Kynningarfundur fimmtudag 8.október um umsóknir í Framkvæmdasjóð ferðamannastaða

Ferðamálastofa stendur fyrir upplýsingafundi fyrir væntanlega umsækjendur í Framkvæmdasjóð ferðamannastaða. Fundurinn fer fram fimmtudaginn 8.október kl. 13 - 15 og er haldinn á Teams. Opnað var fyrir umsóknir þann 28.september og umsóknarfrestur er til kl. 13 þann 27.október 2026.

Skráning á fundinn fer fram hér.

Sjóðurinn fjármagnar framkvæmdir á ferðamannastöðum og ferðamannaleiðum í eigu eða umsjón sveitarfélaga og einkaaðila. Nánar um sjóðinn

Á fundinum er meðal annars farið yfir:

• Hverskonar verkefni eru styrkhæf og hver ekki.
• Umsóknarferlið og umsóknareyðublað.
• Áherslur ráðherra
• Gæðamat sjóðsins og nýtt gæðamatsblað.
• Hvernig er sótt um styrki úr sjóðnum?

Kynnar eru Guðrún Dóra Brynjólfsdóttir og Snorri Valsson.

Upptaka frá fundinum verður aðgengileg fljótlega að fundi loknum.