Fréttir

Þordís Kolbrún Reykfjörð Gylfadóttir, ferðamála-, iðnaðar- og nýsköpunarráðherra undirritaði í dag samning við Íslandsstofu og Ferðamálastofu um heildstæða landkynningar- og upplýsingaþjónustu fyrir ferðamenn undir merkjum Visit Iceland.

Bendum á að í samráðsgátt stjórnvalda hefur verið birt frumvarp til laga um Ferðatryggingasjóð og reglugerð sem sett verður til nánari útfærslu fyrir sjóðinn. Með frumvarpinu er lagt til að komið verði á fót nýju tryggingakerfi fyrir pakkaferðir í stað þess sem nú gildir.

Ferðamálastofu bárust alls 44 umsóknir frá ferðaskrifstofum um frestun afborgana af skuldabréfum Ferðaábyrgðasjóðs. Þær ferðaskrifstofur sem sóttu um frestun afborgana greiða fyrstu afborgun skuldabréfa hinn 1. desember næstkomandi.

Ríflega helmingur (54%) Evrópubúa hefur áform um ferðalög næstu sex mánuðina eða fyrir júlílok samkvæmt nýjustu könnun¹ Evrópska ferðamálaráðsins (ETC) sem kynnt var á vefsíðu ráðsins í gær. Könnunin hefur verið gerð á mánaðarfresti frá því í ágúst síðastliðnum meðal íbúa helstu ferðamannaþjóða Evrópu.

Ferðaskrifstofuleyfi ferðaskrifstofunnar Travice ehf., kt. 631012-1240, Birkidal 10, 230 Reykjanesbæ, hefur verið fellt úr gildi þar sem félagið hefur hætt ferðaskrifstofurekstri.

Ferðaskrifstofuleyfi ferðaskrifstofunnar Northbound ehf., kt. 4812150720, Flugvallarbraut 752, 262 Reykjanesbæ, hefur verið fellt úr gildi þar sem félagið hefur hætt ferðaskrifstofurekstri.

Fjórða ársfjórðungsskýrsla Evrópska ferðamálaráðsins (ETC) fyrir árið 2020 kom út fyrir helgi en þar er fjallað um þróunina í ferðaþjónustu á nýliðnu ári með hliðsjón af fyrirliggjandi gögnum sem og horfurnar framundan. Fyrri ársfjórðungsskýrslum hefur áður verið gerð stuttlega skil með fréttum á vefsíðu Ferðamálastofu.

Brottfarir erlendra farþega frá landinu um Keflavíkurflugvöll voru um 4.300 í nýliðnum janúarmánuði samkvæmt talningu Ferðamálastofu og Isavia, eða 96,4% færri en í janúar 2020, þegar brottfarir voru tæplega 121 þúsund talsins.

Þórdís Kolbrún Reykfjörð Gylfadóttir, ferðamálaráðherra, hefur staðfest rannsóknaráætlun 2021-2023. Í reglugerð nr. 20/2020 um gagnaöflun og rannsóknir á sviði ferðamála er kveðið á um að Ferðamálastofa skuli árlega móta og láta framkvæma rannsóknaráætlun til þriggja ára í senn.

Tvö ný fyrirtæki gengu á dögunum til liðs við Vakann, gæða og umhverfisvottun ferðaþjónustunnar. Þetta eru bílaleigan Blue Car Rental og DMC I travel.