Skógarhringur í Esjunni Hlaupaleið

Þessi leið er skemmtileg og skjólsæl utanvegahlaupaleið um skógræktina í Esjuhlíðum við Mógilsá, neðst í hlíðum Esju, án þess að fara upp á fjallið sjálft. Skógræktarfélag Reykjavíkur hefur haft umsjón með Esjuhlíðum frá árinu 2000 þegar félagið tók við jörðunum Mógilsá og Kollafirði. Leiðin hefst við Esjustofu og fylgir merktum litastígum um skóginn, sem er einn sá fjölbreyttasti á landinu. Á Mógilsá er rannsóknastöð skógræktar, reist 1967 sem þjóðargjöf frá Norðmönnum, og í brekkunni ofan við hana er formlegt trjásafn með merktum tegundum víða að úr heiminum, meðal annars fágætum tegundum eins og linditré, broddhlyni og risalerki. Stígarnir liggja um skóginn, yfir læki og bakka og um skógi vaxnar hlíðar í umgjörð Esju, eins vinsælasta útivistarsvæðis höfuðborgarinnar. Margir minni stígarnir eru í raun tilvalið tilbrigði við hefðbundna Esjugöngu, styttri Esjuferð í sjálfu sér. Leiðin er um 5 km með um 290 metra hækkun og hentar því vel í styttri en snarpa æfingu; undirlagið er mjúkir skógar- og malarstígar. Sumarið 2020 var lagður tengistígur milli Esjustofu og bílastæðisins við Kollafjarðará, og svæðið er vel merkt með leiðbeiningaskiltum. Á sumardögum er nokkur umferð, bæði gangandi og hjólandi. Bílastæði, salerni og Esjustofa eru við upphaf leiðar.