Fréttir

11% fækkun á milli ára í febrúar

Brottfarir erlendra farþega* frá landinu um Keflavíkurflugvöll voru 133 þúsund í nýliðnum febrúar eða um 16 þúsund færri en í febrúar árið 2019 samkvæmt talningu Ferðamálastofu. Fækkun nemur 10,7% milli ára. Er þetta annað árið í röð sem brottförum farþega fækkar í febrúar og kemur í framhaldi af 13% fækkun í janúar.
Lesa meira

Vel sóttur upplýsingafundur vegna COVID-19

Ferðamálastofa og Samtök ferðaþjónustunnar boðuðu í dag til upplýsingafundar vegna COVID-19. Fundurinn var ætlaður forsvarsfólki og stjórnendum í ferðaþjónustunni. Um 70 manns mættu á fundinn, um 300 fylgdust að jafnaði með í beinu streymi á netinu og var mikil ánægja með framtakið. Fram kom að Ferðamálastofa og SAF áforma annan fund innan skamms þar sem réttindi og skyldur ferðafólks og fyrirtækja verða umfjöllunarefnið.
Lesa meira

1,5 milljarði veitt til innviða og náttúruverndar á ferðamannastöðum

Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, og Guðmundur Ingi Guðbrandsson, umhverfis- og auðlindaráðherra, gerðu í dag grein fyrir úthlutun fjármuna til uppbyggingu innviða, náttúruverndar og annarra verkefna á ferðamannastöðum árið 2020. Samtals er nú úthlutað rúmum 1,5 milljarði króna úr Landsáætlun um uppbyggingu innviða og Framkvæmdasjóði ferðamannastaða sem gerir kleift að halda áfram því mikilvæga verkefni að byggja upp innviði á ferðamannastöðum.
Lesa meira

Ferðamálaskýrsla OECD komin út - Sérkafli um Ísland

Annað hvert ár gefur ferðamálanefnd OECD út veglegt rit sem inniheldur helstu tölfræði og lýsingu á tilhögun ferðamála í öllum OECD löndunum. Skýrslan nefnist Tourism Trends & Policies 2020 hefur nýjasta útgáfa nú verið birt.
Lesa meira

Mikilvægar upplýsingar til ferðafólks og starfsfólks í ferðaþjónustu

Ferðamálastofa sendi í morgun út upplýsingar á íslensku og ensku til ferðaþjónustuaðila og ferðamanna varðandi COVID-19. Upplýsingarnar eru byggðar á ráðleggingum sóttvarnalæknis og unnar í samvinnu atvinnuvega- og nýsköpunarráðuneytis og utanríkisráðuneytis.
Lesa meira

Upplýsingar um réttindi ferðafólks vegna COVID-19

Ertu á leið í ferðalag eða að velta því fyrir þér að fara í ferðalag og ert óviss um réttindi þín vegna Covid-19 veirunnar? Hér að neðan nokkrar upplýsingar sem Ferðamálastofa hefur tekið saman.
Lesa meira

Heildarfjöldi ferðamanna ríflega 2 milljónir 2019

Heildarfjöldi erlendra ferðamanna til Íslands árið 2019 var um tvær milljónir, þegar allir innkomustaðir eru taldir. Um var að ræða 14,1% færri ferðamenn en árið 2018 en þá mældust þeir um 2,3 milljónir. Þeim til viðbótar eru farþegar skemmtiferðaskipa, sem taldir sérstaklega sem dagsferðamenn, en um 188 þúsund farþegar komu með skemmtiferðaskipum til Reykjavíkur á síðasta ári.
Lesa meira

Framlag innflytjenda í íslenskri ferðaþjónustu

Ýmsar áhugaverðar niðurstöður má lesa út úr rannsókn dr. Hallfríðar Þórarinsdóttur um framlag innflytjenda í íslenskri ferðaþjónustu, sem hún kynnti á hádegisfyrirlestri Ferðamálastofu í gær. Kynningin byggir á rannsókn og samnefndri skýrslu: "Innflytjendur í ferðaþjónustu – drifkraftur vaxtar og hagsældar. Umbreytingar á íslenskum vinnumarkaði", sem kom út á síðasta ári.
Lesa meira

Ferðaþjónusta í tölum - Febrúar 2020

Í dag kom út Ferðaþjónusta í tölum - febrúar 2020. Um er að ræða mánaðarlega útgáfu hjá Ferðamálastofu, stutta samantekt með nýjustu talnaupplýsingum sem Ferðamálastofa safnar um ferðamenn og ferðaþjónustu ásamt talnagögnum frá Hagstofu Íslands. Áhersla er lögð á að skoða töluleg gögn ár aftur í tímann og þær breytingar sem hafa orðið.
Lesa meira

Varað við hellaskoðun á Reykjanesi

Í gær voru gerðar gasmælingar við Eldvörpin á Reykjanesskaga. Slíkar mælingar eru nú gerðar vikulega sem hluti af viðbragði vegna landriss við Þorbjörn. Breytinga hefur orðið vart og vilja Veðurstofan og Almannavarnadeild Lögreglunnar vara við hellaskoðun á svæðinu en mælingar sýndu lífshættuleg gildi á koltvísýringi og súrefnisleysi í helli.
Lesa meira