Upplýsingasíða um umsóknir í Framkvæmdasjóð ferðamannastaða
Opnað hefur verið fyrir umsóknir um styrki vegna framkvæmda á árinu 2027
Umsóknarfrestur er til kl. 13 þann 27. október 2026
Hvað er styrkhæft?
Framkvæmdasjóður ferðamannastaða fjármagnar framkvæmdir á ferðamannastöðum og ferðamannaleiðum í eigu eða umsjón sveitarfélaga og einkaaðila.
Sjóðnum er heimilt að fjármagna framkvæmdir er snúa að:
- Öryggi ferðamanna.
- Náttúruvernd, viðhaldi og uppbyggingu ferðamannastaða og ferðamannaleiða.
- Fjármögnun undirbúnings- og hönnunarvinnu sem er nauðsynleg vegna áðurgreindra framkvæmda. Fyrirhuguðu verkefni skal í umsókn lýst svo skilmerkilega að mögulegt sé að meta styrkhæfi þess.
Styrkur greiðist út í samræmi við lög og reglugerð sjóðsins og eru umsækjendur hvattir til að kynna sér reglurnar. Aðeins eru veittir styrkir til verkefna en ekki til staða eða aðila.
Mótframlag
Mótframlag styrkþega er að jafnaði 20% af styrkfjárhæð. Mótframlag getur verið í formi aðkeyptrar þjónustu, efnis og/eða vinnuframlags.
Takmarkanir á styrkveitingum
Framkvæmdasjóðnum er ekki heimilt:
a) Veita framlög til rekstrarkostnaðar mannvirkja, náttúruverndarsvæða eða annarra ferðamannastaða.
b) Veita fjármagni til verkefna sem þegar er lokið.
c) Styrkja fyrirtæki sem hafa með höndum rekstur ferðamannastaða umfram þá hámarks-upphæð sem leyfilegt er samkvæmt reglugerð framkvæmdastjórnarinnar (ESB) nr. 1407/2013 um minniháttaraðstoð (de minimis reglu), nú að hámarki 200.000 evrur á hverju 36 mánaða tímabili að frádregnum öðrum styrkjum frá opinberum sjóðum sem viðkomandi hefur fengið til sömu verkefna á sama tímabili.
d) Greiða fastan launakostnað umsækjenda, sbr. þó 2. mgr. 8. gr.
e) Veita styrki til ferðamannastaða sem ekki eru opnir gjaldfrjálsri umferð almennings. Heimilt er þó að taka gjald fyrir veitta þjónustu.
f) Framkvæmdir sem eru á landsáætlun um uppbyggingu innviða til verndar náttúru og menningarsögulegum minjum koma ekki til álita við úthlutun úr Framkvæmdasjóði ferðamannastaða.
Umsóknarferli vegna framkvæmda á árinu 2027
Umsóknarfrestur:
- Umsóknarfrestur er frá og með 28. september til kl. 13 þriðjudaginn 27. október 2026.
- Umsóknir sem berast eftir þann tíma koma ekki til álita.
Á island.is eru tvö umsóknareyðublöð. Umsækjandi er beðinn um að velja annaðhvort eyðublað I eða II eftir eðli verkefnisins:
I - Þjónusta/aðstaða á ferðamannastað eða ferðamannaleið:
Um er að ræða:
- Verkefni á stað, sem ekki er nú þegar skilgreindur sem ferðamannastaður en viðkomandi hefur áhuga að gera hann að slíkum - ný uppbygging.
- Nýja þjónustu eða aðstöðu á þegar skilgreindum ferðamannastað. Framkvæmdin mun auka afköst staðarins/svæðisins og/eða tengist öryggi eða náttúruvernd.
II - Úrbætur vegna náttúruverndar og/eða öryggis á ferðamannastað eða ferðamannaleið:
Um er að ræða:
- Verkefni þar sem verið er að bæta eða lagfæra núverandi aðstöðu á ferðamannastað sem tengist öryggi eða náttúruvernd.
