Atvikavaktin á 30 mínútum - Örnámskeið fyrir ferðaþjónustuaðila
Öryggi er ein af mikilvægustu undirstöðum íslenskrar ferðaþjónustu. Á hverjum degi verða atvik og nærslys sem geta veitt dýrmætan lærdóm og skapað tækifæri til umbóta áður en alvarleg slys eiga sér stað.
Til að styðja við öflugra öryggisstarf hefur Ferðamálastofa tekið í notkun Atvikavaktina – miðlægt atvikaskráningarkerfi fyrir ferðaþjónustuna. Kerfið er fyrirtækjum að kostnaðarlausu og gerir þeim kleift að skrá slys, óhöpp og næratvik á einfaldan og samræmdan hátt.
Með þátttöku í Atvikavaktinni fær fyrirtækið meðal annars:
- Betri yfirsýn yfir atvik í eigin starfsemi.
- Aðgang að gagnvirku mælaborði sem styður áhættumat og ákvarðanatöku.
- Tækifæri til að greina mynstur og bregðast fyrr við áhættu.
- Verkfæri sem styður við lögbundnar kröfur um öryggisáætlanir og stöðugar umbætur.
- Tækifæri til að leggja sitt af mörkum til sameiginlegs lærdóms og aukins öryggis í íslenskri ferðaþjónustu.
Flest alvarleg slys eiga sér undanfara. Með því að skrá næratvik og læra af reynslunni getum við saman byggt upp enn sterkari öryggismenningu í greininni.
Atvikavaktin á 30 mínútum
Til að auðvelda fyrirtækjum að hefja notkun bjóðum við nú upp á þrjú stutt örnámskeið (30 mínútur hvert) þar sem farið er yfir:
- Hvernig fyrirtæki skrá atvik og næratvik í Atvikavaktina.
- Hvernig hægt er að nýta mælaborð og gögn til umbóta og forvarna.
- Hvernig Atvikavaktin getur stutt við öryggisáætlanir og daglegt öryggisstarf fyrirtækja.
Námskeiðin eru sérstaklega ætluð stjórnendum og millistjórnendum.
Skráning á námskeið - 3 dagsetningar í boði:
22. júní kl 11:00 – 11:30:
https://events.teams.microsoft.com/event/b8d4e068-6e69-4c45-a6c0-b742062b0b87@764a306d-0a68-45ad-9f07-6f1804447cd4
30. júní kl 11:00 – 11:30
https://events.teams.microsoft.com/event/0fcdee11-ac83-4516-8ef5-1a24e8a462da@764a306d-0a68-45ad-9f07-6f1804447cd4
8. júlí kl 11:00 – 11:30
https://events.teams.microsoft.com/event/c63af7a8-fcaf-44d4-bac1-b2ef0d0e2ccc@764a306d-0a68-45ad-9f07-6f1804447cd4
Við hvetjum ykkur til að kynna ykkur Atvikavaktina og taka þátt í þeirri vegferð að gera íslenska ferðaþjónustu enn öruggari fyrir gesti og starfsfólk.