Fréttir

Auglýst eftir framkvæmdaaðila rannsóknar á innlendri ferðaþjónustu á Norðurlöndunum

Norræna ráðherranefndin óskar eftir tilboðum í framkvæmd rannsóknar á innlendri ferðaþjónustu á Norðurlöndunum undir heitinu „Exploring domestic tourism in the Nordics.“ Rannsóknin miðar að því að veita innsýn inn í þá þróun sem hefur átt sér stað á innlendri ferðaþjónustu á Norðurlöndunum frá því að Covid-19 heimsfaraldurinn skall á og um leið spá fyrir um framtíðarþróun. Áhersla verður lögð á að safna upplýsingum um hvernig tekist hefur til við að þróa og markaðssetja innlenda ferðaþjónustu á Norðurlöndunum.
Lesa meira

Þjóðerni brottfarafarþega í mars

Bretar voru 27,6% af erlendum brottfararfarþegum í mars. Sé horft aftur í tímann hafa Bretar löngum verið fjölmennastir af þeim sem sækja landið heim yfir vetrartímann en fjöldinn er enn nokkuð frá því sem var áður en Covid skall á. Fjöldatölur munu birtast hér á vefnum 11. apríl næstkomandi.
Lesa meira

Ný könnun um ferðalög Íslendinga og ferðaáform 2022

Ferðamálastofa birtir nú niðurstöður úr nýrri könnun meðal Íslendinga um ferðalög þeirra á árinu 2021 og ferðaáform á árinu 2022. Könnunin var gerð dagana 1. til 22. febrúar og var framkvæmdin í höndum Gallup. Sambærileg könnun hefur verið framkvæmd á vegum Ferðamálastofu í rúman áratug, eða frá árinu 2010.
Lesa meira

Spákerfi fyrir ferðaþjónustuna - áskoranir, lærdómar og fyrstu niðurstöður

Ráðgjafarfyrirtækið Intellecon er að vinna fyrir Ferðamálastofu að því að þróa spálíkön fyrir ferðaþjónustuna hér á landi, bæði til skemmri og lengri tíma. Verið er að búa til heildstætt spákerfi með viðeigandi tíðni fyrir stærðir er lýsa umfangi ferðaþjónustunnar.Tilgangur verkefnisins er m.a. að styrkja forsendur áætlanagerðar og stefnumótunar fyrirtækja í greininni, hjá stjórnvöldum og öðrum haghöfum greinarinnar.
Lesa meira

Lögreglan á Suðurnesjum handhafi öryggisverðlauna

Eldgosið á Reykjanesi á síðasta ári var fjölsóttasti ferðamannastaður landsins. Þúsundir innlendra og erlendra ferðamanna heimsóttu gosstöðvarnar, mest dagana eftir að eldgosið hófst. Alls hafa nú um 370 þúsund ferðamenn heimsótt svæðið. Bregðast þurfti skjótt við enda varð til ferðamannastaður í fjalllendi Reykjaness um vetur. Strax í upphafi þurfti að gæta að öryggi ferðamanna á svæðinu með uppbyggingu aðstöðu og stjórnun aðstæðna.
Lesa meira

Öryggi í ferðaþjónustu - Málþing í Grindavík 22. mars

Á málþinginu sem haldið verður í Gjánni í Grindavík 22. mars 2022 kl. 13.30 – 16.00 þar verða afhent verðlaun fyrir mikilsvert framlag til öryggismála ferðamanna. Þá verður frumsýnt nýtt myndband sem segir frá og lýsir mikilvægi samstarfs til að stuðla að öryggi ferðamanna.
Lesa meira

76 þúsund brottfarir erlendra farþega í febrúar

Brottfarir erlendra farþega frá landinu um Keflavíkurflugvöll voru tæplega 76 þúsund í nýliðnum febrúarmánuði samkvæmt talningu Ferðamálastofu. Um er að ræða gjörbreytta stöðu frá síðasta ári þegar brottfarir erlendra farþega voru um þrjú þúsund talsins.
Lesa meira

Skilafrestur gagna vegna endurmats tryggingafjárhæða 1. apríl

Opnað hefur verið fyrir skil á gögnum vegna endurmats tryggingafjárhæða ferðaskrifstofa (Árleg skil). Frestur til skila er 1. apríl n.k. Það er því mikilvægt að ferðaskrifstofur fari að huga að skilum og að gera ráðstafanir þar sem ársreikningur þarf að vera tilbúinn 1. apríl n.k.
Lesa meira

Þjóðerni brottfarafarþega í febrúar

Bretar voru 38% af erlendum brottfararfarþegum í febrúar sem er álíka og á tímabilinu 2012-2017 en þá voru Bretar á bilinu 37,7%-43,5% af brottförum í febrúar. Fjöldi brottfarafluga frá Keflavík er enn undir því sem það var fyrir faraldur ognálgast fyrri umferð hægt (-30,7% mv. jan. 2020)
Lesa meira

Samið um markaðssetningu Norður- og Austurlands í tengslum við Akureyrar- og Egilsstaðaflugvöll

Lilja Alfreðsdóttir, menningar- og viðskiptaráðherra, undirritaði í gær samning við Markaðsstofu Norðurlands og Austurbrú um markaðssetningu Norðurlands og Austurlands í tengslum við flugvellina á Akureyri og Egilsstöðum og aukið millilandaflug þar. Markaðsstofan fær 20 milljónir til að sinna þessu verkefni á Norðurlandi á þessu ári og Austurbrú fær sömu upphæð fyrir Austurland.
Lesa meira