Gistinóttum á hótelum fjölgaði um 16% í október

Gistinætur á hótelum í október voru 183.600 sem er 16% aukning miðað við október 2013. Gistinætur erlendra gesta voru 82% af heildarfjölda gistinátta í mánuðinum en þeim fjölgaði um 23% frá sama tíma í fyrra á meðan gistinóttum Íslendinga fækkaði um 7%. Yfir tólf mánaða tímabil hefur fjöldi gistinátta aukist um 14%.

Mikil fjölgun á Suðurlandi

Flestar gistinætur voru á höfuðborgarsvæðinu um 128.800 sem er 15% aukning miðað við október 2013. Næst flestar voru gistinætur á Suðurlandi eða um 24.500 og hefur gistinóttum á Suðurlandi fjölgað um 40% samanborið við október 2013. Erlendir gestir með flestar gistinætur í október voru; Bretar 43.900, Bandaríkjamenn með rúmlega 23.600, og Þjóðverjar með rúmlega 9.300 gistinætur.

Eingöngu heilsárshótel

Athygli skal vakin á því að hér er eingöngu átt við gistinætur á hótelum sem opin eru allt árið. Til þessa flokks gististaða teljast hvorki gistiheimili né hótel sem eingöngu eru opin yfir sumartímann.

Nánar á vef Hagstofunnar

Gisting á hótelum í október 2014


Athugasemdir