Kynningarfundur um heilsuferðaþjónustu á Íslandi
Iðnaðarráðherra og Samtök um heilsuferðaþjónustu á Íslandi bjóða á kynningarfund þann 4. nóvember næstkomandi á Hótel Loftleiðum, Víkingasal frá kl. 16:00-18:00.
Dagskrá:
16:00 Magnús Orri Schram formaður Samtaka um heilsuferðaþjónustu á Íslandi flytur stutt ávarp.
16:10 Sigurður Þorsteinsson frá Design Group Italy skýrir hugmyndafræði vörumerkis samtakanna „Ísland of Health“
16:40 Katrín Júlíusdóttir iðnaðarráðherra opnar heimasíðu Ísland of Health og tilkynnir um fyrirhuguð hvatningarverðlaun sem hún hyggst veita fyrir áhugaverða heilsuferðapakka.
Að lokinni dagskrá verða léttar veitingar í boði Iðnaðarráðuneytis.
Vinsamlegast tilkynnið þátttöku fyrir kl. 13:00 miðvikudaginn 3. nóvember til Sigrúnar Hlínar Sigurðardóttur, netfang: sigrun@icetourist.is