- Aukin afköst við móttöku ferðamanna en þjónustustig er ekki hækkað. Ef um skipulags- og/eða byggingarleyfisskylda framkvæmd er að ræða, þá þarf að velja I – (Ný) þjónusta/aðstaða á ferðamannastað / ferðamannaleið.
Við mat á umsóknum er litið til forsendna og eðlis verkefna. Umsóknir eru metnar og þeim gefnar einkunnir á grundvelli gæðaviðmiða sem stjórn sjóðsins setur sér. Uppfylli umsókn ekki lögbundin skilyrði telst hún ekki styrkhæf og fellur hún þá ekki undir mat stjórnar. Umsækjendur eru hvattir til kynna sér gæðamatsblað sjóðsins.
Athugið að umsóknirnar virka ekki í vafranum Internet Explorer.
Nauðsynleg og lýsandi fylgiskjöl með umsóknareyðublaði:
- Myndir/kort af umræddum ferðamannastað/leið.
- Myndir vegna náttúruverndar.
- Myndir vegna öryggis.
- Kostnaðaráætlun (í excel formati) þar sem gerð er grein fyrir mótframlagi, áætluðum heildarkostnaði við framkvæmdina og umbeðinni styrkupphæð.
- Ef sótt er um styrk fyrir byggingu mannvirkja eða til annarra leyfisskyldra framkvæmda þá verður samþykkt deiliskipulag, fullnaðarhönnun og framkvæmdaleyfi að liggja fyrir.
- Ef sótt er um styrk til skipulags- og hönnunarvinnu þá verður að fylgja skrifleg umsögn sveitarstjórnar og/eða skipulagsfulltrúa viðkomandi sveitarfélags.
-Umsögn sveitarfélags (útfyllanlegt PDF) - Skriflegt samþykki allra landeigenda/fulltrúa landeigenda og/eða umsjónaraðila staða og/eða svæða.
-Viljayfirlýsing / upplýst samþykki landeigenda (útfyllanlegt PDF)
Vistun á gögnum:
- Athugið að innskráningartími í umsóknarkerfinu eru um 45 mínútur frá því að smellt er á "Halda áfram" hnappinn. Eftir það þarf umsækjandi að skrá sig inn aftur. Við mælum því eindregið með því að smella á "Halda áfram" hnappinn reglulega til þess að umsækjandi haldist innskráður.
- Vistið umsókn reglulega.
Fyrir nánari upplýsingar má senda fyrirspurn á netfangið framkvaemdasjodur@ferdamalastofa.is.
Sérstök áhersla er lögð á minna sótt svæði og lengingu ferðatímabils
Í úthlutuninni er lögð áhersla á minna sótt svæði og lengingu ferðamannatímabils. Gæðamat umsókna mun taka mið af þessari áherslu.
Aðrar áherslur og ábendingar til umsækjenda
- Umsækjendur eru hvattir til að vanda sig í hvívetna við gerð umsókna.
- Umsækjandi er hvattur til þess að vera búinn að vista hjá sér svörin við helstu spurningum umsóknarblaðs til að flýta fyrir gerð umsóknar ásamt myndum sem eiga að fylgja með.
- Við hönnun og útfærslu verkefnis er mikilvægt að taka mið af eðli, umfangi og þörfum svæðisins. Lausnir skulu vera hófstilltar, raunhæfar og í samræmi við upphafleg markmið verkefnisins. Forðast skal óþarfa yfirhönnun og að umfang verkefnisins aukist umfram það sem þörf er á (e. scope creep). Áhersla skal lögð á skýrar, hagkvæmar og vel rökstuddar lausnir sem falla vel að umhverfi og notkun svæðisins.
- Lögð er áhersla á framkvæmdir þar sem horft er til heildarmyndar ferðamannastaða og tengsl þeirra meðal annars við svæðisbundna þróun, áfangastaðaáætlun og aðrar skipulagsáætlanir.
- Styrkur er veittur til framkvæmda sem fyrirhugaðar eru á ferðamannastöðum eða munu leiða til þess að staðirnir verða ferðmannastaðir.
- Áherslur Framkvæmdasjóðsins er varða skipulag og hönnun, útlit og gæði mannvirkja og merkinga koma m.a. fram í eftirfarandi ritum: