Áætlun um þróun og framkvæmd Mælaborðs ferðaþjónustunnar

Veigamikill þáttur í starfi Ferðamálastofu er rekstur gagnagrunns og á grundvelli hans Mælaborðs ferðaþjónustunnar. Markmiðið er að bæta þekkingu um greinina, þekkingu sem stjórnvöld og fyrirtæki hafa greiðan aðgang að, og stuðla þannig að hagfelldari þróun ferðaþjónustunnar í landinu.

Gagnagrunnurinn er nú þegar talsvert viðamikill og fer stækkandi. Notkun hans með milligöngu mælaborðsins er sömuleiðis mjög umtalsverð og vaxandi. Margt bendir til að notagildi þessa gagnagrunns fyrir stjórnvöld, fyrirtæki og rannsakendur í ferðaþjónustu sé nú þegar verulegt og geti orðið enn meira í framtíðinni.

Af þessum sökum telur Ferðamálastofa mikilvægt að halda áfram að byggja þessa þjónustu upp með skipulegum og hagkvæmum hætti. Þáttur í því er meðfylgjandi þróunaráætlun fyrir mælaborðið sem ætlað er að vera leiðsögn um uppbyggingu þess og endurbætur á næstu árum.

 Opna Þróunaráætlun mælaborðs


Athugasemdir