átak til atvinnusköpunar Átak til atvinnusköpunar veitir styrki til nýsköpunarverkefna og markaðsaðgerða starfandi frumkvöðla- og nýsköpunarfyrirtækja. Nýsköpunarmiðstöð Íslands hefur umsjón með verkefninu fyrir hönd iðnaðarráðuneytisins. Umsóknarfrestur er til 21. september 2010. Nánar
Lesa meira

Málþing um óskráða vinnu í ferðaþjónustu.

Starfsgreinasambandið mun halda sérstakt málþing að Hótel Reynihlíð við Mývatn dagana 23. og 24. september nk. um óskráða vinnu í ferðaþjónustu og hvernig taka beri á vandanum. Samtök Ferðaþjónustunnar, Ferðaþjónustu bænda, Ríkisskattstjóri og Vinnumálastofnunar auk fulltrúa verklýðshreyfingarinnar taka þátt í fundinum. Eining-Iðja mun senda fjóra fulltrúa á málþingið.  Dagskrá málþingsins má skoða hér.  
Lesa meira

Fjöldi ferðamanna í ágúst

Alls fóru 89.600 erlendir gestir frá landinu í nýliðnum ágústmánuði um Leifsstöð eða um 2.500 færri en í ágúst árið 2009. Fækkunin nemur 2,7% millli ára. Mun fleiri Íslendingar eða 23% fleiri fóru utan í ágústmánuði í ár en í fyrra, voru 29.900 í ágúst síðastliðnum en 24.400 á síðasta ári.   Þegar litið er til einstakra markaðssvæða má sjá nokkra aukningu frá Norður-Ameríku eða um 13,2%. Norðurlandabúum fjölgar lítilsháttar eða um 2,5% og munar þar mestu um 16% aukningu Norðmanna. Mið- og S-Evrópubúum fækkar um tæp 7% en þar munar mestu um fækkun Ítala, Spánverja og Hollendinga, svipaður fjöldi kemur frá Þýskalandi og Sviss og fleiri Frakkar koma í ár en í fyrra. Bretum fækkar um 11,4% og gestum frá löndum sem flokkast undir ,,Annað ? um 2,7% Frá áramótum hafa farið 344.300 erlendir gestir frá landinu eða 8.800 færri en árinu áður og nemur fækkunin 2,5%. Mest hefur fækkunin orðið frá Norðurlöndunum eða 8,3% og frá löndum sem flokkast undir "Annað" eða 5,9%. Aukning hefur hins vegar verið í brottförum frá Norður-Ameríku um 12,1%. Svipaður fjöldi Breta hefur komið í ár og í fyrra. Erlendum gestum frá Mið- og S-Evrópu hefur hins vegar fækkað lítilsháttar frá áramótum í samanburði við fyrra ár eða um 2,2%. Nánari niðurstöður úr talningum Ferðamálastofu má sjá í töflum hér að neðan. Ágúst eftir þjóðernum Janúar-ágúst eftir þjóðernum       Breyting milli ára       Breyting milli ára   2009 2010 Fjöldi (%)   2009 2010 Fjöldi (%) Bandaríkin 7.329 8.363 1.034 14,1 Bandaríkin 32.340 36.633 4.293 13,3 Bretland 7.208 6.383 -825 -11,4 Bretland 41.965 42.051 86 0,2 Danmörk 6.058 5.804 -254 -4,2 Danmörk 30.861 27.857 -3.004 -9,7 Finnland 1.824 1.762 -62 -3,4 Finnland 8.679 7.831 -848 -9,8 Frakkland 8.824 9.103 279 3,2 Frakkland 24.196 24.750 554 2,3 Holland 3.523 3.265 -258 -7,3 Holland 14.420 12.972 -1.448 -10,0 Ítalía 5.895 4.149 -1.746 -29,6 Ítalía 11.159 8.391 -2.768 -24,8 Japan 801 557 -244 -30,5 Japan 4.958 3.887 -1.071 -21,6 Kanada 2.528 2.795 267 10,6 Kanada 8.606 9.261 655 7,6 Kína 1.122 868 -254 -22,6 Kína 3.708 3.481 -227 -6,1 Noregur 4.149 4.822 673 16,2 Noregur 25.094 24.687 -407 -1,6 Pólland 1.686 1.875 189 11,2 Pólland 10.397 9.665 -732 -7,0 Spánn 6.499 5.257 -1.242 -19,1 Spánn 11.668 10.537 -1.131 -9,7 Sviss 2.826 2.829 3 0,1 Sviss 7.626 8.052 426 5,6 Svíþjóð 4.111 4.152 41 1,0 Svíþjóð 22.797 19.783 -3.014 -13,2 Þýskaland 14.330 14.414 84 0,6 Þýskaland 42.751 44.680 1.929 4,5 Annað 13.308 13.160 -148 -1,1 Annað 51.885 49.755 -2.130 -4,1 Samtals 92.021 89.558 -2.463 -2,7 Samtals 353.110 344.273 -8.837 -2,5 Ágúst eftir markaðssvæðum Janúar-ágúst eftir markaðssvæðum       Breyting milli ára       Breyting milli ára   2009 2010 Fjöldi (%)   2009 2010 Fjöldi (%) Norðurlönd 16.142 16.540 398 2,5 Norðurlönd   87.431     80.158 -7.273 -8,3 Bretland 7.208 6.383 -825 -11,4 Bretland   41.965     42.051 86 0,2 Mið-/S-Evrópa 41.897 39.017 -2.880 -6,9 Mið-/S-Evrópa 111.820   109.382 -2.438 -2,2 Norður Ameríka 9.857 11.158 1.301 13,2 Norður Ameríka 40.946    45.894 4.948 12,1 Annað 16.917 16.460 -457 -2,7 Annað   70.948     66.788 -4.160 -5,9 Samtals 92.021 89.558 -2.463 -2,7 Samtals 353.110 344.273 -8.837 -2,5 Ísland 24.352 29.915 5.563 22,8 Ísland 172.445 190.838 18.393 10,7
Lesa meira

