Fræðslufundur vegna árlegs endurmats tryggingafjárhæða

Nú líður að skilum á gögnum vegna árlegs endurmats fjárhæða trygginga hjá ferðaskrifstofum en frestur vegna þeirra er 1. apríl ár hvert. Af því tilefni býður Ferðamálastofa ferðaskrifstofum upp á opinn fræðslufund á Facebook þriðjudaginn 5. mars kl. 10:00

Áætlað er að fundurinn standi í rúmlega 1 klst.

Farið verður yfir eftirfarandi:

• Grunntryggingafjárhæð og eðli hennar
• Hvernig reikna á meðalfjölda daga frá fullnaðargreiðslu þar til ferð hefst (N- gildi)
• Hvernig reikna á meðallengd ferða í dögum (d)
• Hvaða velta er tryggingaskyld?
• Hver ber tryggingaskyldu?
• Sölu þjónustuþátta B2B
• Ferðir sem tryggðar eru af öðrum (hvernig skal færa þær inn).
• Hvernig skal færa tekjur og gjöld í bókhald félagsins vegna ferða sem búið er að greiða en ekki búið að framkvæma.
• Skráning upplýsinga í vefgátt Ferðamálastofu.
  • Upplýsingar um leyfishafa
  • Bókhaldsupplýsingar
  • Skráning rauntalna og áætlunar
  • Seljendur sem eru tryggingaskyldir vegna pakkaferða leyfishafa
  • Fylgigögn
  • Skilum lokið

Starfsfólk Ferðamálastofu þakkar góða þátttöku í könnun á fræðsluþörf vegna árlegs endurmats. Vegna mikils áhuga á fræðslu var ákveðið að senda fræðslufundinn út á Facebook til að gefa sem flestum kost á þátttöku.

Við hvetjum aðila til að senda spurningar tengdar efni fræðslufundarins á netfangið arlegskil@ferdamalastofa.is fyrir mánudag 4. mars og verður leitast við að svara þeim í tengslum við fyrirlesturinn. Einnig verður leitast við að svara þeim spurningum sem kunna að vera bornar upp í Facebook-spjalli á fundinum.