Ferðaþjónustuaðilar sem koma með ferðamenn inn á almyrkvasvæði

Almyrkvinn þann 12. ágúst 2026 mun hafa áhrif á umferð, aðgengi og álag á vinsælum svæðum innan almyrkvaslóðarinnar. Mikilvægt er að ferðaþjónustuaðilar sem hyggjast ferðast með gesti inn á svæðið undirbúi sig vel og geri ráð fyrir auknu álagi og breyttum aðstæðum. Hér má finna helstu atriði sem hafa þarf í huga við skipulagningu, mönnun, öryggi, upplýsingagjöf og framkvæmd ferða.

Ferðaþjónustaðilar þurfa að fylgjast vel með þeim upplýsingum sem koma frá stjórnvöldum varðandi almyrkvann. 

Gott er að hafa eftirfarandi í huga:

Mætið snemma, dveljið lengi og komið undirbúin.

 

Skipulag og undirbúningur

• Meta hvernig almyrkvinn gæti haft áhrif á starfsemina mína.
• Greina líklegar sviðsmyndir (aukinn fjöldi gesta, umferð, veður).
• Uppfæra eða yfirfara öryggisáætlanir.
• Skilgreina ábyrgð og hlutverk starfsfólks á almyrkvadegi.

Ferðaþjónustuaðilar þurfa að vera sjálfbjarga og vera búnir að huga að:

• Hvar eigi að borða (bóka borð).
• Hafa nægar drykkjarbyrgðir og nesti.
• Vera búnir að ganga frá og taka frá stað fyrir hópinn til þess að njóta almyrkvans.
• Vera búnir að ganga frá bókun á gistingu ef svo ber undir.
• Kynna sér þær umferðastýringar og lokanir sem verða gefnar út.
• Gera ráð fyrir miklum umferðatöfum.

Starfsfólk og mönnun

• Meta þörf fyrir auka mönnun.
• Tryggja að starfsfólk hafi skýrar leiðbeiningar og viti hvar á að leita að upplýsingum.
• Tryggja að starfsfólk hafi upplýsingar um viðbragðsaðila á svæðinu.
• Gera starfsfólk meðvitað um möguleg álagssvæði og áhættur.
• Útbúa einfaldar leiðbeiningar til starfsfólks um samskipti við gesti.

Öryggi gesta

• Meta hættu vegna umferðar, sérstaklega með tilliti til fótgangandi gesta.
• Greina varasöm eða viðkvæm svæði.
• Huga að veðri, skyggni og breytilegum aðstæðum.
• Hvetja gesti til að vera sjálfbærir (klæðnaður, matur, vatn).
• Upplýsa um notkun viðeigandi sólgleraugna til að horfa á almyrkvann.
• Tryggja að aðgengi sé að hreinlætisaðstöðu.

Umferð og aðgengi

• Kynna sér sameiginleg kort og leiðbeiningar um umferð.
• Vita hvar má leggja og hvar ekki.
• Forðast að beina gestum á svæði sem þola illa álag.
• Samræma skilaboð við nágrannaaðila, sveitarfélög og landeigendur.

Upplýsingagjöf 

• Tryggja að upplýsingar séu skýrar, einfaldar og samræmdar.
• Forðast að lofa aðstæðum sem ekki er hægt að tryggja (t.d. skyggni, veður).
• Upplýsa gesti um mögulegar tafir, takmarkanir eða lokanir.
• Nota áreiðanlegar leiðir til upplýsingagjafar (vefsíður, móttaka, skilti).
• Styðjast við og nýta upplýsingar frá viðeigandi landshlutum.

Samskipti og væntingastjórnun

• Undirbúa starfsfólk fyrir vonbrigði eða óánægju gesta.
• Halda ró, sýna skilning og veita skýrar upplýsingar.
• Beina gestum áfram á öruggan og ábyrgan hátt.
• Muna að upplifun gesta ræðst oft af samskiptum, ekki aðstæðum.