Fréttir

Nú er opið fyrir umsóknir um styrki frá NATA, samstarfssamningi Íslands, Færeyja og Grænlands á sviði ferðamála. Lokafrestur til að skila umsókn er 25. febrúar 2020. Sótt er um á vef NATA á rafrænum eyðublöðum sem þar eru.

Efni og upptökur frá fjölsóttum fundi í gær um móttöku ferðafólks frá Kína er nú hægt að nálgast hér á vefnum. Ferðamálastofa, Samtök verslunar og þjónustu, Samtök ferðaþjónustunnar, Íslandsstofa og Íslensk-kínverska viðskiptaráðið stóðu fyrir fundinum.

Fjölmennt var á hádegisfyrirlestri Ferðamálastofu í dag þar sem kynnt var nýleg greining Ferðamálastofu á rekstri og efnahag ferðaþjónustugreina til 2018, leitast við að varpa ljósi á þróun helstu áhrifavalda á umfang og arðsemi íslenskrar ferðaþjónustu á nýliðnu ári og rætt um horfurnar um þá á nýhöfnu ferðaári. Jóhann Viðar Ívarsson vann greininguna og kynnti helstu niðurstöður á fundinum.

Vegna mikillar þátttöku hefur verið ákveðið að færa fræðslufundinn „Hvernig tökum við á móti ferðamönnum frá Kína?“ miðvikudaginn 22. janúar yfir á Grand Hótel Reykjavík, Gullteig. Tímasetning er óbreytt, þ.e. kl. 9-11.

Í kjölfar frétta af farþegum ferðaþjónustufyrirtækisins Mountaineers sem lentu í hrakningum í vélsleðaferð þann 7. janúar sl. óskaði Ferðamálastofa eftir gildandi öryggisáætlun fyrirtækisins og skýringum á tilurð atviksins.

Í beinu framhaldi af fræðslufundi um móttöku ferðamanna frá Kína þann 22. janúar næstkomandi, boða Ferðamálastofa og Íslandsstofa til námskeiðs um hvernig best er að taka á móti og þjónusta ferðamenn frá Kína.

Ferðamálastofa býður í samvinnu við Vestfjarðastofu upp á námskeið í stafrænni markaðssetningu sem ætlað er litlum og meðalstórum fyrirtækjum. Farið verður í helstu atriði stafrænnar þróunnar og markaðssetningar ferðaþjónustufyrirtækja, svo sem bókunarsíður (Booking og Expedia t.d.), Google, samfélagsmiðla og heimasíður, leitarvélabestun og gerð markaðsáætlana.

Ferðamálastofa býður í samvinnu við Austurbrú upp á námskeið í stafrænni markaðssetningu sem ætlað er litlum og meðalstórum fyrirtækjum. Farið verður í helstu atriði stafrænnar þróunnar og markaðssetningar ferðaþjónustufyrirtækja, svo sem bókunarsíður (Booking og Expedia t.d.), Google, samfélagsmiðla og heimasíður, leitarvélabestun og gerð markaðsáætlana.

Brottfarir erlendra farþega frá landinu um Keflavíkurflugvöll voru tæplega tvær milljónir árið 2019 eða um 329 þúsund færri en árið 2018, samkvæmt talningu Ferðamálastofu og Isavia. Fækkun milli ára nemur 14,2%. Er þetta í fyrsta sinn á níu ára tímabili sem fækkunar gætir í komum erlendra farþega til landsins. Af einstaka þjóðum voru brottfarir Bandaríkjamana flestar eða um 464 þúsundtalsins og var mest fækkun þaðan eða um 230 þúsund. Brottförum erlendra farþega milli ára 2018 til 2019 fækkaði alla mánuði ársins og var fækkunin hlutfallslega mest í maí og september eða meiri en 20%.

Næsti hádegisfyrirlestur Ferðamálastofu verður haldinn þriðjudaginn 21. janúar kl. 12:10. Kynnt verður nýleg greining Ferðamálastofu á rekstri og efnahag ferðaþjónustugreina til 2018, leitast við að varpa ljósi á þróun helstu áhrifavalda á umfang og arðsemi íslenskrar ferðaþjónustu á nýliðnu ári og rætt um horfurnar um þá á nýhöfnu ferðaári. Líkt og aðrir hádegisfyrirlestrar er hann í samvinnu við Íslenska ferðaklasann og fer fram í húsnæði hans að Fiskislóð 10, 2. hæð. Kynningunum er einnig streymt beint og upptaka gerð aðgengileg á netinu.