Úlfarsfell frá Skarhólabraut Hlaupaleið

Brattasta leiðin upp á Úlfarsfell, frá Skarhólabraut. Stutt og kröftug utanvegahlaupaleið sem hentar vel til að æfa brekkuklifur upp og hlaup niður í móti. Vel stikuð með tröppum og frábæru útsýni efst.

Nánari upplýsingar

Landshluti

Höfuðborgarsvæðið, Mosfellsbær

Upphafspunktur

Skarhólamýri við Skarhólabraut

Erfiðleikastig

Þrep 2 - Miðlungs leið

1 2 3 4

Merkingar

Stikuð - merkt leið með stiku, staur eða stöng með reglulegu millibili

Tímalengd

1 - 2 klukkustundir

Yfirborð

Blandað yfirborð

Hindranir

Þrep - Trappa, stallur, stig eða lágur hjalli sem þarf að stíga upp á

Hættur

Engar hættur á leiðinni

Þjónusta á leiðinni

Engin þjónusta

Lýsing

Óupplýst leið

Tímabil

Opið alla árstíma

Brattasta uppgönguleiðin á Úlfarsfell, frá Skarhólabraut, og tilvalin til að æfa bæði brekkuklifur upp og utanvegahlaup niður í móti. Hlaupið hefst við Skarhólamýri og liggur beint upp hlíðina á topp Úlfarsfells. Stígurinn er vel stikaður og skátarnir í Mosfellsbæ hafa komið fyrir um 250 tröppum í hlíðinni, sem gera leiðina greiðfærari og öruggari. Leiðin er stutt, um 3,5 km, en brött með um 200 metra hækkun á skömmum kafla, svo víða þarf að ganga á leið upp. Efst bíður stórkostlegt útsýni í allar áttir yfir höfuðborgarsvæðið, Esjuna og Mosfellsdal. Niðurleiðin er kjörin til að æfa tækni í utanvegahlaupi niður í móti. Undirlagið er blandað: mold, melur og grjót. Tröppurnar geta verið hálar í bleytu. Leiðin er hringur og hentar þeim sem vilja stutta en krefjandi æfingu. Bílastæði er við upphafsstað.

Sækja leið sem GPX skrá