Fréttir

Verulega hefur dregið úr árstíðasveiflu í íslenskri ferðaþjónustu síðasta áratug. Ísland hefur á sama tíma farið frá því að vera það Norðurlandanna sem er með mesta árstíðasveiflu, til þess að vera það næststöðugasta. Þá er árstíðasveiflan hér á líku róli og í mörgum Evrópulöndum sem við berum okkur gjarnan saman við. Má í raun segja að hugmyndin um hina sveiflukenndu íslensku ferðaþjónustu sé nú orðin mýta, a.m.k. í samanburði við næstu þjóðir.

Ferðamálastofa tekur nú upp þráðinn í fyrirlestraröð sinni um áhugaverð rannsóknarefni í ferðaþjónustu. Fyrstu hádegisfyrirlestrarnir þetta vorið verða haldnir fimmtudaginn 20. maí, kl. 12:10-13:30. Létt snarl og drykkir verða á boðstólum frá 11.30. Vegna sóttvarna þurfa þeir sem koma á staðinn að forskrá sig á viðburðinn og hámark er 50 manns. Kynningunni verður einnig streymt beint um netið og hún gerð aðgengileg síðar á vefsíðu Ferðamálastofu.

Þann 3.júní standa Ferðamálastofa og Íslenski Ferðaklasinn í þriðja sinn fyrir Iceland Travel Tech ráðstefnuninni. Í ár verður undirheiti ráðstefnunnar "Nordic Edition". Viðburðurinn fer fram bæði í raunheimum og rafheimum en ráðstefnan verður haldin í Grósku-Nýsköpunarhúsi, og streymt samtímis.

Ferðamálastofa hefur nú í nokkurn tíma fylgst náið með bókunarstöðu á hótelum á höfuðborgarsvæðinu til að meta komandi mánuði í ferðaþjónustu.

Eins og kunnugt er liggur nú fyrir Alþingi frumvarp til laga um breytingu á lögum um pakkaferðir og samtengda ferðatilhögun. Þess er vænst að lögin verði samþykkt í byrjun júní. Með lagabreytingunni verður til Ferðatryggingasjóður. Með tilkomu hans verða umtalsverðar breytingar á fyrirkomulagi vegna pakkaferðatrygginga.

Í liðinni viku tilkynnti Þórdís Kolbrún Reykfjörð Gylfadóttir, ferðamálaráðherra, um úthlutun viðbótarstyrkja úr Framkvæmdasjóði ferðamannastaða, samtals að upphæð 122 milljónir króna. Því til viðbótar verður rúmum 70 milljónum króna varið til innviðauppbyggingar og landvörslu við gosstöðvarnar við Fagradalsfjall samkvæmt tillögum ferðamálaráðherra og umhverfis- og auðlindaráðherra.

Brottfarir erlendra farþega frá landinu um Keflavíkurflugvöll voru 5.800 í nýliðnum aprílmánuði samkvæmt talningu Ferðamálastofu og Isavia, eða sex sinum fleiri en í apríl 2020, þegar brottfarir voru tæplega eitt þúsund. Frá áramótum hafa tæplega átján þúsund erlendir farþegar farið frá Íslandi sem er 94,7% fækkun miðað við sama tímabil í fyrra en þá voru brottfarir erlendra farþega um 334 þúsund

Líkt og áður hefur komið fram hefur undirbúningur að stofnun áfangastaðastofa í öllum landshlutum verið í gangi um nokkurt skeið. Nú er búið að undirrita samninga um stofnun áfangastaðastofa í öllum landshlutum nema á höfuðborgarsvæðinu.

Ferðaskrifstofuleyfi félagsins PR Holding ehf., kt. 460511-2320, Skólavörðustíg 30, 101 Reykjavík, hefur verið fellt úr gildi af hálfu Ferðamálastofu þar sem fyrirtækið uppfyllir ekki skilyrði laga um pakkaferðir og samtengda ferðatilhögun nr. 95/2018 um skil ársreikninga og annarra gagna sem eru nauðsynleg við mat á fjárhæð tryggingar vegna pakkaferða og samtengdrar ferðatilhögunar.

Brottfarir erlendra farþega frá landinu um Keflavíkurflugvöll voru 4.600 í nýliðnum marsmánuði samkvæmt talningu Ferðamálastofu og Isavia, eða 94,2% færri en í mars 2020, þegar brottfarir voru um 80 þúsund talsins. Frá áramótum hafa tæplega tólf þúsund erlendir farþegar farið frá Íslandi sem er 96,4% fækkun miðað við sama tímabil í fyrra en þá voru brottfarir erlendra farþega um 334 þúsund.