Byko og Tendra kynna gistilausnir fyrir ferðaþjónustu

Gistill er ný gerð einingahúsa úr timbri sem eru sérstaklega hönnuð með þarfir þeirra sem reka hótel og gistiheimili í huga.

Í tilkynningu segir að upplifun ferðamannsins og nálægð hans við náttúruna sé gert hátt undir höfði með stórum gluggum. Ennfremur er hægt að panta þakglugga sem getur verið áhugaverð lausn til að lengja ferðamannatímabilið á þeim stöðum sem sést vel til norðurljósa eða stjarna.

Einingakerfið býður upp á sveigjanleika til að laga hýsin að aðstæðum þar sem þess gerist þörf. Einingarnar eru framleiddareftir ströngustu gæðakröfum og er allt timbur úr sjálfbærum skógum. Hægt er að nota steypta plötu sé þess óskað.

Gistihýsin má fá í ýmsum stærðum og geta þau staðið ein og sér, í þyrpingum eða í lengjum. Hægt er að panta ganga og þjónustueiningar sem eru hannaðar eftir þörfum hvers og eins.

Einnig er boðið upp á heildarlausnir vegna hótel- og gistirekstrar, útfærðar í samráði við kaupanda.

Sjá nánar hér