Dagsetning: 8. mars 2019Tími: Hádegisfyrirlestur kl. 12-13Staðsetning: Íslenski ferðaklasinn, Fiskislóð 10, 101 ReykjavíkÚtsending: Streymt beint og upptaka gerð aðgengileg á netinu.
Ekkert skráningargjald. Boðið er upp á léttan hádegisverð
Fyrirlesturinn er haldinn í samvinnu við Íslenska ferðaklasann.
Að þessu sinni verða kynntar fyrstu niðurstöður rannsóknar sem unnin var að frumkvæði Samtaka sunnlenskra sveitarfélaga (SASS) vegna átaksverkefnisins Félagsleg þolmörk íbúa á Suðurlandi gagnvart ferðamönnum og ferðaþjónustu. Meginmarkmið átaksverkefnisins var að „afla upplýsinga um viðhorf íbúa á Suðurlandi gagnvart ferðaþjónustu og greina þannig þolmörk íbúa gagnvart ferðamönnum og ferðaþjónustu út frá hinum ýmsum þáttum í innviðum samfélagsins“. Á grundvelli þessara upplýsinga skyldi mat lagt á stöðu mála innan landshlutans og þannig m.a. undirbyggja ákvarðanatöku um aðgerðir sem nauðsynlegar gætu verið til þess að takast á við eikvæð áhrif af hröðum vexti ferðaþjónustunnar. Verkefnið er það fyrsta af sínum toga sem unnið er á landshlutavísu hérlendis.
Rannsóknin var unnin af Þorvarði Árnassyni og Arndísi Láru Kolbrúnardóttur hjá Rannsóknasetri HÍ á Hornafirði.
