Krossanesborgir Gönguleið
Þægilegt göngusvæði í útjaðri bæjarins, alsett klettaborgum. Á milli borganna eru gróðusælar mýrar og tjarnir með ríkulegu plöntu- og fuglalífi.
Nánari upplýsingar
Landshluti
Norðurland, Akureyrarbær
Upphafspunktur
65.702588, -18.137313 (65° 42.155'N, 18° 8.239'W)
Merkingar
Skilti við upphaf leiðar
Tímalengd
1 - 2 klukkustundir
Yfirborð
- Votlendi
- Blandað yfirborð
Hindranir
Brú - mannvirki sem ber stíg/slóða/veg yfir vatnsfall, sund, gil eða aðra hindrun
Hættur
- Hálka - Hál og sleip leið
- Umferð hjólandi
Þjónusta á leiðinni
Engin þjónusta
Lýsing
Óupplýst leið
Tímabil
Opið alla árstíma
Krossanesborgir er friðlýstur fólkvangur frá árinu 2004.
Á svæðinu eru fjölbreytt plöntu- og fuglalíf sem markmiðið er að varðveita, þannig að það verði til frambúðar fjölbreytt búsvæði fugla og plantna, sem almenningur hefur greiðan aðgang að til fræðslu og útivistar. Áhersla er lögð á að umgengni um svæðið skerði ekki plöntu- og fuglalíf þess.
Í borgunum er 5-10 milljóna ára basalt, sem myndar berggrunn Akureyrar. Svæðið er alsett klettaborgum eða stuttum klapparásum, í óreglulegum þyrpingum, er snúa norður-suður og eru almennt hvalbakslaga þ.e. aflíðandi að sunnan en með klettabelti að norðan og austan. Á borgunum má víða greina merki jökulskriðs þ.m.t. greinilegar jökulrákir, mánabrot og grettistök. Svæðið hefur lítið verið framræst. Á milli borganna eru því gróðursælar mýrar og tjarnir með sérstöku og fjölbreyttu plöntu- og fuglalífi. Helstu tjarnirnar eru Djáknatjörn, Startjörn og Hundatjörn.
Um 170 plöntutegundir hafa fundist hér þ.a. 16 starategundir (votlendisplöntur) og einnig margar nykrutegundir m.a. hin sjaldgæfa langnykra.
Samkvæmt ítarlegri fuglatalningu gerðri árið 2003 verpa hér amk 27 tegundir fugla. Meðal tegunda má m.a. telja: kríu; hettumáf, silfurmáf, sílamáf og stormmáf; jaðrakan; ýmsar endur og gæsir s.s. grafönd og grágæs, auk margvíslegra vað- og mófugla.
Um svæðið liggja slóðar, sjá yfirlitskortið, sem lagðir hafa verið til að auðvelda gestum að njóta svæðisins. Nyrst er farið um gamla hestagötu sem er forn þjóðleið.
Upplýsingaskilti með nánari upplýsingum eru á svæðinu og má finna þau hér neðan á síðunni.
Heimild: heimasíða Umhverfisstofnunar.
Á svæðinu eru fjölbreytt plöntu- og fuglalíf sem markmiðið er að varðveita, þannig að það verði til frambúðar fjölbreytt búsvæði fugla og plantna, sem almenningur hefur greiðan aðgang að til fræðslu og útivistar. Áhersla er lögð á að umgengni um svæðið skerði ekki plöntu- og fuglalíf þess.
Í borgunum er 5-10 milljóna ára basalt, sem myndar berggrunn Akureyrar. Svæðið er alsett klettaborgum eða stuttum klapparásum, í óreglulegum þyrpingum, er snúa norður-suður og eru almennt hvalbakslaga þ.e. aflíðandi að sunnan en með klettabelti að norðan og austan. Á borgunum má víða greina merki jökulskriðs þ.m.t. greinilegar jökulrákir, mánabrot og grettistök. Svæðið hefur lítið verið framræst. Á milli borganna eru því gróðursælar mýrar og tjarnir með sérstöku og fjölbreyttu plöntu- og fuglalífi. Helstu tjarnirnar eru Djáknatjörn, Startjörn og Hundatjörn.
Um 170 plöntutegundir hafa fundist hér þ.a. 16 starategundir (votlendisplöntur) og einnig margar nykrutegundir m.a. hin sjaldgæfa langnykra.
Samkvæmt ítarlegri fuglatalningu gerðri árið 2003 verpa hér amk 27 tegundir fugla. Meðal tegunda má m.a. telja: kríu; hettumáf, silfurmáf, sílamáf og stormmáf; jaðrakan; ýmsar endur og gæsir s.s. grafönd og grágæs, auk margvíslegra vað- og mófugla.
Um svæðið liggja slóðar, sjá yfirlitskortið, sem lagðir hafa verið til að auðvelda gestum að njóta svæðisins. Nyrst er farið um gamla hestagötu sem er forn þjóðleið.
Upplýsingaskilti með nánari upplýsingum eru á svæðinu og má finna þau hér neðan á síðunni.
Heimild: heimasíða Umhverfisstofnunar.