Ferðamálastofa birtir fjárhagsupplýsingar atvinnugreina og fyrirtækja í ferðaþjónustu

Ferðamálastofa birtir fjárhagsupplýsingar atvinnugreina og fyrirtækja í ferðaþjónustu
Skjáskot úr Mælaborði ferðaþjónustunnar

Ferðamálastofa hefur birt fjárhags- og rekstrarupplýsingar fyrirtækja í öllum helstu greinum ferðaþjónustu fyrir árið 2018 á heimasíðu sinni og í Mælaborði ferðaþjónustunnar

Þar er hægt að skoða fjárhag, rekstur, sjóðstreymi og lykilkennitölur eftir undirgreinum ferðaþjónustu, landssvæðum, stærð fyrirtækja og einstökum fyrirtækjum.

Í gagnagrunninum eru tæplega 1.900 fyrirtæki sem uppfylla skilyrði ÍSAT-flokkunar um að tengjast ferðaþjónustu, eru á félagsformi, skila skattframtali sínu á Íslandi, voru með meira en 5. m.kr. í veltu á árinu 2018 og ekki með útistandandi fjárnám.

Í mælaborði ferðaþjónustunnar er búið að taka helstu upplýsingar saman fyrir notendur, sem þeir geta skoðað út frá mismunandi forsendum, en einnig geta notendur sótt hrágögnin beint í mælaborðið á Excel-formi til frekari greiningar.

Ferðamálastofa hyggst uppfæra þessar upplýsingar þegar nýjar tölur verða aðgengilegar. Má gera ráð fyrir að tölurnar fyrir árið 2019 verði tilbúnar með haustinu.

Opna Mælaborð ferðaþjónustunnar


Athugasemdir