Skráning á World Travel Market 2010

Líkt og undanfarin ár tekur Visiticeland/Íslandsstofa þátt í World Travel Market ferðasýningunni í London. Íslenskum ferðaþjónustuaðilum býðst að fá aðstöðu í bás Íslands gegn föstu gjaldi og nú er komið hér inn á vefinn skráningarblað fyrir sýninguna. World Travel Market er ein stærsta ferðasýning í heimi og haldin árlega. Að þessu sinni fer hún fram dagana 8.-11. nóvember og er í ExCel sýningarhöllinni í London líkt og undanfarin ár. Sýningin er opin 4 daga fyrir ferðaþjónustuaðila (trade) en af þeim eru 2 síðustu dagarnir einnig fyrir almenning, þá sérstaklega síðasti dagurinn. Ferðamálastofa sér um að útbúa básinn og skapa mönnum aðstöðu til að hitta viðskiptavini sína en síðan er undir hverjum og einum komið að nýta tækifærið sem best. Skráningu lýkur 15. septemberHér fyrir neðan er tengill á eyðublað til skráningar í íslenska sýningarbásinn á World Travel Market 2010 en vakin er athygli á því að skráningu lýkur 15. september næstkomandi. Einnig er tengill á heimasíðu sýningarinnar. Skráning á WTM 2010 (PDF-skjal) Heimasíða sýningarinnar Nánari upplýsingar um sýningar í Bretlandi veitir Sigríður Gróa Þórarinsdóttir, markaðsstjóri, siggagroa@islandsstofa.is  Sími: 511 4000  
Lesa meira

Hindustian Times - Indland

Hindustian Times Sunday Magazine (PDF)    
Lesa meira

Hindustian Times - Indland

Hindustian Times Sunday Magazine (PDF)    
Lesa meira

Hindustian Times - Indland

Hindustian Times Sunday Magazine (PDF)    
Lesa meira